اختبار تحديد الميول ؟؟!!

[قمر عشر طعش]

بسم الله الرحمن الرحيم
السلاااام عليكم .. اخبااركم واخبار التسكين معاكم ان شاء الله تكونوا اخترتوا ويارب مايطلع الإيجار غالي .
المهم : انا حابة اسأل عن اختبار تحديد الميول لاني سمعت عنه بس مااعرف اي معلومات .
ياليت اي احد اختبره يقولنا هل فعلاً حس انه استفاد منه ؟ كيف الاختبار وكم مدته وكم سؤال ؟
ماادري ليه قلبي يقولي انه ما منه فايدة .
انتظرر ردودكم ... ومشكورين مقدماً.

[υикиσωи]

يا قلبي اختبار تحديد الميول دا شي اختياري
تبي تسويه روحي غرفة 9 مبنى الشؤؤون ( 13 ) ..

وقوليلهم ابا اسوي ... عادة في وقتها يخلوكي تسويه

بسس هوا يطوول ..مرا اسئلة كتيرة ...
تقريبا ياخد حوالي الساعتين
بسس ازا بدك تقسميه على كم يوم ... مو مشكلة ..زي ما بدك

امممم ... بعدين يطلعولك النتيجة حقتك ..اظن انتي تكتبي ايش الرغبات اللي تبيها ..
وهما حيرتبولك هيا ..
ويوركي الانسب ليكي ...

انا عني صراحة كزا مرااا روحت ديك الغرفة ... وقالولي اعملي بسس ما اباااا....
بسس انتي جربي حظك ...

[weddah]

الاختبار الي يسووه في الشؤون خلص من زمان

هو كان مدته اسبوعين من قبل التسكين

بس دحين خلص خلاص

عموما ما كان مره مفيد داك الشي

وفيه مراكز تسوي هذا الاختبار بفلوس

وتقدري كمان تسويه في النت

وهذا الموقع انا جربته وعجبتني نتيجته

http://cat.hrdf.org.sa/index.php


وطبعا المواقع كثير تقدري تجربي اي واحد

وبالتوفييييق لنا كلنا ياارب

[υикиσωи]

امممم ...اماا خلص ...!
انا روحت ديكا الغرفة عشان الدورات ومدري ايش ...
المهم شوفت ناااس بيختبروو ودا الكلام كان يوم الاتنين ..

يعطيكي العافية يا قلبي ع الموقع...
وان شالله اشوفو

[weddah]

حتى يوم لقاء العميدة البنات طلبوا ان يسوولهم الاختبار

وقالتلهم خلاص خلص مدته هو بس اسبوعين

[υикиσωи]

المشاركة الأصلية كتبت بواسطة weddah حتى يوم لقاء العميدة البنات طلبوا ان يسوولهم الاختبار وقالتلهم خلاص خلص مدته هو بس اسبوعين

امممممم ...بسس كيف كدا يخلصو في نص الاسبوووع
اناااا متاكدة مليون في المية يوم الاتنين كنت في غرفة 9 ..وشفت الناااس قاعدين يطلللوووو ....

[weddah]

يمكن مددوا فترته لمن البنات طلبوا

يصير احسن تروحوا تشوفوا

عموما قلتلكم مو مره خطييير الاختبار

وطويل ياخد قريب ساعتين حسب سرعتك

[υикиσωи]

اممممم .... ما ادري ازا مددوه ولا ايش بالزبط
ما افتيكم ..بسس انا قلت اللي شفتو وبسس...

بعدين مرااا يسلمو عالموقع داك

قاعدة اسوي الاختبار ...

[weddah]

العفو حبوبه

لو تكتبوا في قوقل اختبار تحديد الميول يطلعلك اختبارات بالهبل

بس هذا اكثر شي حبيته

[υикиσωи]

<< اممم تري ولا جاات ع بالي دي الفكرة
اصلا ولا جااا ع بالي اختبر..بسس دحينا اتحمست واهووو باحل داكا ..وحأقولك النتيجة ...