شوووفولي حل في الكيمياء..!!

[Esra'a5992]

أنا أقول حاول تقرا كل درس لحال ابدا بالسهل وشوي شوي للصعب ..
وحل الامثلة لحالك واتاكد من الحل
وحل اسئلة الكتاب وشوف الحلول من اي مكان ..
والله يوفقنا جميعا

[Y2K]

المشاركة الأصلية كتبت بواسطة bint aboha السلام عليكم ورحمه الله وبركاته والله ياأخ y2k نفس الحاله وربي الكيمياء من اولى ثانوي وهوا معقد معايا صح اللي يدرسوني من أحسن الأساتذه حتى البنات كانوا يحسدونا ع بس المشكله مو منها المشكله فيا أنا ماني قادره أستسيغ الكيمياء بي أبغا أقولك شي إذا تبغى السلايدات هذا موضوعي مترجم وراح يساعدك ترجمه سلايدات الكيمياء إن شاء الله يفيدك وأنا ماأذاكر إلا منه لأني ماعندي كتاب وماأبغى الكتاب عشان ماتجيني حاله نفسيه وكمان أذاكر من المختصر للكيمياء العامه ل د. عبد الله عسيري وهذا موضوعي كمان كتاب الكيمياء السهل إن شاء الله يفيدك وكمان أذاكر من التست بانك لإسلام مصطفى وهذا هوا الرابط لموضوعي كمان ضروري الدخووووووووول إن شاء الله يفيدك وكمان صح هوا كثير ويجيب المرض بس إنت حل اللي تقدر ع واللي ماتقدر طنشه بس ع الأقل إقرأ الأسإله يعني خذ فكره عنها وإذا منت فاهم أنا أحاول أجاوبك وكمان ف موضوع للأخ أبو رابح وهنوفتي فيها أسإله مو مفهومه واللأعضاء الله يوفقهم جاوبوا وكمان د .علي الزهراني سؤال في الكيمياء شابتر 7 سؤال في شابتر 8 .. " كيمياء " ^_^ إن شاء الله يفيدك وكمان أعتذر من أبو رابح وهنوفتي لأني أخذت روابط مواضيعهم من دون سابق إنذار << حشى بتحارب وكمان ف موضوع عن الدروس المحذوفه ف الكيمياء يمكن تنفتح نفسك شوي بس أنا مالي علم وأبرء نفسي بس اللي أعرفه ومتأكده منه إنه محذوف ف الدوري الثاني بس أما النهائي ماأدري المحذوف ف الكيمياء بس وكمان ف موضوع لأخت أنوسه العسوله يالبى قلبها فيه تست بانك للدكتوره إكرام دانش تست بانك الكيــميا..دكتورة إكرام دانش أعرف إني طولت ف الرد بس هذا اللي أعرفه وإن شاء الله يساعدك وبالتوفيق للجميع وكمان لا تقول الكيمياء صعب لأنه راح يصعب فاهم شوف هذا الموضوع كمان مره حلو وراح تستفيد أدعية عامة "دعاء لازالة الهموم" وأتأسف من الأعضاء اللي أخذت مواضيعهم بس حبيت أفيد الجميع الله يسهلها علينا يارب وإن شاء الله الفل مارك للجميع دعواتكم ليا بالطب تقبل مروري

يا شيخة والله انك بطلة شكرا على ردك الي اطول من موضوعي ان شاء الله كلنا نجيب الفل مارك

[Y2K]

المشاركة الأصلية كتبت بواسطة دحوومي جدة يااخي اشوف ان انت اللي ضيعت نفسك مادام عارف انه عندك عقدة من الكيمياء وشرح الدكتور صعب وماتفهم منه كان اخذتلك مدرس خصوصي برا الجامعة راح يفيدك ويوصلك الشي اللي تبغاه حتى لو تبغا تعرف شي برا المنهج يشرحلك ايش فايدة المذكرات اذا منتا فاهم ! انا ماابغا احطمك <<< وهذا كله ايش لكن اجتهد وسوي اللي عليك واترك الباقي على ربك موفق خيوو

يا عمي ما ودانا ورى الا المدرسين نصابين ما عندهم ما عند جدتي انا عارف ان الملخصات ما راح تفهمني لكن في ملخصات مشروحة احاول افهمها و ان شاء الله اعدي على خير