سؤال بخصوص التحويل

[foofooo.caffee]

بسم الله الرحمن الرحيم

يا جماعة انا اكلمكم وانا كلي همم الحمدالله على كل حال
الحاصل اني نسبتي 3.64 ,وانقبلت في الفنون وانا مرررره ماني فنانة
وكان نفسي ادخل حاسب او ادارة واقتصاد بس للاسف ..............فساعدوني هل اقدر احول من قسمي للحاسب مثلا وكيف ومتى وهل في وحده صارلها الي صارلي
بليييز لا تطنشووو وردو عليا الله يفرج عنكم همومكم ياااارب

[foofooo.caffee]

ياهوووو ليش محد يرد حرام عليكم

[فصحية]

اهلا ..

والله انا كنت ابغى حاسب وقبلوني ع العلوم وع اساس اخد ترم واحول او تتيسر بطريقة تانية هعـ

الله ييسر لي وييسر لك يارب

موفقه ~

[L0rDy]

المشاركة الأصلية كتبت بواسطة foofooo.caffee بسم الله الرحمن الرحيم يا جماعة انا اكلمكم وانا كلي همم الحمدالله على كل حال الحاصل اني نسبتي 3.64 ,وانقبلت في الفنون وانا مرررره ماني فنانة وكان نفسي ادخل حاسب او ادارة واقتصاد بس للاسف ..............فساعدوني هل اقدر احول من قسمي للحاسب مثلا وكيف ومتى وهل في وحده صارلها الي صارلي بليييز لا تطنشووو وردو عليا الله يفرج عنكم همومكم ياااارب

اذا قصدك فنون اللي في الاقتصاد المنزلي في التغذية ادخل فيها تخصص حلو وتطلعي اخصائية وكمان يمديكي تحولي الترم الجاي بس جيبي معدل عالي حتى لو كنتي في اي كليه
ان شاء الله تكوني فهمتي عليا
بالتوفيق

[foofooo.caffee]

طيب انا سمعت انو بداية الترم اقدر اغير تخصصي بس في المستوى العلمي الي انا فيه
وبعد ما اخلص الترم الاول يعني نهايتو اقدر اختار تخصص في المسار الاداري الانساني
ايش رايكم في دا الكلام صحيح والا لا

[foofooo.caffee]

ترا اخر تعليق كتبتو سؤال !!!!
ليش محد يرد
احس اني في عالم ثاني

[فصحية]

المشاركة الأصلية كتبت بواسطة foofooo.caffee طيب انا سمعت انو بداية الترم اقدر اغير تخصصي بس في المستوى العلمي الي انا فيه وبعد ما اخلص الترم الاول يعني نهايتو اقدر اختار تخصص في المسار الاداري الانساني ايش رايكم في دا الكلام صحيح والا لا

وضحي اكثرر وان شاء الله افيدك بس كيفك تبى حاسب يعني انتي علمي
وايش التخصص العلمي الي تقصدي راح تغيريه !!
وكيف تتخصصي اداري

فهميني وضحي كلامك وان شاء الله اساعدك باللي اعرفوا

موفقه ~

[foofooo.caffee]

ايوه انا علمي وحطوني فنون وحابة اغير واروح حاسب
هل يمديني على هالنسبة احول؟؟و دحين او بداية السنة ؟؟


وبالنسبة للاداري انا اقصد انو بعد ما اخلص ترم في دا التخصص الي هوا الفنون سمعت اني اقدر احول اي قسم ابغاه بس في الاداري والانساني
هل الكلام هذا صحيح ؟؟


وعن جد اسفة على اسلوبي واتمنى تكوني فهمتيني يارب
و شكرا انك عبرتيني

[فصحية]

المشاركة الأصلية كتبت بواسطة foofooo.caffee ايوه انا علمي وحطوني فنون وحابة اغير واروح حاسب هل يمديني على هالنسبة احول؟؟و دحين او بداية السنة ؟؟ وبالنسبة للاداري انا اقصد انو بعد ما اخلص ترم في دا التخصص الي هوا الفنون سمعت اني اقدر احول اي قسم ابغاه بس في الاداري والانساني هل الكلام هذا صحيح ؟؟ وعن جد اسفة على اسلوبي واتمنى تكوني فهمتيني يارب و شكرا انك عبرتيني

اولا اسلوبك تمام التمام بس الرد الاول كانت المعلومات ملخبطه حبتين معليه

اما بالنسبة للتحويل فانا كمان ابى حاسب وحطوني علوم روحي الجامعه وشوفي اذا تقدري تحولي
يقوولوا فيه معاملات ترفعيها وكدا وكمان قالوا اول اسبوع كتير ناس تقدر تغير تخصصاتها لأنوا كتير بنات بيسحبوا فتفضى مقاعد وكداا

بالنسبة للفنون والله انا ما اعرف اذا تقدري تحولي بعدها لأي قسم اداري اولا بس المنطق يقول دام انه كان من خيارات المسار العلمي يعني قسم علمي فاللي يحصل انك اذا بتحولي تحولي ع تخصص علمي مو اداري فما اعتقد انوا صحيح الا اذا انتي تبغي تخصص اداري غير الحاسب عادي لعيونك يسير صحيح

لا ولو اعبرك وارد عليك انا ما احب احدد يطنشني >> وسارت فيا كثيرر هعـ
فما اطنش احدد لو اعرف شيء
والناس للناس يا ستي

واي شيء انا تحت امممرك

موفقه ~

[foofooo.caffee]

يا قلبي الله يسعدك ويفرج همك ياااااااااارب
وعن جد افدتيني ياقلبي
مررررررره شووووكرا