أفيدووووووووووووووووووووووووووووووني

[رهف الاحساس]

المشاركة الأصلية كتبت بواسطة ميعاد رهــف: من جد انا حااسه فيكي.. يـــآربي يفرجها عليكي.. وان شاءالله روحتك بكره بتجيب نتيجه..

تسلمييييييييييييييييين ميعااد
ومشكوورة ياقلبي ان شاءالله اجي بنتيجه حلوه يآآآآرب

[bashboshah]

رحنا قبل كدا لوكيله الحاسب عشان الاسئله اللي بيخترعوها
وشوفي الجواب"" انتو مره كتير التحضيري واحنا نبا نسوي تصفيه "" <<< من بعدها غسلت يدي منها

[لحن الحياهـ]

انا بفرع البنات << والعملي نختبرو على ورق
عمري ماختبرت عملي على جهاز ^.^ من يوم مادخلت الجامعه =)

الله يعينك يا قلبي
وهونيها وتهون ادعي ربك
واستغفري وخلاص ^.^

[M!ss 5o05a]

وانا لسا بقول استادات الحاسب متعاونات ,,

طلعوا زي كدا ,,الله يكون مع الجميع

رهوفه لا تقلقي نفسك ربنا مع المظلوم ومايضيع تعب احد

هيا شكلها الاستاده ماشافت العمل قامت تنقص من عندها بس مررره ماينفع

راح تاخد جزاتها ,,,

الله يوفقك بكره انتي ادعي دعوه المظلوم مستجابه

[M!ss 5o05a]

المشاركة الأصلية كتبت بواسطة bashboshah رحنا قبل كدا لوكيله الحاسب عشان الاسئله اللي بيخترعوها وشوفي الجواب"" انتو مره كتير التحضيري واحنا نبا نسوي تصفيه "" <<< من بعدها غسلت يدي منها

وي ايـــــــش دا الجواب ,,!!

طيب المعدلات يعني لازم تنزل

والله حاسين بدا الشئ حتى لمن يجي اختبار صعب وتقومي تشتكي

لدكتورتك تجاوبك وهيا بارده وعارفه انو لازم يصعبوا الاختبارات عشان مو كل البنات

يحلو ..

[مجموع انسان]

تعجبيني وانا اقرا كلامك كاني اشوف نفسي فيك انت زيي واحلى ما فيك انك ما تستسلمي بالسهل وصدقيني مع الوقت حتاخذي حقك فوق اكبر واحده في الجامعه يالاخت ادري انه درجه حرارتك واصله مليون بس بقولك شي يخفف عليك.. انت قويه ماشاء ربي عليك وفيك القوه الي تخليك تروحي وتكلمي كل الي في جامعه من سكيورتي الى مدير الجامعه ومحد يقدر يوقفك او يقولك ممنوع ماعليك من احد ترا الدنيا هذه كذا كل واحد يبغى يريح نفسه كل واحد مو فاضي لاحد اذا انت تبغي توصلي لـشي نصيحتي لك لاينضحك عليك او يغروك بـاشياء وتاخذيها وتنسي الشي الي انت بتوصلي له...

اعطيك مثال:

يقولك في واحد عجووز ومسكين ياادوب ياكل من المعاش الي معطينو اياه " راتب كل شهر " يادووب يكفيه فجاه قطعو عليه المعااش والعجوز بيوصل للملك حطها في راسه المهم راح وفرفر ليييييين تعب لقى ناس كمان بتروح للملك ولا يقل عن 500شخص المهم سجلو اساميهم اعطوهم مواعيد طبعا ولما جا في الموقد لقى معاه 500 شخص الي صار انه الـ 500ذول جوهم ناس واغروهم اعطوهم هدايا واشياء غاليه عشان يكنسلو مقابلتهم مع الملك وصارو من الى 50 شخص الخمسين هذول ومنهم العجوز مستمرررررررين ومصريييين انهم يقابلو الملك المهم جوهم ناس وقالولهم ايش تبغو المهم من الـ 50 راحو 48 واحد وطبعا الي طلبو منهم كانت اشياء ووظائف واراضي واعطوهم وراحو الي بقى
العجوز ومعاه واحد المهم جا للعجوز والي معاه واحد وقال لهم نعطيكم دحين شيكاات ملايين بس تروحو وتكنسلو مقابلتكم مع الملك الي كان مع العجوز اخذ الشيك وراح

العجوز قعد ورفض الشيك... المهم بعد فتره دخلو العجوز للملك وقاله العجوز : انتووو تبغوني اموووت؟؟؟ليش تقطعو المعاش مني ..والي صار هنا انه الملك امر انه يعطوه معاااش

ومن صبر العجوز ورفضه لكل الي مر فيه .. هو حطها في باله .. وهو ما ارتاح الا لما وصل للشي الي يبغاه

اتمناه تفهمو الي بوصلكم له

المهم ما ابتعد عن الموضوع

كل الي بقوله لك.. لاتزعلي نفسك ولاتتضايقي ادري لو كنت مكانك كان كسرت الكمبيوتر والشاشه على الدكتوره واخليه تحط الفل مارك غصصصصب

