لقااااء الطلاب ،، وشرح (( آلية التسكين )) ..!!

[Bo0oZy]

السلام عليكم ورحمة الله وبركاته ،،

هلوووو ايفري نفر و نفرة

انا حطيت الموضوع هادا ،، عشان نتشاارك ونحط فيه ايش شوفنا وايش سمعنا اليوم وبكرة وبعدو .. في لقاااء الطلاب مع الكليات وعميد الجامعة ( المفروض ) ،،،


طبعا كلمة آلية التسكين هادي مو داخلة مزاجي ،، كان نفسي اسأل العميد مالقيتو كلمة أسهل من كدا ؟؟ احسها متعووووب عليها وصعبة وما تنفهم وتجيب الضغغط !!


المهم ،، اللي راحووو ياريت يحطووولنا ايش شافو وايش سمعووووو ،،،


وبالتوفيق جميعا ً ،،،


أخـــ بوزي ـــوكم

[جامعة جدة]

ننتظر اللي حضروا اللقاء

يقولون وش قال بالتفصيل الممل خخخ

[زهرة الزهور]

أخوي شكلك متأثر بالهنود

أشك فيه أحد راح

[rayyan1444]

ما في شي جديد نفس الهرجه يعيدوها ويكرروها

في الجدول اللي حاطيني انو المفروض كل عميد يجي يتكلم لربع ساعه ولا شفنا شي

انا اقلكم ايش صاار

اول ما دخلت الساعه 7 مسوين معرض للكليات زي الترم الاول كل كلية يعلموك ايش فيها وكيف الدراسه فيها .. الخ

وبعدين رحنا للقاعه تقريبا 7 ونص اول شي القران الكريم بعدين كلمه المدير ( نفس الهرجه ما زاد شي) بعدين كلمه عميد القبول والتسجيل ( نفس الهرجه ما زاد شي )

بعدين المسرحيه بعنوان رابع ثانوي ( يعني السنة التحضيرية صعبة زي الثانوي ) وااللي كانت نهاية المسرحية انو طلاب خطة ب فشلوا بسبب صعوبة المواد بالترم الاول وطلاب خطة أ صاروا دكاترة ومهندسين ورجال ناجحين

وووووووووبس( عندي مقاطع فيديو من الحفل بس ما اعرف احطها بالمنتدى )

ملاحظة :: انا لمن رحت لمعرض القبول والتسجيل قالوا لي القبول اللي على b+ راح يدخل المنافسة للقبول بكلية الطب ويمكن ما ينقبل ....... طيب اللي يحصل على c وش مصيره ما اقول الا حسبي الله ونعم الوكيل

كان معكم مراسلكم من قلب الحدث

[masker]

المشاركة الأصلية كتبت بواسطة rayyan1444 وااللي كانت نهاية المسرحية انو طلاب خطة ب فشلوا بسبب صعوبة المواد بالترم الاول وطلاب خطة أ صاروا دكاترة ومهندسين ورجال ناجحين كان معكم مراسلكم من قلب الحدث

كيف ؟؟؟ اش صار في المسرحيه ؟

[كندربوينو]

المشاركة الأصلية كتبت بواسطة rayyan1444 ما في شي جديد نفس الهرجه يعيدوها ويكرروها في الجدول اللي حاطيني انو المفروض كل عميد يجي يتكلم لربع ساعه ولا شفنا شي انا اقلكم ايش صاار اول ما دخلت الساعه 7 مسوين معرض للكليات زي الترم الاول كل كلية يعلموك ايش فيها وكيف الدراسه فيها .. الخ وبعدين رحنا للقاعه تقريبا 7 ونص اول شي القران الكريم بعدين كلمه المدير ( نفس الهرجه ما زاد شي) بعدين كلمه عميد القبول والتسجيل ( نفس الهرجه ما زاد شي ) بعدين المسرحيه بعنوان رابع ثانوي ( يعني السنة التحضيرية صعبة زي الثانوي ) وااللي كانت نهاية المسرحية انو طلاب خطة ب فشلوا بسبب صعوبة المواد بالترم الاول وطلاب خطة أ صاروا دكاترة ومهندسين ورجال ناجحين وووووووووبس( عندي مقاطع فيديو من الحفل بس ما اعرف احطها بالمنتدى ) ملاحظة :: انا لمن رحت لمعرض القبول والتسجيل قالوا لي القبول اللي على b+ راح يدخل المنافسة للقبول بكلية الطب ويمكن ما ينقبل ....... طيب اللي يحصل على c وش مصيره ما اقول الا حسبي الله ونعم الوكيل كان معكم مراسلكم من قلب الحدث

انا كنت ابغى اخذ احد المسؤلين على جنب واسالهم احنا ايش موقعنا بس ما حصل نصيب

[*قطــ ع ـة ســ ك ـــر*]

طيب ريان كان نفسي تسئل عن الي حاملين ماده يتخصصو في الكليات الصحيه ويصير بينهم مفاضله عادي يزيهم زي الطلاب الثانين ولالا؟؟
في جالسه ثانيه ممكن اذا رايح تقول هذا الشي بليز ردلي اوك

[زهرة الزهور]

شكله ممل
يعني اللي ماراحوا أبرك لهم
يعني لو كل المواد a,a+ وفيه مادة d مثلاً
أو كل المواد a,b,a+ ووحدة c
مايدخل طب ولاشيء صحي
في أي قانون
كذا بصير ظلم على مادة ماتتحقق الأمنية
في كثير كذا مادة بس تكون سيئة

[كندربوينو]

هو هذا الي صار باختصار كلامك هذا

[Bo0oZy]

المشاركة الأصلية كتبت بواسطة زهرة الزهور أخوي شكل متأثر بالهنود أشك فيه أحد راح

متأثر وبس ؟؟!! اتااريكي ماتعرفيني كككك




امممم .. بقوولكم شي ،،، بس مستحي ،،،


انا رحت <<< حاسس انو ارتكب جريمة مدري ليه




طيب حشرحلكم كل شي افتكرو ،،،




اول شي رحت الجامعة وشكلها في الليل مرة موحش وتحسي انك في صحرا وتسمعي صوت كلاب واشياء كدا كأنها جن !!


