رجعنا وكلنا امل في الله ولكن ماذا بعد سوء التنظيم والتخطيط؟؟!!!

[Dr.SoOoMa]

بسم الله الرحمن الرحيم

والصلاه والسلام على خير الانام خير البشريه الرسول الكريم
محمد بن عبدالله عليه افضل الصلاه واتم التسليم وبعد :




بعد اجازة طويله على حسب راي رجعنا مرة اخرى على جامعتنا (بيتنا التاني k.a.u )

الكثير منا قضى الاجازة خارج المملكه العربيه السعوديه والبعض منا قضاها في بروع بلادي

اختلفت الوجهات ولكن الهدف كان واحد بالفعل على حد علمي وهو ( انبسط وفرفش وانسى الهموم والاحزان اللى مرت عليك ) صح كلامي؟؟؟

الحمدلله طبعا كلنا انبسطنا بالاجازة رغم ان هناك امور قد تعيق فرحتنا بالاحزان كفراق من نحب او غيرها من الامور

المهم الان :
رجعنا وكلنا امل في الله ولكن ماذا بعد سوء التنظيم والتخطيط؟؟!!!


موضوع اخترته بعد صراع مرير مع النفس ولكن دعوني اخبركم السبب

لايخفى عليكم اخواني اخواتي طلاب السنه التحضيريه اننا ندرس وبلاشك في احدى ارقى الجامعات في السعوديه بلا دعونا نقول في الوطن العربي بدون مبالغه

وان كثير من الكليات التابعه للجامعه حصلت على اعترافات دوليه وشهادات نكاد ان لانحصيها (ليس هذا بموضوعنا )

المهم عدنا من جديد وكلنا امل في الله وتلح علينا الرغبه الجامحه بالدراسة والاجتهاد وكسب اعلى الدرجات حتى نسنتطيع دخول ارقى الكليات التى حلمنا بيها منذ ان كنا صغار

لايخفى عليكم اننا عانينا كثيرا بالترم الاول
وكنا نشتكي من سوء التنظيم والمناهج الصعبه وغطرسة بعض الدكاتره

وقدمنا شكاوي العماده ولكن....

لاحياه لمن تنادي

رجعنا الى الترم التاني املين منهم تحسين الاوضاع ولكني اندهشت في اليوم الاول من الجامعه اخبارنا ان هناك اختبار انجليزي لتحديد المستوى على قولتهم

طبعا دخلنا الاختبار واتفاجئنا بشده الاستهتار المفروض انه الاختبار يكون الساعه 11 صارت الساعه 11.35 ولااحد جانا

مع العلم انه كل القاعات جالسه تختبر الا نحن المهم بعدها جا دكتور عراقي جالس يتفلسف علينا ومدري ايش

وبعدها بشوي جات الاسئله والاوراق

المهم بدانا نختبر وطبعا كان الاختبار مكون من 100 سوال 60 سوال كلها استماع

ايش الفله دي؟؟؟


وطبعا السي دي ماجا جلسنا نص ساعه تانيه نستنى وشرف السي دي

المهم ونحن بنحل جا شخص مسوول يقول الاختبار لتحديد المستوى عشان نبغى نفصلكم الى 6 مستويات دراسيه ( هو كلامهم صح بس ترى صح النوم ياجامعه دحين جايين تفصلونا الترم التاني ؟؟ بعد ماتعلقنا باصحبانا وصرنا زي الاخوان تبغوا تفرقونا ؟؟في الكلام ده من الترم الاول؟؟)


نرجع ونقول سوء التخطيط بس ماادري مين المسوول اللى جالس يخطط للجامعه وللسنه التحضيريه؟

المهم بعد دا كله ياخوفي تنعاد اخطاء وسوء تنظيم الترم الاول ونضيع زي ماضعنا في الترم الاول


وفي شي لا ننساه كلنا نحن الطلاب ترى هذه السنه الاولى اللى يطبق علينا النظام هذا ب ايجابياته و سلبياته


نامل من الله تحسين اوضاعنا ومناهجنا

المهم لا اطيل الحديث عليكم والله يوفقنا كلنا الطلاب والطالبات وينجحنا كلنا انه على كل شي قدير عليم

والله ولي الامر والتدبير


والسلام عليكم ورحمة الله وبركاته

[Bo0oZy]

والله كلامك سليم يا دكتووور سووما ..

