كونوا يد واحده

[lulumoon]

السلام عليكم ورحمة الله وبركاته اتمنى من كل مواطنه سعوديه بنت البلد عندها وطنيه انا نقوم ضد المنشأت الخاصة كلها بتبليغ مكتب العمل النسائي بجدة وفي اي منطقة في المملكة وتتصلوا على قسم الشكاوي في حالة اكتشاف المنشأة توظف اجانب وليست على كفالة المنشأة ارجوكم بنات وسيدات خلينا يد وحده متعاونه والله فيها اجر لانه بنت الوطن ماتلاقي وظيفة وتتاهن والاجنبيه تتكرم وراتبها اعلى شي يقهر تتصلوا على استاذه حياة الفرع النسوي بجدة شكرا جزيلا موفينق بإذن الله ... لكم مني أجمل تحية

[ابو محمد 2009]

أحل الله الإكتساب ولم يفرق بين "أجنبي" كما قلتي ومواطن. والرزاق رب العالمين.

[kh.dd]

وعليكم السلام ورحمة الله وبركاته ..
اتوقع الحسبه مو بالسعوده

بالخبره والشهاده وطالما انهم اعلى مننا يستحقوووها
مع خالص احترامي

وشكرا لك

[شواطئ البحر]

حب لأخيك ما تحبه لنفسك

لو تجري جري الوحوش غير رزقك ما تحوش
دمتي بحفظ الله

[وفاء جدة]

الدنيا أرزاق وكل واحد رزقه مقسوم له

شكراااااا لك

[lulumoon]

هذه بلدي وانا مواطنه من حقي غصب على الا مايرضي انا اتكلم واشجع بنات بلدي لانه مظلومين ولا قلتلكم انا قاطعت ارزاق لكن من حق المواطنه ولها الافضليه في التوظيف قبل اي اجنبيه وليست على كفالة الشركة والسعوديه افضل وكفؤ عن اي اجنبيه وعندنا بنات افضل بمليون مره في خبرتها ولا حاجه للاجنبيه في بلدنا نهائي لكن ربنا ان شاءالله ينصرنا يارب غصب عن الكل

[طالبة.مجتهدة]

^^^
بس ما اروح اشتكي واقول وظفو دي وما وظفوني...
اسمحيلي يمكن الاجنبية تكون احسن من السعودية ولو لقيو سعودية بنفس المواصفات اللي يبغوها>>زي مواصفات دي الاجنبية ...
كان قبلوها صح ولا؟؟؟!!








...

[lulumoon]

والله صدقيني السعوديه افضل من الاجنبيه ولها الاحقيه واذا انتى اجنبيه توظفي في بلدك ولو الاجنبي في خير في بلده ماتركها وجاء عندنا في بلدنا ياكل خيراتنا ومن حقنا نكون يد واحده ولكن للاسف تقولي لمين ياحسرة لا حياة لمن تنادي لكن ان شاءالله يجي يوم وتكون كلها سعوده غصب على الا يرضي ومايرضي

[طالبة.مجتهدة]

^^^
الاجنبي ما خرج من بلده الا وهو محتاج وانتي ما تقدري تعرفي قد ايه هوا محتاج الا لما تجربي عيشته....
مثلا انتي سعودية ومنتي لاقيه وظيفة وقالو في وظائف بالهبل في بلد معين وعندك امكانية تروحي حتروحي بصراحة؟؟!







زي سالفة المعلمات السعوديات اللي راحو يشتغلو في الكويت وقطر معلمات......
مو في قطريات وكويتيات محتاجين؟؟؟؟ينفع نطلعهم نقول ارجعو بلدكم عشان المواطنين يشتغلوا؟؟؟







انا مو ضد السعودة لكن ما في بلد في العالم كل الموظفين من نفس البلد صح؟؟؟

[lulumoon]

ان شاءالله انا راح اكون لاخر لحظة مع بنت بلدي وعندي وطنيه لبلدي انتى ايش مزعلك وليش متضايقة هذا ابسط حق من حقوقنا وشكله المنتدى هذا اكثره اجانب عشان كده زعلانه الله يهديكي ويصلحك اتقي الله واتكلمي كلمة الحق لو انتى في بلدك يسرلك هذا الظلم ماتنقهرني اقسم بالله سعودي جامعيه وعندها خبرة وذوق جدا راقيه والاجنبيه ماكملت المتوسطه قسم بالله وهذه شفتها وشايفتها في معظم المنشأت للاسف قدام عيني وراتب الجاهله الاجنبيه الا ماعندها متوسطه 4 الف تخيلي والسعوديه 2 الف تخيلي ماتبغيني انقهر نفسي احرقهم قسم بالله مو انقهر تبغيني اوصفلك المنشأة تروحيلها شوفيه بوتيك في حي الخالديه اسمه العروسه الجميله والثاني مطعم ونادي اطفال في حي الروضة روحي شوفي انواع الظلم الا تسير في الدين الاسلامي راح فين السعوده وكمان ازيدك من الشعر بيت تخلص الاجنبيه شغلها في هذا المحل وتجري على فندق ثاني تشتغل فيه تخيلي زي الماكينه مع قريصة الفلوس يتقوا الله في البنت السعوديه يخافوا الله حسبي الله عليهم احنا نعاني معاناة واقسم بالله بعضهم دارسين في الخارج وفي البيوت وشهادات عاليه جدا ماجستير ودكتوراه هذا حق الا انتي جالسة تتكلمي عليه وتجادليني فيه حسبي الله ونعم الوكيل على كل ظالم