معهد اللغة, و تخبطهم الـ لآ متنآهي ,,×_×

[الشيمآء]

بسم الله الرحمن الرحيم ,,
السلآم عليكم و رحمة الله وبركاته ,,

و الله ما أعرف ايش أقول ولا ايش أكتب !
بالله عليكم اللي ح يعملوهـ فينآ دآ فيه ذرة عقل !
ما في شي في الدووونيآ اسمو ليفل 1 و لا 4 و لا 5 ,,!
ليييييييييش ! فين عايشين !
و بأي حق نعيد منهج جايبين فيه الـ a و الـ a+ ..

أنا من ساعة ما بلغتنا المس تبعنا بالخبر و أنا حالتي حالة ,,
كنت ح أقطع رجولي بالقزاز اللي طآح من يدي ,,
و مآ بقي سبة في الدونيآ ما قلتها عليهم ,, يعني زودوني زنووب الله يسآمحهم ,,
و آخرتها نفسيتي زفــــــــــــــــت ,, و موش قادرة أمسك شي ,,
يعني اليوم ح يضيع عليآ كدهـ, على ولا شي ,,

تعرفوآ !
أقلها اللي ح يآخدو نفس ليفلهم ,
مآ يكون لهم حضور و غيآب ,
و بس يجوا الاختبار و يتسهلوا ع بيوتهم ,,

و فوق دهـ كولوا ما عملوا اعتبار للحالة الاقتصادية المتفاوتة بين البنآت ,,
يعني وحدة اشترت الكتب السمستر اللي فات بـ 130 و كتب ليفل فايف لدهـ السمستر بـ 130 , و آخرتها يقولوا : " لا و الله كنسلنا الليفل بكبروا و انتي ليفل ثري و انقلعي اشتري كتب , - لإنو الصراحة لآزم نمول هبلنا و النطانيط اللي نجيبنا عشان حفلة الربيع - "
حفلة الربيع في عينكم ,, مو لمن يكونوا عندنآ أصلاً ربيـــــــــــع ,,

أدري كلامي ملخبط و حالتو حاآلة ,, بس و الله مررررررررررررررررة غبآء مع احترامي الشديد لهم ,,

بوكرآ بإزن الله ح أتناقر مناقرة مي صاحية مع مس بآدية , مو ح تمر علينآ ,,
تتحملنآ ,,

و لو سمحتوا اللي ح يطلع لها نفس الليفل بعد القرار اللي مدري من وين طلع , لا تقول أبآ درجات , لإنك مع الطفش ما حتقدري تجيب ولا درجات ولا بطيخ ,, و حطي في بالك انو تلاتة ساعات يومياً من حياتك بـ تضيع , دي التلاتة يمديكِ فيها تنامي و تزاكري ,, هدا غير بريك الصلاة اللي ممكن يكون المشوآر للبيت ,,

و اللــــــــــــــه أحس البكوة في حلقي , ما أبآ أدرس نفس الشي ,,
أصلاً هوآ خلقة ممل, أدرسو تآني !
نو وي ,,

[مراد الجنيد]

مافهمت شي حبة حبة كنسلوا ليفل كم ؟

[غرور فتاه]

والله ما اقول الا يعين الجميع بس

أبغى أسألك هو دحين يعني ما في اختبارات دوريه اللي لكل الليفيلات ابو 25درجه؟؟!

[غرور فتاه]

كنسلوا ليفل 4 و5 و1 يعني الحين الجامعه كلها ما بين ليفل 2 و3

وبإذن الله اليوم راح أنزل موضوع لطريقه حساب الدرجات وكل شي يخص النظام الجديد في حساب الانجلش

[مراد الجنيد]

ايوة دحين فهمت بس عندكم ليفل 2 و3 حرام اشتريتوا الكتب والله جالسين يلعبوا بينا الله ينتقم منهم

[مراد الجنيد]

بس احنا ما عندنا دا الكلام غريبة

[رهف الاحساس]

^^^^
نوو بس ليفل ثري للجمييع والباقي اتلغى
ليفل تو للي يأخذو انقلش 101 اي جدد انقبلو دا السمستر
اما نحن 102 يعني ليفل ثري الكلاام جايباه من مس باديه نفسها

[رهف الاحساس]

المشاركة الأصلية كتبت بواسطة مراد الجنيد بس احنا ما عندنا دا الكلام غريبة

أصبرو حيجيكم الخبر لانو اليوم طلعوه

[د/ روميو]

المشاركة الأصلية كتبت بواسطة غرور فتاه كنسلوا ليفل 4 و5 و1 يعني الحين الجامعه كلها ما بين ليفل 2 و3 وبإذن الله اليوم راح أنزل موضوع لطريقه حساب الدرجات وكل شي يخص النظام الجديد في حساب الانجلش

ايش الهبل دا ..

يعني الحين عندكم بس 3 و2 !!!

طيب مفروض تكلموا من بدري ...مو الحين ..

[غرور فتاه]

اليوم إتعمل الاجتماع لمعلمات اللغه الانجليزيه من الساعه 9 إلى 11<<<يعني الخبر لسه جديد
إمكن بكره او بعدو يعملوه لكم