بيض الله وجه مدرس المحاسبه102

[Llll5Liiio]

المشاركة الأصلية كتبت بواسطة فــهــد ابي اسئلك مشاكس ،، وش شكله الدكتور فيصل المالكي ياخي مدري كني شفته

فيصل المالكي

إنسان حبوب رهيب

مااشاء الله عليه

ماخذ ممتاز في الجامعة مع مرتبة الشرف

[abubany]

الإختبار مرعب بسهولته :)

في نموذج أ وفي أول سؤال (صح × خطأ) أتذكر الفقرة السادسه تقريباً وهي تعريف حد الأمان بالوحدات, في البداية حطيتها خطأ, ولما رأجعت الأسئلة إكتشفت أنها صح لكن ما كان التعريف واضح, مثل ما ذكر بعض الإخوة بأنه في تمويه وحنا محنا ناقصين ,

برضه في أول فقره في السؤال الثاني وهي شراء سيارة, وفي البداية كنت أتوقع أنها قيد مشتريات, لكن بعد المراجعة لاحظت كلمة (أصل ثابت) والأصول الثابته لها قيد يختلف عن قيد المشتريات...

والله ما قدرت أراجع غير الصفحة الأولى, صراحه تحطمت, بعد ما كنت أتوقع أنه الأسئله سهله جداً لكن من يوم بديت أراجع وأنا أشوف أشياء جديدة :s

[شرقاوي منتسب]

السلام عليكم

ايه نعم الاختبار سهل من النظره الاولى..لكنه ملغووووم
الاسئله تعتقد انها واضحه لكن تلقاه حاط حواليها عوامل جذب الى الخطأ اكثر من الصواب...

اعطيك امثله..

لما يذكر متوسط المدينين و360 يوم ويطلب فترة التحصيل..؟؟ ليه يحط لي متوسط المخزون؟؟ عشان يغلطك
لما تلاقي بالاجوبه 24 % او 24 يوم او 72 % او 72يوم يعني ليه التعقيد؟؟؟
وش بيضره اذا حطه السؤال صريح بدون مايدخل متوسط المخزون ويخلي الجابات مفتوحه مش قريبه وملغوومه مع بعضها..


انت فاهم انا فاهم لكن غيرنا يختبص مع الحركات هذي..فيه ناس فيها وسواس كل شوي تمسح شككهم في الاجابه

سؤال اخر يحط لك الاجابات والخيار الرابع (لاشي مما سبق)
ليه سؤال نظري؟؟؟ محاسبه رياضيات يعني كفايه على الطالب الهم

الاسئله 27 سؤال ..عشان يمديك تحل وانا اشكرهم على هالنقطه لكن توزيع الدرجات قوي
السؤال الثاني كل فقره ب4 درجات!!
يعني واحد غلط ب11 فقره خلاص راسب


وش يستفيد الدكتوره من هالحركه؟؟ يبي يقيس فهم الطالب حط السؤال مباشر بدون تشكيك حوله..امسكت معه مايقدر..خلاص يخليهم كم سؤال مو كل الاسئله
ابي اعرف شعوره وش يحس فيه لما يحط الاسئله!!

يعني ما قلت هالكلام الا من القهر والله..راسب بالمحاسبه 4 مرات وهذي ال5 واطلع من كل اختبار واقول الله يجزيهم خير سهله..وبالاخير اف مثل براد او خمسه!!!



ولا يغرك منظر الورد ترى الشوك حوله

وجهة نظري والله يوفقكم ويوفق مدرسينا على كل حال ويرحم حالنا ويهديهم على نفسهم ويسخرهم لنا

دمتم بود

[فهد_الرياض]

شباب السؤال فقرة 17
الي خيارات الاجوبه 24 % او 24 يوم او 72 % او 72
وش حله وايش طريثته؟؟

[احب الدراسة]

زين ان الاسئلة سهلة

[شرقاوي منتسب]

المشاركة الأصلية كتبت بواسطة فهد_الرياض شباب السؤال فقرة 17 الي خيارات الاجوبه 24 % او 24 يوم او 72 % او 72 وش حله وايش طريثته؟؟

اذا علمت ان متوسط دوران المخزون 50 وان متوسط دوران المدينين 15 في 360 يوم فان فترة التحصيل :
24 يوم او 24% او 72 يوم او 72%

الحل = 360 يوم تقسيم 15 (معدل دوران المدينين) ينتج 24 يوم
يعني كل 24 يوم نحصل من المدين

[فهد_الرياض]

تسلم شرقاوي
والله انا فحطت فيه تفحيط ماجا معي
بس انا متأكد انه مو 50 كانت عندي 5

الحمد لله على كل حال

[عمليات وجوده]

المشاركة الأصلية كتبت بواسطة llll5liiio فيصل المالكي إنسان حبوب رهيب مااشاء الله عليه ماخذ ممتاز في الجامعة مع مرتبة الشرف

لايغرك إسأل طلاب الانتظام عنه

[yesyes]

يا نايف الله يغفر لك قول أمين ........

إسمه ( دكتووووووووووور )

مُدرس ذي تستخدمها في الثانوية وما دوووووووون ؛



.....

ثانياً لا تستعجل أخاف اليوم تشكر وبكرة تــــــــ سـ ........( .......)
لما تطلع النتائج ان شاء الله نشوف يا نكمل الفراغ يا نهون


لا تزعل يا صاحبي

[نايف القحطاني 222]

المشاركة الأصلية كتبت بواسطة yesyes يا نايف الله يغفر لك قول أمين ........ إسمه ( دكتووووووووووور ) مُدرس ذي تستخدمها في الثانوية وما دوووووووون ؛ ..... ثانياً لا تستعجل أخاف اليوم تشكر وبكرة تــــــــ سـ ........( .......) لما تطلع النتائج ان شاء الله نشوف يا نكمل الفراغ يا نهون لا تزعل يا صاحبي

ابشر ياصاحبي ولا تزعل دكتور اما من ناحية الاختبار وانا خوك والله اني خفت بعد ماقريت ردودكم الظاهر ان انغريت في الاختبار بس مانقول الا الله يستر وإن شاء الله خير