موعد اختبار العربي والكيمياء حيوي الجديــــــــد

[funfriend]

لمن روحت الربوع ما قابلة د/اعتماد كانت غايبه فيعني مو معقوله تختبرنا السبت

[R.E.A]

اصلا لو بكرا اختبرتنا على مااعتقد اننا وصلنا لمرحلة نقدر نقول معليش عندنا اختبارات ثانية اجلي الاختبار يعني هذا اقل حق من حقوقنا بالجامعة تحديد مواعيد الاختبار والاختبار هدفه تحديد مدى فهم الطالبة للمادة وتحصيل الدرجات ومو كتابة كلام على ورق معلللليش اذا اختبرت بكرا بترجع تعيد الاختبار درجاتنا مو لاقينها بالشارع احنا طول السنه نتعب ونذاكر مرررة معليش

[إيـلاف]

حنحوووس لين نلاقي يوم ثاني نتفق عليه

الاحد بعا ماينفع عشان bio202

الاثنين يمكن يناسب كل البنات


لان الاسبوع اللي بعده حيكون اختبار ال lipds

فاعتقد انها رح تقول السبت

بس نقولها احنا ماراجعنا كان عندنا اختبارات ونشوف ايش ترد

بس اذا هيا غايبه كمان ؟؟؟؟؟؟؟

[سكوووون]

سلااام...
حبايبي لا تخافوا لانو المفروض مو نحنا اللي نشيل هم لانو بالنسبة لنا يعتبر الاختبار مؤجل الي اجل غير مسمى..
وهيا بكدة اللي تكون شايلة هم كيف حتبلغنا انو الموعد صار يوم السبت..
وطالما ماقدرت توصلنا خبر فالعذر معانا....
والموعد الجديد لم يحدد..و هادا اللي راح اقوله لها ان كانت مصرة..

[احســـــ رسامه ــــــــاس]

شوفو ياحلوين اول شي دكتوره اعتماد طيبه وماظن تجبرنا نختبر بالقوووه بكره هذا واحد
اثنين يااااااااااليت تتفقون من الحين على موعد يايوم الاثنين او الاربعاء لانكم بجد طلعتوا روحي انا مو الدكتوره بس
على فكره يوم كان الاختبار يوم السبت واجلتوه ليوم الاربعاء انا الوحيده اللي عارضت ويمكن معي بنت بعد طبعا لصالحكم ولصالحنا كلنا
لان يوم السبت ماكان عند الاغلبيه اختبار ولا شي ويوم سالتكم ليش تبون تاجلونه كان ردكم انكم بس تبون تذاكرون اكثر <<<ايه هين افلقوني اذا ذاكرتم شي للحين !!!!
وقلت لكم يابناااااااات انتم الحين تاجلونه ليوم الاربعاء وماتدرون يمكن يصادف معه اختبار لان الاختبارات تبدا يوم الثلاثاء فما تدرون لو يطلع عندنا اختبار الاربعاء
لكن السبت اظمن وكلنا متاكدين ان ماااافي اختبار
وبعد عاندتوني وماسمعتوا الكلام وشوفوا اخرتها طلع معه اختبار عربي وقبله مؤتمر
عشااااان بس ثاني مره تسمعون الكلام
وعالعموم الحمدلله ان الاختبارات تاجلت يوم الاربعاء ولا اتحدى وحده راح تجاوب في الاختبارين كلهم مضبوووط
وعشاان كذا عندكم الحين خيارين واختاروا بسرررعه يوم الاثنين او الاربعاء؟؟؟
اذا حطوا اختبار العربي يوم الاثنين خلاص نخليه الاربعاء ولاترتكبون غلطتكم مررره ثانيه
وعلى فكره اي وحده بتجي تتفلسف على راسي وتبي اختبار العربي مع الكيمياء حيوي<<من الفلاااحه الزايده اللي فيها !!!
انا من الحين اقولها لن اوااااااااافق ابدا
لان ليلة الاختبار ماعرفت ايش اذاكر عربي ولا كيمياء حيوي وكل واحد اختبار نصفي هذا عليه 20 وهذا عليه 30 يعني مرررره ماقدر افضل واحد عالثاني
وبعد بقولكم شي اخير يوم اجلتوا الاختبار من السبت الى الاربعاء
قلت يالله مابي اعارض يمكن من جد يبون يذاكرون ومابغاكم تقولون عني انانيه
بس المره هذي خلاااااااااص لو اكتشفت انه مايناااسب بعااارض
لاني بصراحه اكتشفت انكم بس تاجلون وما تذاكرون
هذا غير انكم ماتثبتون على قراااار واحد كل وحده تقول يوم من راسها وكله على كلااااااام فاضي <<وحده معصبه هههههههه
من جد تقهرووون

