شباب وشابات بليزمساعدة موضوع بحث وتدريب ادارة اعمال دولية

[روتانا احمد]

الله يجزاكم خير انا مو عارفة كيف احط موضوع في بالي قبل لااتدرب يعني مثلا زي ايش موضوع لادارة اعمال دولية ؟؟؟؟؟؟؟؟؟؟ علما باني ان شاءالله حادرب في بنك والدكتورة اعطتني ورقة زي الجدول فيها اليوم والتاريخ والملاحظات قالتلي اكتب الايجابيات والسلبيات بس انا مرة موفاهمة شي حاسة انو تخصصي ادارة اعمال دولية صعب اني اتكلم فيه او احد ايجابياتو وسلبياتو بليززززززز ساعدوني

[روتانا احمد]

رفـــــــــــــــــــــــع

[روتانا احمد]

رفـــــــــــــــــــــــــع

[فتفوتة سكر]

الله يقويكي
انا ادارة اعمال دوليه ولسه باقيلي ترمين على البحث والا كان نفسي نتعاون

بس اقترح عليكي ترجعي لكتبك الخاصة بمواد التخصص

اتفاقيات منظمة التجارة العالمية
تسويق دولي
ادارة اعمال دوليه
ادارة استيراتيجية في البيئة العالمية

وابحثي عن مشكلة (موضوع البحث ) واتبعي باقي الخيوط

واستاذه اريج فيومي قالت اللي حتعمل بحثها عن اتفاقيات منظمة التجاره العالميه , تجي اساعدها
ربي يوفقك ويعينك

[روتانا احمد]

مشكورة فتفوتة سكر جزاكي الله الف خير:) بناااااات بليززز زي ايش مثلا يعني هوا الموضوع هوا نفسو المشكلة ؟؟؟؟؟؟؟؟

[دنفوشة]

السلام عليكم ورحمة الله وبركات

أهلين اختي انا الحمد لله اخدت الترم الماضي بحث وتدريب
وتخصصي اداره اعمال دولية
واتدربت بالبنك الاهلي
كانت استاذتي ربي يسعدها امل مختار
والحمد لله عديت بـ95
ومتحمسه بكرا اروح استلم وثيقة التخرج إن شاء الله

فان شاء الله تكون سهله عليكي لا تشيلي هم
أنا اول ما اخدت المادة كنت اشوفها صعبه ومني عارفه ايش اسوي
بس بعد ما عديتها وفهمت هيا ايش تبغى حسيت انها اتفه مادة اخدتها

أول شيء تسوية انك تحددي الموضوع اللي بتكتبي عنه وتوافق عليه الاستاذه
بعدين راجعيها كثير بكل خطوة تسويها بالبحث
اسالي الموظفات بالبنك راح يساعدوك باختيار مواضيع دولية
حوالات
فيزا
تمويل
بنوك اسلامية
إلخ

اسم الموضوع اهم خطوة بالتقرير
اللي على اساسه حتجيبي معلومات وبيانات
ارجعي لكتاب البحث العلمي حيساعدك كتير في طريقه كتابة التقرير

انا كتبت موضوع كان عنوانه

"الحوالات البنكيه في البنك الاهلي التجاري مشاكلها ودور المزيج التسويقي في حل هذه المشكله"

التقرير مكون من جزئين جزء نظري
تاخدي كل الكلام اللي فيه من الكتب
وانا استفدت من الكتب اللي درستها
يعني ما احتجت اني اشتري كتب ولا اجيب كتب من برا
كل شيء مكتوب بالكتب الي درسناها

وجزء نظري
هذا تكتبيه باسلوبك
وتناقشي فيه المشكله اللي واجهتك في البنك
وايش هيا المشكله
وتحطي حلول وبدائل
وبعدها الحل الأمثل من دي الحلول

ربنا يوفقك لا تشيلي هم وربنا معاك بيساعدك

المشاركة الأصلية كتبت بواسطة روتانا احمد مشكورة فتفوتة سكر جزاكي الله الف خير:) بناااااات بليززز زي ايش مثلا يعني هوا الموضوع هوا نفسو المشكلة ؟؟؟؟؟؟؟؟

يعني اسم التقرير
بيكون عنوان للمشكله الي بتتكلمي عنها
:)

[بقاياالليل]

رفع رفع

[nadeem99]

تفضلي هذا عدة مواضيع من عندي وربنا يوفقك:
1- انضمام المملكة لمنظمة التجارة العالمية وتأثيره على البنوك المحلية
2- الأزمة الماليه العالميه واثرها على البنوك المحليه
3- الأزمة المالية والمصارف الإسلامية

[بقاياالليل]

لااله الا الله

[دنفوشة]

خخخخخخخخخ عشان لا اطلع كدابه
اليوم شفت درجتي 93 معلقه على الـ95

بالتوفيق يارب
:)