اليوم .. شادن مع عمادة الدراسات العليا

[توووتة]

بنات اليوم انا رحت للمرة التانية العمادة وسلمت اوراقي ماشالله غير عن امس
تنظيم وتاخدي ورقة وكل واحد بدوره ورقمه
والحمدالله خلصت سددت الرسوم واخدت الملف ورحت بعدين سجلت بالدورة واخترت الوقت..

[شذى الأوركيد]

أبغى اعرف ضروري تسديد المبلغ في البنك اللي داخل الجامعة أو ممكن أي بنك اروح له خارج الجامعة
وإذا كان ممكن ايش هو البنك
بليز ردولي انا باقي مارحت يمكن اروح الثلاثاء أو الأربعاء

[*DreaM*]

المشاركة الأصلية كتبت بواسطة shaden مساء الخيرات لأحلى صبايا وشباب من باب الاستفادة للي حيراجعوا ها الاسبوع صحيت الصباح متوجهة للجامعة نظراً لطول المسافة جلست أقرأ قران وصلت ومعايا أوراقي الي طلبوها في الموقع قولت خليني أول أروح سكرتارية قسم علم الاجتماع عشان أشوف اسمي وهو منور للي أنقبلوا في الماستر لقيت الاخت جالسة سألتها عن الاسماء كأني رشيت عليها موية ..<<<<<<<<<<<<<<<<<< المهم أتوجهنا لغرفة 327 وكانت الساعة 9 صباحا اون تايم روحت على الموعد بالزبط لقيت الغرفة مكتظة بالفتيات ومافي أي تنظيم كالعادة نقول للموظفة مافي أرقام طيب عشان يكون الوضع منظم شوية ونعرف مين الي جاء قبل مين ..... ردت الموظفة وقالت ( كل وحدة وأمانتها الي جات بدري عارفة نفسها والي متأخرة كمان عارفة نفسها ) صراحة قمت وقفت شوفت الوضع ازداد سوء روحت لعند الموظفة قولتلها دي أوراقي من فضلك ايش المطلوب طبعا أول سؤال فين شهادة التوفل قولتلها احنا تبع كلية الاداب الي راح يسجلوا في بديل التوفل قفلت ملفي وقالت روحي سددي المبلغ من عند البنك وجيبي ايصال وتعالي المهم روحنا دفعنا ورجعنا مرة تانية العدد زاد والفوضة زادت بنفس الطريقة دخلت بلا ترتيب بلا نيلة قدمت أوراقي وسألتني هل أنتي موظفة قولت لا لأنه أغلب الموظفات مارضيوا ياخدوا أوراقهم الابوجود موافقة من جهة العمل والحمدالله أتسهلت بعد تعقيدات وأخلاق الوظفات الي تجنن الله يحميهم ..... أخدت سند استلام وصورة من ايصال الدفع ومشي الحال .... وبعد عشرة أيام لازم نروح نراجع عشان ناخد الرقم الجامعي وربي يسهل للجميييييييييييييييييييييييييييع

هلا عزيزتي أنا مثلك علم اجتماع هل طلبوو منك أصل الهوية أو كرت العائلة أو الصورة تكفي .


والشهادات الصور المصدقة معهم هل ضروري أصدق من جديد الصور ؟؟؟؟


يعطيك العافية..

[lavita]

اختي دريم انا امس رحت الجامعة وطلبوا مني اصول الشهادات والهوية وطابقوها مع الصور المصدقة لديهم اللي ارسلناها ايام التسجيل وكمان حتطلب منك صورتين شخصية عشان يعملوا البطاقة ونتيجة اختبار الانجليزي او ايصال الدورة وطبعا موافقة جهة العمل لو كنتِ موظفة والحمدلله امس كان فيه تنظيم مو زي اول يوم وكمان ماكان فيه زحمة
بالتوفيق

[سراج اخو عمر]

الـــــــــــــــــــــف شكـــــــــــــــــــــــــــــر ملـــــــــكة
بصراحة خبر يثلج الصدر يعني اقدر ادرس مواد الاجباري مع الدورة
تحياتي

[*DreaM*]

يسلمووووو لافيتا ..

[ن-ن-ه-ن]

اختي لافيتا انتي مو كلية آداب كيف انقبلتي في دورة بديل التوفل

من اول يقولون مايسجل فيها الا تخصص اداب

ياليت توضحين هل ينطبق النظام حق الدورة على كل التخصصات؟؟

في انتظار ردك اختي بكرة باروح ان شاء الله وابغى اخذ احتياطي

في انتظار الرد

[shaden]

المشاركة الأصلية كتبت بواسطة *dream* هلا عزيزتي أنا مثلك علم اجتماع هل طلبوو منك أصل الهوية أو كرت العائلة أو الصورة تكفي . لا ماطلبوا مني ياقالبي لأني أـرفقت صورة من الهوية وقت التقديم عن طريق البريد والشهادات الصور المصدقة معهم هل ضروري أصدق من جديد الصور ؟؟؟؟ لا خلاص طال ما انك صدقتيها من أول الصورخلاص يعطيك العافية..

الله يعافيكي

[lavita]

اختي ن-ن-ه-ن انا كنت اتكلم عن التخصصات اللي تقبل دورة بديل التوفل ..انا الحمدلله اختبرت
كفايات في مركز قياس بس اللي ماختبرت تسجل في دورة ماعدا كلية العلوم طبعا
وتختار شعبتها اللي راح تدرس فيها
اتمنى اني افدتك

[توووتة]

هلا شذى الأوركيد
الافضل تجيبي كاش وتسددي عندهم بالبنك...
بامكانك تاخدي الوصل من وتعطيه ابوك