الله يرضى عليكم ريحوا باآآآلي ,,عن اختبار القياس الجديد

[ندى محمد القحطاني]

انا لي كم سنة ربة منزل من بعد ماتخرجت

يعني مالي اي جهة تمولي المعلومات غيركم

وبصراحة انقلب راسي اليومين اللي فااتوا


وكله بسبب خبر اختبار القياس اللي تم الإخبار عنه
http://www.skaau.com/vb/showthread.php?t=145129


واللي فهمته انه صار بديل لاختبار المفاضله

لكن اتصلت على عمادة الدراسات العليا بشطر الطالبات وماأكدوا لي هالمعلومه واخبروني ان اختبار المفاضله مازال موجود وماتغير


وشكيت انه انا اللي فاهمه غلط او ان اللي ردت علي مشكوره ماعندها خبر بالمعلومه

فرجاء صححوا لي معلوماتي :

التقديم للماجستير(التربوي) يتطلب :

1- وثيقة التخرج
2-شهادة التوفل او بديله او دورة انجليزي 5 اسابيع
3-دبلوم تربوي


وبعد القبول يتم خضوعنا لاختبار مفاضله ( وهو اختبار في المجال التربوي)


فقط

طيب اجل ايش موقع اختبار القدرات العامه في مركز القياس من الإعراب ؟؟؟ ماني فاهمه هل مطلوب مني اجراؤه ؟؟


علماً اني تصلت على مركز القياس وقالوالي ان الاختبار القادم حيكون فقط في مدينة الرياض يعني صعوبه كبيره للبعض اذا كان الاختبار من شروط التقديم



طمنوني

[Red Eel]

اختبار القدرات للجامعيين سوف يكون بديلاً عن اختبار المفاضلة وقد قامت وحدة القبول بالدراسات العليا بالتنسيق مع مركزالقياس بأن يفتح الاختبار في شهر 4 استثناءاً لطلاب الدراسات العليا بجامعة الملك عبدالعزيز فقط
وللمعلومية جهزوا وثائقكم بمافيها الخبرات والدورات وحفظها بواسطة الماسح الضوئي (Scanner) لان التقديم بالنسبة للبرامج العامة او الخاصة وتسليم الوثائق سوف يكون عن طريق الانترنت وترسل الملفات بواسطة المرفقات (attachment)
والله يعينكم ويصبركم ولا تنسوا رسوم الاختبار

[ندى محمد القحطاني]

اخ ريد هل المقصود انه سيكون بديل يعني ياإما حضور اختبار القدرات ياإما حضور اختبار المفاضله ؟؟

بمعنى ان اختبار القياس للجامعيين بديل عن المفاضله وليس شرط ضروري للقبول

[Red Eel]

المشاركة الأصلية كتبت بواسطة سحايب اخ ريد هل المقصود انه سيكون بديل يعني ياإما حضور اختبار القدرات ياإما حضور اختبار المفاضله ؟؟ بمعنى ان اختبار القياس للجامعيين بديل عن المفاضله وليس شرط ضروري للقبول

اختبار القياس للجامعيين سيكون هو الاختبار الوحيد لعملية المفاضلة للمتقدمين لجميع البرامج وهذا ما تم الاتفاق عليه بالجامعة

[khaledalharby]

الله يكون بالعون
كل مالها الامور تزيد تعقيد

اخوي ريد لوتكرمت مكان الاختبار في جميع المناطق لاني من سكان المنطقة الغربية
والله في مكان محدد

[ندى محمد القحطاني]

طيب ليه بس بالرياض ؟؟

انا من جده ومن الصعوبه علي السفر لحالي ولا عندي مرافق ممكن يسافر معي

[عماد الحسن]

السلام عليكم ورحمة الله ، وأشكر الأخت سحايب والأخ http://www.skaau.com/vb/member.php?u=45930 على هذه المعلومات والمشاركات.

وكما ذكر الأخ الكريم وهذه المعلومة جديدة علي ، فاختبارالقياس للمفاضلة سيقام في شهر 4 لطلاب جامعة جدة وهذه خطوة طيبة لنا جميعاً ، أما النظام السابق فكان يعتمد على اختبار المفاضلة في نفس القسم .
وأنصح كل من يرغب في الماجستير الخاص بدخول اختبار التوفل أو دورة خارجية لمدة 6 أسابيع إلى شهرين حتى يرتاح من موضوع الإنجليزي ويتفرغ للأمور الأخرى.
وعن مركز القياس فسوف أتواصل معهم قريباً لمعرفة بعض التفاصيل عن اختبار المفاضلة والإنجليزي لطلاب الماجستير وأنشر لكم هذه المعلومات للفائدة وجزاكم الله خيراً.

[ندى محمد القحطاني]

اخ عماد

طيب انا راح اقدم على ماستر تقنيات في شهر 4 يعني ماحيمديني ادخل اختبار القياس الا بعد التقديم فكيف حيقبلوني في الماستر ؟؟

[عماد الحسن]

لا داعي للقلق والخوف، فعند فتح القبول للماجستير فسوف يكون هناك اختبار للقياس بجدة ومعه أيضاً اختبار للتوفل لأن هذا حق للجميع من سكان جدة وما حولها.

[ندى محمد القحطاني]

جزاك الله خير اخ عماد

رغم اني مستعجبه من عدم الإعلان عن الخبر في الموقع الرسمي للجامعه