الــصـــدمـــــة الــســوداء ... في درجة الأحـــــيــــاء

raddow · #1 30-01-2010, 06:03 PM

بسم الله الرحمن الرحيم
.
.
.
.
.
.
.
.
.
.
كيف حال الشعب الطموح ؟؟
طيبين ؟؟
على طول إن شا الله
ندخل في الموضوع
أنا أحد طلاب خطة " ب "
فرحت أول ما شفت جدولي بداية السنة
قلت حقين خطة " ب " جدا مرتاحين
و ازدادت فرحتي عندما علمت بوجود تست بانك لمادة الأحياء
وكمان أنا إكويس في الإنقليزي
فقلت أنا ما عندي غير الكيميا والإحصا
ولكن
مع هذا التساهل في الأحيا
أصبت بنفس العدوا في الكيميا
لأنو الدكتور حقنا اعتذر لأنو يدو مكسورة
فجابولنا واحد بديل
يقول انو يدرس حقين الهندسة
يعني ما كنت افهم منو اي شي لسطحية شرحو
المهم
وقعدت أفحط في الإحصا من ثاني درس
وعدت الأيام
مشيت في الإختبارات الدورية
كان مجموعي في الإختبارات الدورية للـ ( كيميا - أحيا - إحصا ) 30 -- 35 درجة تقريبا
وقلت خليني أضرب في النهاائي
لكن أصلا أنا من البداية متساهل
فما ينفع أغير نفسي فـيوم وليلة (إلا أن يشاء ربي )
بس وجا إختبار الأحياء النهائي
ودا اللي سار ( ردي في أحد المواضيع )

المشاركة الأصلية كتبت بواسطة raddow

مين اللي يقول إنو الأحياء كانت سهلة ؟؟
صح إنو كان في تست بنك
لكن فيلو 900 سؤال على الأقل
وكل سؤال تقريبا 5 إختيارات
يعني مذاكرة دا التست يحتجلها أسبوع
ودا الشي اللي أخدت مقلب فيلو
حشرت نفسي في وقت جدا قصير
على بالي إنو سهل
لكن الحمد لله
مدري كمان ادا جاني f في الكيميا
فراح أسحب من الجامعة
وبكدا أكون واحد من اللي نجحت عليه خطت الجامعة في التصفية ..!!!
الله يوفق الجميع ......

والإحصاء ذاكرت الصراحة
بس برضو حشرت نفسي في وقت قصير
والكيميا سلملي
حايس فيها من أول الترم
وأخيييييييرا طلعت نتيجة الأحيا
ورحت زي المجنون أفتح الأودس
بعد ما فتحتو قلت يا ليتني ما فتحتو
أخدت f
أصبت بإحباط شديد
لدرجة أني حلمت بالدرجات ديك الليلة
والله يستر من الكيميا

خلاصة الكلام
إنو أنا اللي قصرت وحسبت الجامعة سهالة
واللا ليش في ناس جابو 5 من 5 العام الماضي ؟؟
فيا معشر التحضيري ( التحطيمي )
لحد يلوم الجامعة أكثر من ما يلوم نفسو
صح إنو الجامعة غلطانة في دا المنهج 100%
على فكرة
دا المنهج تقريبا هو نفس المنهج اللي كانو يدرسوه حقين الطب أول سنة (قبل نظام التحضيري)
فشدو حيلكم الترم التاني
أنا يمكن أروح ضحية لدي السنة وأسحب إدا جاني f تاني ( الله لا يقدر )
ودي اشوية نصايح للطلاب الجدد في خطة " ب "

- بالنسبة للأحيا فزي ما قلت تحتاج لمذاكرة التست بنك أسبوع أقل شي
- الكيميا أنصحكم تاخدو مدرس خصوصي لأنو المنهج جدا طويل وممل
- الإحصا فما يبغالها غير مذكرات د.سعيد ونماذج الأسئلة القديمة + سؤال الدكتور دائما

