استفسار مهم لو سمحتو..:(

[Dina-s-b]

السلام عليكم :)

حابة استفسر انا دحين ادرس فعزوز وعادي يعني بس بصراحة ما ابغاها :(

ابغى اروح ام القرى..بأفكر فالموضوع يعني عشان اتخصص هناك على طول..
بس ما ابغى اسحب ملفي من دون ما اتاكد اني انقبلت فالتخصص اللي ابغاه ينفع ولا لازم اسحب من عزوز واسجل هناك؟؟ لاني اخاف اسحب واسجل فام القرى وما انقبل فالتخصص اللي ابغاه واكل تبن بعدين :( لا اكسب هادي ولا هادي.. :(
واللي يعرف طريقة التقديم ومتى ودا الكلام ياريت يقولي :) وشكرا

[Life as Game]

في طريقة بدون ما تسحبي من الجامعة ...\
وهي انك تسوي استعارة لشهادة الثانوية...
طبعا من عند عمادتكم..
ولما يبدأ التسجيل في ام القرى تقدمي الاوراق المطلوبة لهم ..وفي نفس الوقت تدرسي في عزوز
وانا قبلوك في اللي تبغيه الله يوفقك ....

[Dina-s-b]

^^

انا عندي صورة للشهادة ما تنفع؟
بعدين افرضي كفشوني ما راح يطردوني بعدين :( ؟؟؟
وانا سمعت فبعض الجامعات انو لازم تكوني ساحبة من قبل بفترة يعني او على الاقل قبل الاختبارات النهائية..انا ما ابغى اسحب قبل النهائي لان القبول فام القرى ما راح يجيني غير فالصيف :(

[شموخ لاينتهي..!!]

روحي لموقع جامعة ام القرى واستفسري منهم..

وخبرينــا عن التطورات..
ربي يوفقك ..

[Dina-s-b]

ايش هوا الموقع طيب كيف اجيبو ؟؟
انا كتبت فجوجل انو ابغى اعرف موعد التقديم :( طلعتلي معلومات السنة اللي فاتت
ما طلعلي شي عن سنة 1431 :(

[Dina-s-b]

life as game

ترى دوبي انتبه انك ولد :$ آسفة هههههههه

[Life as Game]

خخخخ عادي تعودت مافي احد في المنتدى ما غلط علي <<بس مسامحهم ههههه

ايش اللي يطردونك ووو مدري وش
خيتو التقديم لازم يكون بالشهادة الاصلية في اي جامعة ...وبعدين الاستعارة دي من صالح الطالب ...

اما التقديم لجامعة ام القرى اكيد حيكون في فترة الاختبارات النهائية...وانتي لما تكوني استعرتي الشهادة بكدا راح تكوني مستمرة بالدراسة...وفي نفس الوقت بانتظار قبول من ام القرى..
ولو لاسمح الله ما انقبلتي في التخصص المطلوب رجعي الشهادة للجامعة وكأن شيأ لم يكن..
واصلا ماراح تسلمي شهادتك لام القرى الا بعد ما تكوني انقبلتي ...
ووووبس
ولا تنسي تتأكدي من عميدتكم من صحة كلامي لاني اخاف اكون قلت شي خطأ ...
والله يوفقك..

[safer khlais]

center]على فكرة ترى زمان ايام جدى وجدتك كانو يشترو النصيحة ........ اما في الزمن هذى ببلاش

مسوي فيها كبير هههههههههههههههههههههههههههههه
اسمعى يا بنت الناس خليكى في جامعة عزووز والله احسلك ، اسئلى مجرب اقل شي تحس انك طالب جامعى مو طالب ثانوى تخيلى انو جامعة ام القرى لمن الحين الااضافات عن طريق الورق لا وكمان اذا انتى بنت وتبغي تظيفي مادة تعطى الورقة ابوكى ولا اخوكى يرووح العمادة ويسلمها لهم لانو العمادة كلهم رجال يعنى نظام ابو قديم ....
على فكرة لو اجلس اعدد السلبيات في ام القرى اصابعى راح تتعب ..[/FONT]

[Dina-s-b]

لووول انت كمان حاط الصورة هادي :( بنوتية شويا ههههههههههههههههه
اها طيب لحظة عشان انا غبية ومتنحة وما افهم :( << اثر عليها الادبي الظاهر <اوت

المهم يعني لمن انقبل هناك على طول انقبل فالتخصص ولا لازم اول شي اسلمهم الملف وبعدين يعطوني التخصص :(

ويعني مافي مطلوب مدة يعني وقت بين سحب الملف والتقديم ولا عادي اسحب من هنا اليوم واسجل هناك بكرا :p؟؟
وانت تعرف متى مواعيد التسجيل وكدا؟؟ لانو ابغاها :$ << مليقة جدا وطلباتها كتيرة :( ادري بس استحملوني وتكسبو اجر فيا ههههههههههههه

[Dina-s-b]

سافر خليص؟؟ كدا اسمك؟؟
لووول يا ابن الناس انا احب نظام المدارس ترى :(
احس في ناس تهتم على الاقل..وبعدين اكيد انا ما راح اعمل شي غير باذن من اهلي..!! يعني ماعندي مشكلة فدا الموضوع على الاقل احسن من فوضة عزوز :(
عزوز مرررة سيئة بشكل مو معقول..!!
بعدين انا اصلا ازا رحت سجلت هناك ان شاء الله ابغى طب ..الطب هما جداولهم ينزلوها بنفسهم مو انا اضيف واحزف.. يعني ماعندي مشاكل ههههههههههه
بس مرة شكرا على النصيحة اللي ببلاش اهم شي ههههههههههههههه