طالب جامعي مكافئته 840

[أسماء عبدالله]

طالب جامعي مكافئته 840 ومع ذلك كافل ايتام في الرياض يقول صاحب القصة:





هذي قصه حقيقة لطالب في احدى الجامعات في الرياض

والله العظيم
انني اعرفه شخصيا لم اره في حياتي متكدر
او متضايق او مزاجه عكر او مهموم
والله لايدخل عندنا القاعه الا وهو متبسم
ومبصوط ونفسيته والله العظيم لاتقارن بغيرها
والله ليس ملتزم يعني ماهو مطوع
ولد من شباب الرياض
ولكن معروف عنه مايترك الصلاه ابدا يصليها بوقتها
ومع ذلك يسمع اغاني يطلع يروح يجي
يموت في شي اسمه بالوت هو صديقي مقرب
اعرفه من 17 سنه مع اني اقرب المقربين له ماعلمني انه كافل
لكن اكتشفت لمى ركبت معاه السياره ونزل هو يشتري من اسواق التميمي
فتحت الدرج حق سيارته بطلع شريط بتسمع اغاني لقيت زرف وانا طبيعتي ملقوف
فكيت الزرف وهنا صراحه صعقت اكتشفت انه كافل ثلاث ايتام وحده عمرها 18
ووحده 8 سنين ووحده سنتين والله اني بكيت سبحان الي يسرله هالعمل الصالح
والله يا ناس مو باين عليه ابدا يوم رجع وركب السياره طبعن هو مرح جدا طلع
توكس وصقعه بخشتي قال خذ واستغرب شفيني ساكت قال شفيك قلت ولد انت كافل ايتام؟
هو برطم وسكت شوي وضحك قال امممممم ايه
قلت امانه وشو اللي خلاك تسوي عمل عظيم زي كذا
قال والله السبب واحد قريت حديث عن الرسول يقول
(( انا وكافل اليتيم في الجنه كهاتين ))
وقال والله العظيم ان اموري كلها ميسره بشكل ملحوظ ووالله
ان ربي ساترني ورب الكعبه ان الفلوس ماتنقصني
وابوي وامي راضين علي واقسم بالله ماقد اسصعبت علي حاجه
ونفسيتي مرتاحه وكل شي نفسي فيه عندي والله انتم ماتدرون عني اقسم بالله
اني عايش بيني وبين نفسي حياه ثانيه انتم ماتحسون فيها ماعندي مشاكل ماعندي شي يزعجني
مهما اوصف ماراح تحسون في اللي احس فيه
فقلتله ابي اكفل زيك قال خلاص ورحنا اليوم الثاني المكان اسمه
مؤسسة مكه المكرمه الخيريه
هم لهم كذا فرع بلرياض والسعوديه وفروعهم هي
مكه+المدينه+جده+الطائف+الخرج+الدلم
الافلاج+الدمام+الاحساء+الخفجي
حفر الباطن+حائل+الزلفي+القصيم
ورقمهم الموحد الثابت 8001249191
والجوالرجال 920000903
والجوال نساء 920000906
والكفاله للأيتام داخل السعوديه 200 ريال
والكفاله للأيتام خارج السعوديه 100 ريال
اتمنى من الجميع المبادره والله المبلغ جدا زهيد احنا نصرفه في اشياء تافهه
والله صدقتنا هذي تنفعنا يوم القيامه والله ماتدرون لو انهم يحاجون علينا من النار
واذا ماتبي تكفل اتمنى ان تساعدني في نشر القصه لاكبر شريحه ممكنه واسئل الله ان لايحرمنا الاجر
مما قرأت

[MEMA2009]

أسأل اللة أن يوفقنا للعمل الصالح
آمين يا كريم

[أسماء عبدالله]

mema2009
اشكر تواجدك الراقي
لا هنتِ

[wijdan99]

الله يوفقك على النقل الطيب
والله يهدينا جميعا

[أسماء عبدالله]

آمين والجميع يارب
شاكره تواجدك اختي
لا هنتِ

[وفاء جدة]

جزاك الله خير ع النقل المفيد..والله يقدرنا لعمل الصالح ياااااارب..

[أسماء عبدالله]

وياك اختي العزيزه
والله يقدرنا جميع على العمل الصالح
شاكره تواجدك
لا هنتِ

[الكريم ابن الكرام]

أحلى ما فيه إنه ساكت ولا يقول أنا سويت وسويت


الله يجزاه بالخير


ويعطيك العافية على النقل

[فاقدة أبوها]

ماشاءالله تبارك الله,

يكفيه شرف الصحبة مع النبي صلى الله عليه وسلم في الجنة ان شاءالله,

وشكرا للموضوع الرائع.

[m u l a n]

قال الرسول صلى الله عليه وسلم "أنا وكافل اليتيم في الجنة كهاتين" وأشار للسبابة والوسطى

حقاً..ما أعظمهُ من جزاء ~

بارك الله فيه ..

وجزاكِ الله خيراً آختي العزيزهـ لنقلك الرائع ..