ادارة اعمال انجليزي + موارد بشريه انجليزي = ينفع او لا !

[افلاطون]

نهـــــــــــــاركم ورد

شباب انا في اخر ترم وعندي بالجدول ادارة اعمال انجليزي وموارد بشريه انجليزي
والصراحه اني متخوف لاني بليـــــــــــــــــــــــــد بالانقلش
ومتخوف من المادتين مع بعض بسبب تداخل وتشابه وفي الاخير اخبصها هذا مع هذا

شباب واللي يرحم والديكم ويسكنهم الجنه
افيدوني
انصحوني
اتوكل واخليهم الاثنين او احذف الموارد البشريه واخليها لحالها ترم صيفي........ والله يعين على الـ3000
علما بأن بقي لي 18ساعه للتخرج محتاج معدل

[دايم العز]

اخوي شرحك سرا يعني ( الحال من بعضه ) في اللغة الانجليزيه ..

لكن الحمدلله خلصت المادتين هذي ..

ادارة اعمال انجليزي .. الماده سهله لاتتخوف منها يعني مهيب رياضيات بتجلس تفكر وتحتار .. هو منهج واظن فيه ملخص لهاني عرب او مدري لمن يمكن 14 صفحه ذاكره وينتهي الموضوع وحاول تترجمه واذا ذاكرته بالترجمه بتحل بسهووله صدقني لا تشيل أي هم ابدا وتوكل على الله

ادارة موارد بشريه بالانجليزي .. هام جدا تكون الماده عند الدكتور ( نائل المومني ) لاني الترم اللي راح اخذتها وكان هو دكتور الماده والاختبار كان 79 كلمه وكل كلمه قدامها 4 خيارات لترجمتها فقط عليك اختار ترجمتها ..
وماجاب غير كذا .. وللعلم الكلمات كانت بموقع الدكتور نفسه اللي بالجامعه يعني مهيب من راسه خخخخخخ
اما غير هالدكتور مادري بصراحه ..

وبالتوفيق اخوي

[شوكولاته2010]

ذاكرها اول باول و اتوكل ع الله وخذها

[ام دنيا]

هي ماتنفع المادتين مع بعض لكن مدام هذا اخر ترم فالله يكون في عونك وشد حيلك .. موفق

[افلاطون]

اخوي دايم العز

الف الف شكر على توضيحك ربي يسهل امرك

اختي شوكلاته واختي ام الدنيا

الف الف شكر وباخذ شوركم واتوكل على الله ربي يسهل اموركم دنيا واخره

لكن بالنسبه لي انتساب وش تنصحوني
اخذ مدرس خصوصي للمادتين ومتى ابدأ فيها علما انه حنا في بداية الترم
لاني متعود ابدأ مذاكره قبل الاختبارات بأسبوع للمواد اللي بالعربي

[عسل ورد]

افلاطون لي صديقات اخذوها الثنتين في اخر ترم ومشي حالهم بتكون ضغط عليك
لكن ابد ماينفع تذاكر قبلها بأسبوع انا انصحك تبدا من الحين ماتحتاج مدرس تعمتد على الترجمه والتكرار عشان تحفظ وتفهم
والله ييسر لك

[روتانا احمد]

ايوا ينفع مافي مشكلة

[أحبني أموت فيني]

هالمادتين ترى ماتحتاج مدرس خصوصي نهااااااااااائي
مايبغالها إلا ترجمة وحفظ بس مشكلتنا إننا مو صحبة مع الانجلش عشان كذا نتعب
أعرف من أخذها مع بعض والله كانت ضغط عليهم مره
استخير قبل كل شيء .