صحيح ما كان في تنسيق

المفروض الحركة حقت تحديد المستوى هدي يسووها من بداية السنة .. مع انهم كانو سوو اختبار تحديد مستوى لكن زي قلتووو



وبصراحة مرة سليم كلامك .. والله يعطيك العافية

بس برضو

احنا لازم نحاول انو نجيب درجات عالية علشان على قولتك نخش التخصصات اللي كنا نحلم بيها


والله ولي التوفيق


الجامعة مرة كويسة .. بس المشكلة انو في لخبطة .. لازم يصلحوووها .. ولازم يهتمو شوية بالسنة التحضيرية بدال ما احنا كدا فيران تجارب !!




ومرسي على موضوعك ويشرفني اني اكون اول اللي ردو عليه

تقبل تحياتي وخالص ودي

اخوك
بوزي


بس لسا ترا ما انتهت اجازتي

[Dr.SoOoMa]

المشاركة الأصلية كتبت بواسطة bo0ozy والله كلامك سليم يا دكتووور سووما .. صحيح ما كان في تنسيق المفروض الحركة حقت تحديد المستوى هدي يسووها من بداية السنة .. مع انهم كانو سوو اختبار تحديد مستوى لكن زي قلتووو وبصراحة مرة سليم كلامك .. والله يعطيك العافية بس برضو احنا لازم نحاول انو نجيب درجات عالية علشان على قولتك نخش التخصصات اللي كنا نحلم بيها والله ولي التوفيق الجامعة مرة كويسة .. بس المشكلة انو في لخبطة .. لازم يصلحوووها .. ولازم يهتمو شوية بالسنة التحضيرية بدال ما احنا كدا فيران تجارب !! ومرسي على موضوعك ويشرفني اني اكون اول اللي ردو عليه تقبل تحياتي وخالص ودي اخوك بوزي بس لسا ترا ما انتهت اجازتي

والله حبيب يابوزي

وشكرا على ردك الجميل

ومن جد على قولتك انا وانت اجازتنا مانتهت لووول

[صــمـود الأقصى]

أنا التالية في الرد ... بصـــراحــة كلامك عين العقل ... هذا وإحنا مسلمين ...المفروض نكون أنظم ناااااس في الكون ...

واللـــــه من جد تفاجأت من الخربطة ... والكلام اللي يتغير كل يوم ...و إن شاء الله يكون في تغيير للأحسن... يعني

مو معقولــــــــــة الخربطة هذي ...لأن احنا على ماأعتقد في جـــــــــامعة ...يعني إحدى أرقى المؤسسات في البلد...

لكـــــــــن نحن نـــــــــــتأمل فيهم بعد اللـــــــــــــــــــــــه ... والله من وراء القصد .. والسلام عليكم .

[dandoosha]

والله يا سوما كلامك صح بس مين يسمعلك

مالك غير ربك

احسهم هما ملخبطين ومو عارفين ايش يبغو وانت تقول انو اتعرفتو على اصحاب واتعلقتو فيهم

وحيفرقوكم على اساس مستوى الانجلش

احنا ايش نقول فرقونا بدون سابق انذار والله احسه تعذيب نفسي يعني عشان ما نجيب درجات

ماصدقت الاقي صحبات وفجأه كل واحد في كلاس هوا الواحد مافيه يتعرف تاني مره ويجلس يجرب

تصيب معاه انو يلاقي صحبه كويسه ولا لأ

مشي حالك

مشكووووور اخوي عالموضوع

[Nymph love]

مشكور اخوي..وكلامك مع الاسف صح...
الله يعين ونعدي دا السيمستر على خير ونعوض الي فاتنا...

وصبراً جميل....وبالله المستعان

[TEST2]

للاسف . تم عمل سنة تحضرية لتحضير الطلاب للدراسة في الجامعة .
ولكن الحقيقة ... أن هذه السنة التحضيرية تحتاج سنة أخرى ليتم تحضير الطلاب عليها !.
- - -
وللاسف تم تحطيم الطلاب بهذا النظام .
وعلى كف القدر نمشي ولا ندري عن المكتوب .

[دافور الجامعة]

بصراحة من وجهة نظري انه لم توضع جميع النقاط على حروفها فلم يتم التخطيط الكامل و السليم للسنة التحضيرية
ولم توضع خطط بديلة لامور غير متوقعة
انا بصراحة ما ابغى احطم نفسي واحطمكم نحنا خلاص ما باليد حيله الي نقدر نقولوا دي الايام انو نشد حيلنا لمعدل ان شالله كويس والله يعوض على الي ظلمتو دي السنة

[ahmad smart]

كلام سليم 100 % بس الله يرزقنا من عندو الفرج
امييييين

[.SuperGirl]

كلماتك مرتبة وصحيحة
اشكرك يا حسام

بإذن الله سنقف مع بعضنا البعض ونتعاون
حتى نبلغ العلا