فاتني إختبــار وش الحل ..؟

[أبو فاتن]

مساء الخير إخواني الأفاضل


قدر الله وماشاء فعل

فاتني إختبار وش الحل ياإخوان ..؟

1_ هل العذر الطبي لازم من مستشفى حكومي ..؟
2_ ينفع العذر الطبي من متشفى خاص أو مستوصف خاص ..؟

وما هي الإجراءات ..؟

[Llll5Liiio]

ههههههههههههههههههههه جبت العيد يابو فاتن


الله يكون في عونك فيه واحد يعرف الاجراءات اسمه raul 7

في موضوعه " أبشركم سحبت من الجامعة "

موفق ياغالي

والله يعوض عليك عساها خيره لك عشان تجيب درجة طيبه في الاختبار البديل

[شوكولاته2010]

وحده من البنات صار لها نفس الحاله ما دخلت الاختبار كان اختبارها س8 وهي تحسبه س11 راحت في نفس اليوم وكلمت دكتورة الماده ووافقت تعيدلها في اليوم الثاني.....
ووحده ثانيه من البنات تلخبطت في الايام وكلمت الدكتورة وقبلت عذرها.....

أفضل حل كلم دكتور الماده واشرحله السبب
اذا مارضى ومااقتنع الابعذر جبله عذر من مستشفى جكومي اذا تقدر واذا ماتقدر جيب من خاص ولازم يكون خاتم عليه مدير المستشفى ..
وبالتوفيق إن شاء الله.....

[RAUL 7]

والله ياخوي ابو فاتن انا لي 4 ايام وانا من مستشفى لمستشفى ومن مرور لمرور ومن شرطه لشرطه ادور اي عذر رسمي علشان يقبلونه

[أبو فاتن]

المشاركة الأصلية كتبت بواسطة llll5liiio ههههههههههههههههههههه جبت العيد يابو فاتن الله يكون في عونك فيه واحد يعرف الاجراءات اسمه raul 7 في موضوعه " أبشركم سحبت من الجامعة " موفق ياغالي والله يعوض عليك عساها خيره لك عشان تجيب درجة طيبه في الاختبار البديل

ههههههههههههههههههههههه بقووووووووة بعد

إي والله إني شايف إسمة تحت بالردود أخونا راؤول الله يكون بعوني وعونه يارب بس الظاهر حتى هو حايس مثلي

آآآآآآمين يارب ربي يسمع منك أخوي عادل ويوفقك إنت بعد

[أبو فاتن]

المشاركة الأصلية كتبت بواسطة شوكولاته2010 وحده من البنات صار لها نفس الحاله ما دخلت الاختبار كان اختبارها س8 وهي تحسبه س11 راحت في نفس اليوم وكلمت دكتورة الماده ووافقت تعيدلها في اليوم الثاني..... ووحده ثانيه من البنات تلخبطت في الايام وكلمت الدكتورة وقبلت عذرها..... أفضل حل كلم دكتور الماده واشرحله السبب اذا مارضى ومااقتنع الابعذر جبله عذر من مستشفى جكومي اذا تقدر واذا ماتقدر جيب من خاص ولازم يكون خاتم عليه مدير المستشفى .. وبالتوفيق إن شاء الله.....

بارك الله فيك أختي شكولاتة
الله يعين شكلنا بنشوف لنا تقرير طبي بس مدري التقرير الطبي اللي من مستشفى خاص
لازم يكون مختوم من مدير المستشفى والا وزارة الصحة ..؟

[أبو فاتن]

المشاركة الأصلية كتبت بواسطة raul 7 والله ياخوي ابو فاتن انا لي 4 ايام وانا من مستشفى لمستشفى ومن مرور لمرور ومن شرطه لشرطه ادور اي عذر رسمي علشان يقبلونه

هلا هلا ,, هلا بأخوي راؤول
هلا بزميــــــــــــــل البديــــــــل
والله كلامك ياغالي مايبشر بخير بالله عليك كل هالوقت حايس ..؟ يعني مافيه أمل ..؟
والله حاله صايرين مثل الشغلات الإندونيسيات الهاربات
الشكوى والحيلة لله بس صدقني لايأس مع الحياة ,, جايبنها جايبينها بعون الله
بس أبي أعرف وش الأجراءات أخوي راؤول إذا تقدر تفيدني
وجزاك الله ألف خير

[RAUL 7]

الاجراءات طال عمرك اول شي تجيب تقرير من المستشفى يبين حالتك بالتفصيل الممل وتروح تقدمه عند المبنى الي قدام كلية الاقتصاد والادارة اسمه الظاهر الشؤون التعليميه تلقاهم قدامك على طول اول ماتدخل المبنى تشوفهم قدامك داخل غرفه وبينك وبينهم لوح زجاجي زي البنوك تعطيهم التقرير وبيعطونك ورقة طلب اختبار بديل تعبيها وبعد كذا بيطلبون منك الجدول الدراسي علشان يرفقونه مع الاوراق لتقديم الطلب ...