وطبعا ً مافي أحد جا ،، مباراة الاتحاد والهلال طبعا ً مسوية أزمة في الشعب الجامعي !!


،،،،

المهم ،،، عاملين الملتقى زي كأنو ( معرض الحارثي ) ،،،

كل كلية عندها ركن وقاعدة تعرض وتوري الطلاب ايش تبيع !!! اقصد ايش الهدف من وجودها يعني ،،،


انا رحت لقيت شي اسمو اختبار ذكاء مهني ،، درجتو تساعدك على تحديد تخصصك ومستقبلك المهني والوظيفي ،،، طبعا ً التسجيل بـ 200 لكن للمنسوبين حق الجامعة ببلاش ،، فقلت يالله يا اينشتاين زمانك ،، سجل وجرب حظك ،،



المهم ،، بعد ما سجلت ،، رحت لعمادة شؤوون الطلاب ،، تصدقو اللي يجيب فوق 4.5 للسنة التحضيرية ياخد مكافأة وشهادة تفوق ،،، خخخ حسسوني اني بمدرسة



المهم بعدين رحت لركن التسجيل والقبول وهناك سمعت خبر مخزي ومحزن ورفع ضغطي وقهري،،،

يقولك ،، اللي مثلا ً يجيب في كل المواد a+ ،، ولكن في عنده مادة وحدة من متطلبات الطب b فهادا ما حينقبل في كلية الطب ولا يطالعو فيه ،، لانو أخل بشرط من شرووووطها ،، على الرغم الطالب اللي يجيب في كل المواد b+ ينقبل ولكن تكون الافضلية للنسب الموزونة ،،،، وججججع قههههر ،، بس مشي الحال ايش تقول ؟!؟




بعدين رحنا القاعة حقت المؤتمر واللي فيها كان العميد او واحد زيو كدا بيتكلم ،، انا المشكلة اتأخرت شوية فما حضرت من البداية ،،،

بس اللي عرفتو ... انو الطب والكليات حيبدأ الكلام عنهم من بكرة .. لكن اليوم بس كدا كان ضياع وقت وتمهيد ،،،


وانو الطلاب اللي لاسمح الله رسبووو في الاختبار في الترم الصيفي ،، ليهم فرصة الين الترم الاول في السنة الجية كمان ،، لكن بعدين خلاص طي قيد !!

فجأة كدا ... لقيناهم بيعملو مسرحية .. وكان عنوانها اللي اتزكرو .. مباراة رابعة ثانوي ،،،
او شي من هذا القبيل ،،،


وكانت تدور أحداث هذه المسرحية حول ،،، << حس نفسو في كتاب ألف ليلة وليلة !!!


انو في فريقين ،، فريق ( أ ) وفريق ( ب ) << واللي هوا احنا اهئ اهئ اهئ ،،،


وطبعا ً فريق ألف عندهم مدرب مرة اووووكي . ويساعدهم .. ويقوولهم لاتخافو في المباراة حعطيكم ( رفعات وتمريرات ) وانتو بس عليكم ( تسجلو أهداف ) ،،، واذا صعب عليكم الموضوع مرة ( حديكم ملخصات ) ،، يعني لاتكتبو وتتعبو نفسكم ،،،


وفي الصعيد المقابل ،،، فريق باء عندهم مدرب عصبي وهمجي ،، وقاعد يهزئ ويسبسب .. ويطرد المتأخرين من حصة التدريب ،،ويعطيهم حرمان ،،، ولكن في نفس الوقت .. في ولدين عندهم مصلحة معاه وجابوولووو رخصة السواقة وكدا ،، فبالتالي كان متعاطف ومتسامح ومتساهل معاهم ،،،

وطبعا ً قالهم ( انتو مستحيل تسجلو 90 هدف ) ،،، انتو بالقوة لو سجلتو ( 70 ولا 80 ) هدف ،، عشان لا تصيروو أحسن مني


وفي نهاية المسرحية ... جابو طلاب الفريقين ،،،

لقينا فريق أ ،، مهندسين ودكاترة وطيارين ،،

وفريق ب ،، مشردين في الشوارع << الله يستر بس





وبعد ما خلصت المسرحية اللي والله كانت في الصميم .. وبررررردت قلبي .. وهزأت في الجامعة والدكاترة بس بطريقة مرحة ورااااائعة وكانت مثال للنقد البناء ،،

فجأة كان في سحب على الجوائز كككككك أقووولك داخلين مسابقة ولا حروف وألوف ؟؟؟


المهم بعدين خلصنا وكل واحد راح على بيتو .. ومحد استفاد اي شي بس ضاع الوقت والمباراة والبنزين ،،


وهادا ملخص أحداث هذا اليوم بالنسبالي ،،،


وسييي ياااا