أتمنى أكون أفدتكم بشي
و أتمنى كمان ألا تصابو بالإحباط
أنا أعتبر اللي سرلي زي القرصة اللي تصحيك
وخدو تجربتي وأستفيدو منها
و الدنيا لسا ما طارت
وأختم بمثل وحديث
المثل : ( لا تحسبن المجد تمر أنت آكله ... لن تبلغ المجد حتى تلعق الصبرا )
الحديث : روي عن النبي صلى الله عليه وسلم أنه قال : " عجبا لأمر المؤمن إن أمره كله خير ، وليس ذاك لأحد إلا للمؤمن ؛ إن أصابته سرّاء شكر ؛ فكان خيراً له ، وإن أصابته ضرّاء صبر ؛ فكان خيراً له ." رواه مسلم

مهموم والله · 30-01-2010, 06:09 PM

الله يعوضك خير حبيبي

بس صراحة انصدمت آخر شيء كنت اتوقعه أنه شخص يأخذ f في الأحياء على فكرة ترى عدد الاختيارات 800 تقريبا وأعتقد انها ماهي كثيرة اذا ذاكرت في الاختبار الأول والثاني لانه النهائي راح تكون مجرد تثبيت معلومة فقط

انا اشوف الأحياء سهلوها لنا وخلوها اختيارات من تست بانك ويجي منها بالنص أعتقد مافي دلع أكثر من كذا كيف لو خلوك تذاكر من الكتاب وش بتسوي ؟؟؟

عالعموم مااقول الا ربي يوفقك والله يكتب لك يلي فيه الخير إن شاء الله

دُمت بخير

lujaink · 30-01-2010, 06:14 PM

قال الله تعالى في الحديث القدسي "أنا عند ظن عبدي بي فليظن بي ما شاء"[صحيح الجامع رقم (4316)]

خليك متفائل وان شاء الله درجاتك التانية تعوض الـf وترفعلك معدلك
وعلى فكرة
احنا خطتنا اصعب من خطة أ مو لسبب واحد بس اكتر من سبب
في الخطة التانية باذن الله عندك مهارات اتصال والحاسب بيرفعولك معدلك والفيزيا بالنسبة ليا مايتقارن بالكيميا يعني ان شاء الله درجاتك في الخطة التانية تكون احسن بكتير

خلي عندك ارادة واعتبرو زي ماقلت قرصة عشان تصحيك ومن جد لاتتحطم من اول ترم وتسحب لسا قدامك فرصة باذن الله في الترم التاني والمواد حتكون اسهل ان شاء الله

احنا لسا نعتبر احسن بكتير من غيرنا في كتير كان نفسهم بس يدخلو الجامعة وماجاتهم الفرصة واحنا بفضل من ربنا قدرنا ندخل

الله يوفقك ويعوضك في درجات المواد التانية :)

sho0ory · 30-01-2010, 06:17 PM

الله يعووووضك خير يارب

وان شاء الله يارب تجيب احسن واحسن في الموآد الباقيه يارب

يارب يرزقك بالخير وينولك مرآدك ويسهل لك امورك ويكتب لك في كل خطوه الخير

يآرب

بس اتفآئل وقول قدر الله وماشاء فعل

ودايمآ ردد

اللهم يسر ولا تعسر

اللهم يسر ولا تعسر

اللهم يسر ولا تعسر

® βutteяfly aηgel«~. · 30-01-2010, 06:18 PM

قال من لا ينطق عن الهوى صلى الله عليه وسلم :
عجبا لأمر المؤمن إن أمره كله خير ، وليس ذاك لأحد إلا للمؤمن ؛ إن أصابته سرّاء شكر ؛ فكان خيراً له ، وإن أصابته ضرّاء صبر ؛ فكان خيراً له .

الله يفتح عليك ويعضوك خير ان شاآءالله ’’
فعلآ هذه أول عقبه تمر علينا وقدآمنآ المشاور طويل
ومافي شي يجي بالسآهل َ
الله يجزآك الجنه عالنصيحه ان شاءالله الكل يستفيد ’
باذن الرحمن تتوفق وتوصل لمبتغآك ’
وتكون دي نقطة تحول وقوة فحيآتك ,,
في حفظ البآري ..}

Super amazing · 30-01-2010, 06:20 PM

والله قمة الشجاعه انك تعترف انك انت الغلطان...
بس قمة الجبن انك تتعترف فيه وماتصلح غلطك...
انت معترف انك مقصرلازم تشد حيلك...
ما احد يلقى كل شئ بسهوله لازم تتعب شوووي..

بالتوفيق اخوي..