ملاحظات :
1. اذا كان الاسلوب حق الموظفين سيئ للغاية فلا تقلق لان هذا شي طبيعي عندهم ...
2. احتمال كبير انهم يرفضون جميع الاوراق الي عندك بدون سبب فيجب عليك البحث عن اقرب واسطه بكلية الاقتصاد والادارة وانا انصحك بالدكتور توفيق الخيال .
3. احتمال كبير جداً انه يقولك روح اختم التقرير من الشؤون الصحيه بالجامعه .. واذا كان رايق الموظف ماراح يطلب الشي هذا ..
4. لاتبتسم مع الموظف ولاتتكلم معه الا بالموضوع حق الاختبار البديل لان الموظفين اذا ابتسمت معهم وكنت خلوق اعرف انهم بيعقدونك ...

دمت بود وتحياتي ..

[السيدة نكتة]

اشتري عذر طبي من مستشفى حكومي كثير اسمع يسون كذا
ماعندي خلفية أي مستشفى .
مافي إلا كذا دام العالم مايقدرون الظروف مافي إلا اللف والدوران

[أبو فاتن]

المشاركة الأصلية كتبت بواسطة raul 7 الاجراءات طال عمرك اول شي تجيب تقرير من المستشفى يبين حالتك بالتفصيل الممل وتروح تقدمه عند المبنى الي قدام كلية الاقتصاد والادارة اسمه الظاهر الشؤون التعليميه تلقاهم قدامك على طول اول ماتدخل المبنى تشوفهم قدامك داخل غرفه وبينك وبينهم لوح زجاجي زي البنوك تعطيهم التقرير وبيعطونك ورقة طلب اختبار بديل تعبيها وبعد كذا بيطلبون منك الجدول الدراسي علشان يرفقونه مع الاوراق لتقديم الطلب ... ملاحظات : 1. اذا كان الاسلوب حق الموظفين سيئ للغاية فلا تقلق لان هذا شي طبيعي عندهم ... 2. احتمال كبير انهم يرفضون جميع الاوراق الي عندك بدون سبب فيجب عليك البحث عن اقرب واسطه بكلية الاقتصاد والادارة وانا انصحك بالدكتور توفيق الخيال . 3. احتمال كبير جداً انه يقولك روح اختم التقرير من الشؤون الصحيه بالجامعه .. واذا كان رايق الموظف ماراح يطلب الشي هذا .. 4. لاتبتسم مع الموظف ولاتتكلم معه الا بالموضوع حق الاختبار البديل لان الموظفين اذا ابتسمت معهم وكنت خلوق اعرف انهم بيعقدونك ... دمت بود وتحياتي ..

حشى هذا صار معتقل غوانتانامو مو جامعة زين عسى بس مايطلبون بعد أجيهم بثوب برتقالي (اللون المعتمد في المعتقل)

جينا للمهم وهنا يكمن السؤال ياغالي

تجيب تقرير من المستشفى يبين حالتك بالتفصيل الممل

وش يعني يبون أقولهم عشان أعرف وش أخلي المستشفى يكتبون بالتقرير أو الإجازة إني كنت منوم بالطواري ذاك اليوم ..؟ واللي إني كنت أعاني من قرحة ممزمنة بالقولون ونصحوني بعدم الذهاب للجامعة وعلى ضوئها منح هذه الإجازة ..؟

اذا كان الاسلوب حق الموظفين سيئ للغاية فلا تقلق لان هذا شي طبيعي عندهم

عادي تراني وسيع صدر وإذا جاك العيب من أهل العيب ماهو عيب
ولا تخاف محسوب كل جرح وله عنده كيه بالنار

احتمال كبير جداً انه يقولك روح اختم التقرير من الشؤون الصحيه بالجامعه

عادي نرووووووح

واذا كان رايق الموظف ماراح يطلب الشي هذا

خير وبركة ,, شعرة من ظهر الحمار نعمة

لاتبتسم مع الموظف ولاتتكلم معه الا بالموضوع حق الاختبار البديل

أكيد لأنه من متى المعرفة ,,

اعرف انهم بيعقدونك

لا عاد هنا يخسون ويعقبون لو أنا جايب لهم التقرير بتمشي غصب عن خشومهم




في النهاية لايسعني أخوي راؤول إلا أن أتقدم لك بالشكر الجزيل على هالمعلومات القيمة وتجاوبك ياغالي

وادعيلك من كل قلبي وأقول عسى ربي يوفقك إن شاء الله يارب