Q:2

[totahkk]

السلام عليكم..
أبغى أسأل سؤال
دحين أنا خلصت من السنه التحضيريه وجبت معدل منخفض وما دخلت الطب
ودحين محتاره أكمل علوم وبعدين أنقل طب في الجامعه أو أني أنقل كلية البترجي وأدرس سنتين وبعدين أرجع الجامعه هو دا ممكن؟؟
ملاحظه:
بس أنو المنح الداخليه ماتدفع كل شي يعني في مبلغ رح ندفعه

[عابر سبـيـل]

قبل كل شيء أنصحك تجعلين الخيارات أمامك واضحة ثم تستخيرين ربنا و تستشيرين أهل الخبرة من الأقارب و المعارف

و ما خاب من استشار

بالنسبة لسؤالك أنا دوبي داخل السنة التحضيرية ما عندي أي خلفية عن الجامعة و نظامها


و بالتوفيق لكل طلاب الجامعة

[angel heart]

اذا تبغي الجامعه ماراح يرجعوكي اذا طلعتي منها

اذا انتي تبغي البترجي خلاص ادرسي فيها الين تتخرجي

واستخيري كمان احسن لك


بالتووفيق

[υикиσωи]

وعليكم السلام ورحمة الله وبركاته ..

ما عندي علم واللهي ..

بسس على طاري المنح الداخلية .. في منها تكون 100% يدفعولك هيا وفي 50 % ...الخ
وممكن ازا حبتي معدل عالي يزيد نسبة المبلغ اللي يدفعوه
على العكس ازا جبتي معدل منخفض ممكن يقللولك المبلغ اللي بتدفعو ليكي الدولة بالتالي انتي حتدفعي اكتر ..



استخيري وربي يختارلك اللي فيلو الخير ...=)

[totahkk]

شكرا جميعا على ردودكم
بس هوا أكيد أذا خرجت من الجامعه ما برجعوني تاني

[hanosh]

HElloO Fox انا عندي نفس هادي المشكله .. اش اسووي والله مرا محتاره في ناااس يقوولو انها جيده .ونااس يقولو انو عزوز وابن سينا احسن والله انا عايشه في حيررررره اللهـ العالم بيها ,, والشي اللي اتقبلت فيلوو مااني حاسه نفسي فيلو بس مرتاحه انو في عزوز ..ومافي احسن منها جامعه سو سااعدوووني بليييييييز ,,,, وكمان ازا في امكانيه تحووويل باللله افيدووني <<وكل سنه وانتو طيبين

[bullet4myvalentine]

انا راح احاول اديكي معلومات البترجي اللي عندي
1- تدفعي 3 آلاف ريال رسوم التسجيل وراح تختبري تحديد مستوى الانجليش
2- بالنسبه عن معادله المواد لازم تيجيبي كشف الدرجات السنه التحضيريه وقت المقابله الشخصيه وريهم عشان يشوفوا مواد اللي انتي درستيها راح تتعادل ولا تدرسي السنه التحضيريه تدفعي تقريبا 40 آلف ريال تبعهم وتيجيبي معدل عالي يدخلك طب وتدفعي تقريبا 70 آلف ريال وازا دخلتي طب ماجبتي معدل عالي وحسيتي شويه صعب عايدي تقدري تطلبي تحويل الى اي قسم آخر ( ازا ماتبي سنه تحضيريه يبالك تدفعي رسوم 7 آلاف وتختبري ازا جبتي درجات عالي يدخلك طب وتدفعي 70 آلف ريال )

وبترجي ماعندهم منح السنه التحضيريه بس عندهم منح ازا دخلتي في كليه طب او صيدله الخ:
1-ازا جبتي في الثانويه معدل 95% او اعلى يسير لك خصم 20 %
2- ازا جبتي في الثانويه معدل مابين 90%- 94.99% يسير لك خصم 15 %
3- ازا جبتي معدل في الثانويه مابين 85% - 89.99% يسير لك خصم 10%
4- ازا انتي مو سعوديه ولغتك الانجليش مره تمام التمام يسير لك خصم 20 %
5- ازا انتي مو سعوديه ولغتك الانجليش متوسط يسير لك خصم 15 %

وفي منحه زياده اسمها منحه الأخوه ( دي المنحه اللي عندهم اخوان او اخوات بيدرسوا في السنه التحضيريه او في اي كليه في بترجي):
1-ازا كان للطالب اخ واحد او اتنين ، يسير لهم خصم 20%
2-ازا كان للطالب 3 اخوه ، يسير لهم خصم 20 % لأول 3 اخوه اما بالنسبه لأخ الرابع يسير لو خصم 50 %

الله يوفقك يا أختي

[mermaid]

ياحبيبتي كان في قبل فتره منح كاااامله من الموارد البشريه

مدري ازا هيا مستمره الين دحين ولا خلاص

انا سجلت في ابن سينا صيدله منحه كامله من الموارد البشريه الحمدلله

وانا والله اعلم سمعت انو ابن سينا جدااا كويسه ودراستهم حلوه احسن من البترجي

انتي روحي واساءلي والله يكتبلك اللي فيه الخير

[bullet4myvalentine]

المشاركة الأصلية كتبت بواسطة mermaid ياحبيبتي كان في قبل فتره منح كاااامله من الموارد البشريه مدري ازا هيا مستمره الين دحين ولا خلاص انا سجلت في ابن سينا صيدله منحه كامله من الموارد البشريه الحمدلله وانا والله اعلم سمعت انو ابن سينا جدااا كويسه ودراستهم حلوه احسن من البترجي انتي روحي واساءلي والله يكتبلك اللي فيه الخير

بس ابن سينا انتهى التسجيل في آخر يوم من شعبان ازا هيا سجلت راح تكون في لائحه الانتظار مده طويله
انا سمعت بترجي احسن منو لانو دايما التدريب حقهم في المستشفى السعودي الالماني و انو التسجيل في اي وقت لانو اوقات الدراسيه حقهم غير عن حقنا نبدأ بعد العيد احنا كنا في اجازه وهما بيدرسوا واحنا ندرس وهما في اجازه بس ابن سينا ينصحوا فيها الصيدله بس مو طب لانو ناقصين في الادوات ويشرحوا جثث قديمه لها 3 و4 ايام ومايحيبوا جثث جديده ولازم تجيبي معدل عالي عشان يسير لك منحه وكمانه فيها تنافس على المنحه يأخدوا اعداد محدده والله أعلم

[mermaid]

لا ياحبيبتي مين قالك

انا رحت في رمضان وسجلت صيدله وكان لسه مفتوح



وبعدين معرووف ابن سينا احسن في الدراسه والدكاتره والمناهج حقتهم افضل من البترجي بكتير

وانا ساءلت كتيير قبل ماسجل وتقريباا كلهم نصحوني فيهاا

بس طبعا البترجي افضل في المبنى ومكان التدريب بس