[سمآ]

بنات


يعني حتزاكروا ولا لا ؟

^^

[احســـــ رسامه ــــــــاس]

اذا قصدك نذاكر على اساس بكره اختبار نونونونونو
بس حددوا الحين تبغوا الاختبار يوم الاثنين ولا الاربعاء؟؟؟؟؟؟
او الاحسن مثل ماقلت لكم نشوف متى بيحطوا اختبار العربي اذا بيحطوه يوم الاثنين خلاص نخلي اختبار الكيمياء حيوي يوم الاربعاء
ها وش قلتوا ؟؟؟ كلكم موااااافقين على كلامي ولا ؟؟؟

[سكوووون]

اول شي ياحبيبتي انا ماعندي مانع كان الاثنين ولا الاربعاء..
تاني شي ترى حكاية التاجيل من السبت للاربعاء ماكانت شغلة عناااد هذا عن نفسي
وعن البنات ان ماكانوا ذاكروا بعد كلمتهم وعذرهم بالتاجيل فعلى الاقل نيتهم كانت مذاكرة مو عناد لشخصك..
اعذريني على كلامي بس مثل ماانقهرتي من التأجيل اللي كان له عذره انا انقهرت من قولك كلمة (عاندتوني) واللي مالك عذر فيها..نحنا طالبات وانتي مثلنا طالبة...
انا مو من النوع اللي يعلق عالمواضيع بس دخلت على دا الموضوع قلت احاول اوضح حجتنا لـ إللي خايفة انو يكون في اختبار بكرة..
ودا ردي التاني في نفس الموضوع لاني لقيت لووم علينا مع انك انتي برضو كسبانة وقت للمراجعة....
للمرة الاخيرة ارجو العذر..
وجهة نظر لا اكثر....

[احســـــ رسامه ــــــــاس]

لا عادي بالعكس اتقبل كلامك يكل صدر رحب
بس انتي تقولي اني كسباانه ؟؟؟
كسبانه ايش يااحظي
الهم والقلق
بالعكس لو اختبرنا السبت كان الحين الكل مرتااااااح
لاتنسي فيه اختبارات ثانيه غير الكيمياء حيوي يعني ناجل ناجل لمتى ؟؟؟
لحد ماتتراكم علينا الاختبارات مثل ماهو حاصل الحين
اتمنى تفهمي كلامي كلمه كلمه قبل تعلقين وتعرفين انا وش بنيتي

[احســـــ رسامه ــــــــاس]

بعدين خلاص هذا شي وصار يعني بلاش نقول لو ولو
الحين اللي ابيه منكم تحديد يوم للاختبار الاثنين ولا الاربعاء فقط لاغير ؟؟؟؟
سؤالي واضح
بس خلينا نشوف متى بيحطوا اختبار العربي
واتمنى ماحد يفهمني غلط بس انا انقهرت من بعض البنااات فيهم شوية دلع ويمكن غلطت لاني حكمت على الكل
وصدقوني في النهاااااااايه انا ابي الشي اللي في صالحنا كلنا والله هذا اللي بنيتي مو اكثر