كيف نمشي في الانجليزي!!!!

[عالي المعالي]

المشاركة الأصلية كتبت بواسطة R.M.B يااااااااارب توفقنا....... ماقلتولي اش في معاهد كويسه؟؟

والله يا أختي بقولك نصيحة من مجرب

دراسة الانجليزي مستحيل تنفعك ودورات الانجليزي مستحيل تتعلمين منها شي لو تموتين إلا القواعد ( grammer )


الانجليزي ممارسة يعني تسمعين تتكلمين تقرئين تتنفسين تشربين انجليزي وإن شاء الله بيكون أسهل من العربي

صدقيني أنا ما درست انجليزي إلا في مناهج الثانوية الضعييييييفة جدا ولا أخذت كورسات ولا دورات ولا شي

ومع ذلك أشاهد أفلام أمريكية ولا تواجهني مشكلة في الكلام إلا بعض الكلمات الجديدة فقط !!!

قبل سنتين كنت ما أفهم كلمة لكن مع الوقت وكثرة الاستماع صار الأمر عادي جدا وكأني أستمع لشخص يتكلم عربي !

أنا ما أقولك لا تاخذين دورات بالعكس الدورات مطلوبة لكنها لا تمثل إلا 20% فقط من التعليم والباقي عن طريق الممارسة !

عندك اليوتيوب حاولي تشاهدين مقاطع يتكلمون انجليزي فيها وإذا عندك تلفزيون وتشاهدين أفلام يكون أفضل لأنك تسمعين الكلام وتقرئين الترجمة بالتالي تتعودين تتدريجيا

وأهم شي مادة الانجليزي في الجامعة أعتقد غير مسموح للدكتورة تتكلم عربي يمكن في البداية تواجهك صعوبة لكن مع الوقت تتعودين إن شاء الله

أعرف إني طولت عليكم وأعتذر لكن حبيت أشارككم تجربتي

وبالتوفيق للجميع ..

[R.M.B]

جزاك الله خير....

بحاول أجرب..

وبالتوفيق لنا جميعاً يارب

[Heba EB]

حياك أختي /

هذه الصعوبة طبيعية في البداية
ولكن لما تتعودي تسير وتتسهل

أما عن الدورات
صحيح انو الدورات تستفيدي منها لكن بس في القواعد وانك تتكلمي انجليزي عام
أما المواد العلمية اللي ناخذها ماراح تدرسيها في معاهد اللغة وبالتالي لن تستفيدي

أنا مجربة للدورات والمعاهد حوالي 3 أو 4 سنوات
زي ماقلت لك تستفيدي كلام عام في الحياة
السفر ، الأكل ،... الخ من المواضيع اللي درسناها في الثانوية ،، لكن مافي تعمق في المواد العلمية والمصطلحات اللي ندرسها دحين

خليكي مع الدكتورة في المحاضرة واكتبي كل مهم واسأليها على ماصعب عليك
ذاكري أولاً بأول وحلي التست بانك والتدريبات اللي في نهاية كل شابتر
لاتجلسي مع الناس المحطمين وحاولي تكوني مع المتفائلين المجتهدين
وقبل هذا كله التوكل على الله ودعائه

وإن شاء الله تجيبي معدل عااالي :)

[R.M.B]

يارب الله يسمع منكِ يأختي ...

مشكوره ع النصائح وجزاك الله ألف خير ....ماقصرتي...

طمنتوني الله يسعدكم جميعاً

[MiZ RoRy]

,اللهي صحيح كلام ((عالي المعالي ))

عشان انا برضو زي كدا . ما درست الا في مدارسنا الطيبة في الثانوية

ولا دخلت ولا دورة والحمد لله انجليزيتي طيبة !! مهي ممتازة وخارقة

انما الحمدلله .. اقرا الكتاب وافهمو

الا الكلامات العلمية الجديدة اللي ما اخدتها

انا كل انجليزتي من الافلام والاغاني والتلفزيون

ولو تبي انجليزية علمية.. افتحي القنوات العلمية .. زي ناشينال جيوجرافيك وديسكوفيري

كمانا مو لازم تدققي في كل كلمة وتركزيوتعيدي وتزيدي عالمشهد عشان تفهمي الكلمة

عادي بس حطيها في الخلفية واعملي اي شي !!

ما اقول راح تتعلمي انجليزي ي اظلقة من اول مررا

مررا على مررا ..

والله يوفقك ويوفقنا كلنا يا رب

[R.M.B]

ياااارب

جزاكِ الله خير..

ان شاء الله بجرب...وأبلغكم..

ماقصرتوا...

[عبدالرح ـمن]

اتمنى تناول الموضوع بجدية
- انا ما افهم انجليزي!!
- طيب شدي حيلك!!
كيف تشد حيلها وهي ما تفهم
اللي تقدر تاخذ كورس لغة تاخذ
بس ياليت تتأكد من المدرسة أو المعلمة اللي في المعهد
ضروري تكون اجنبية
مو تجيك وحد من الجاليات العربية وتجلس تبربر على راسك
بس هيك،،

[love me for me]

طبيعي انو بتخافو لانو شي جديد احنا نمشي
وافرضي لو روحتي معهد تجلسي شهرين واظن الاختبارات في نص القعده وحده دكتوره قالت كدا والله اعلم
يعني اظن بعد شهرين او شهر ونص افضلك الوقت الي تروحي فيه المعهد حاولي انتي تترجمي شويه من المنهج واحفظي فووكابري = كلمات جديده الي معاكي بالمنهج
والله مافي شي يمشي الا كدا اما معهد مافي وقت بصراحه انك تغطي الانجليش

والله يوفقكم :)

[M!ss 5o05a]

المشاركة الأصلية كتبت بواسطة عبدالرح ـمن اتمنى تناول الموضوع بجدية - انا ما افهم انجليزي!! - طيب شدي حيلك!! كيف تشد حيلها وهي ما تفهم اللي تقدر تاخذ كورس لغة تاخذ بس ياليت تتأكد من المدرسة أو المعلمة اللي في المعهد ضروري تكون اجنبية مو تجيك وحد من الجاليات العربية وتجلس تبربر على راسك بس هيك،،

تشد حيلها يعني تحاول تترجم المصطلحات مع الدكتوره وتحفظها وزي كذا..

هذا الشئ اكيد تقدر عليه حتى لو هي ميح في الانجليش..

اما انها تروح تاخذ كورس ..بتضطر إنها تاخذ نفس المنهج اللي تتدرسه في الجامعه علشان تنجح...

[عاشق اليسا]

والله انكم داجيييييييين هذي وجهي لمشيتو بالانجليزي