هههه على السالفه هذه خليني احكيك.. مره رحت مع عمتي السوق
وعااد انتي عارفه شغل المكاسره حق الكبار انا بصراحه صار لي موقف مع عمتي ما انساااااااه
والله يالاخت انها كانت بتشتري حاجه سعرها شوي غالي وجات تقول للرجال سوي لنا تخفيض والرجال يقول" ماما انا ماقدر سوي تخفيض هدا جهاز مافي نزل سعر " اقسم بلله يا رهف انه عمتي كانت بتكسر الجهااز فوق راس الرجال عشان يخفض <<<هههههههههه انا قعدت اهدي عمتي وقعدت اضححححك اقولك يارهف عمتي مسكت الكيبورد وكانت بتقص دماغ الرجال ههههه فااتك نص عمرك

ماعلينا ماعلينا حبيت افرفشك شوي

يلا عندي مواضيع افرفر فيها واي خدمه في العالم <<ترا خاصيه الرسائل مخذوفه عليا ^_^عادي عادي تلقيني افتر عند البوابات حقتكم <<<طموحه يتخصص حارس امن على قوله بعض اعضاء المنتدى^_^

عيشي حياتك وانبسطي واذا جات على الدرجه هذه ربي محا يضيع لك حقك واذا انا بنت وربي اجي معك واخذ حقك منهم بس حساافه <<<تراني بايع امها ولا افكر في شي ومافي مخلوق في الدنيا يقدر يمسك عليا حاجه او يهددني بشي

زي ما يقولك المثل" الي ما عنده شي يخسره صعب انك تتحداه "

قاعد اشوف ردي واحس اني كتبت لك مدونه طول بعرض..معليش بس كله كان عشانك

والسلام خير الختام

[نوره الغامدي]

رهـــــــــــــوفـــــــــــــه يابعد حياتووو انتي

اول شي كيفك ان شاء الله تمام ؟؟؟ من زمان عنك لك وحشه والله

ثاني شي كان الله ف عونك ووفقك ويسعد قلبك وان شاء الله ربي يعوضك الدرجه بميه !!!!

بصراحه والله حتى انا عانيت ف الاختبار الاول حق الوورد ,, جبت 20 من 25 زي درجتك تماما

وتعرفي ايش السبب ؟؟؟

السبب ف الجهاز اللي اختبرت عليه ... كان جداااااااا سيء ( بطيء وغبي ويحذف لي اشياء ويخفي

اشياء يعني من جد بهذلني !!!! وترني بشكل فظيييييع صرت اقول للاستاذه وانا شويه وحبكي "" يا استاذه مش راضي يطلع لي الصوره ومعلق مررره "" قالت لي "" اكيد عندك غلط ""

المهم ضاع وقتي ع الفاضي وتوترت بشكل ما تتخيليه نسيت كل حاجه ولخبطت ,,, عاد انا ع نياتي ما فكرت ولو للحظه انه الجهاز خربان او مخرف ,,, ع بالي انه الغلط مني !!!!

ما انكر انو جزء من المسؤوليه عليا ,,, لكن الخطأ الاعظم ع الاجهزه الفاسده حقتهم

الحمدلله ع كل حال وعسى ربي يعوضنا خير وياخذ حقنا "" اذا كنا "" مظلومين ,,,,


بالمناسبه عندي تعليق بسيط ع الناس اللي مفجوعين من حكايه الاجهزه بالجامعه !!!!!

تصدقو مدري ليه حسستوني اني بجامعة هارفرد

هذا شي طبيعي جدا وابدا مش حاقه غريبه واللهي وعيشو كتير حتشوفو كتير ,,,,

عموما تحيه طيبه لك يا رهف وسلامة روحك من القهر والالم ^_^


بليز ((( لا تحرميني من دعواتك )))

[رهف الاحساس]

المشاركة الأصلية كتبت بواسطة bashboshah رحنا قبل كدا لوكيله الحاسب عشان الاسئله اللي بيخترعوها وشوفي الجواب"" انتو مره كتير التحضيري واحنا نبا نسوي تصفيه "" <<< من بعدها غسلت يدي منها

لا تكون دي الي رحتلها الوكيله الي اسمها اماني انا ردت عليه ببرود واخرتها ادتني ظهرها ومشيت << كانت فاتحه شعرها ولمت مشيت كان نفسي اشدو وربي <<قلتيها الله مو جود وخرجت

[رهف الاحساس]

المشاركة الأصلية كتبت بواسطة لحن الحياهـ انا بفرع البنات << والعملي نختبرو على ورق عمري ماختبرت عملي على جهاز ^.^ من يوم مادخلت الجامعه =) الله يعينك يا قلبي وهونيها وتهون ادعي ربك واستغفري وخلاص ^.^

من جد الله يعينا عليهم

[رهف الاحساس]

المشاركة الأصلية كتبت بواسطة roo7ee وانا لسا بقول استادات الحاسب متعاونات ,, طلعوا زي كدا ,,الله يكون مع الجميع رهوفه لا تقلقي نفسك ربنا مع المظلوم ومايضيع تعب احد هيا شكلها الاستاده ماشافت العمل قامت تنقص من عندها بس مررره ماينفع راح تاخد جزاتها ,,, الله يوفقك بكره انتي ادعي دعوه المظلوم مستجابه

مو الكل في ناس قمة في الاخلااق ومشكوورة ياقلبي