ميييين افضل الدكاترة لـ خطة أ (بنات-علمي-السليمانية)؟؟

[Rawan.F]

السلام عليكم ورحمة الله وبركاته

دحين مع بداية الترم التاني بدات لخبطة تزبيط الجدول مع الدكاترة الكويسين،،

واللي خلاني اقرر اني ازبطو عشان الترم الاول مشيت نفسي وقلت معليش خليكي مع الدكتورة دي وان شاء الله تمشي >> وطبعن ما مشي الحال وجبت العيد

المهم،، دحين في الفيزيا والماث ميين افضل تلاتة دكاترة في كل مادة ( والسبب اني ابا افضل تلاتة حتى لو اربعة ولا خمسة عشان المواعيد طبعا )

بليييز يا بنات اللي تعرف مزبوط ومجربة او ع الاقل صحباتها جربو الدكتورة بليييز افيدوني وافيدو البنات الي بيعانو زي

شكرا جزيلا

[Deev]

+1 من جد ابغى اعرف عشان ازبط جدولي

[hano mg]

أهلا قلبووو..

من تجربتي و من تجربة زميلاتي...
الرياضيات...(مها محمد و دعاء قاروت )
الفيزياء (لبنى سندي و سناء أباظه)و السيكشن..مها دفتر دار..و هيفاء التومه
مررا مهم احضريها...يجي منها في الاختبار...
الحاسب ( أنصحك أريج با يحيى ....هي تحط الأسئلة..و تنبه على أشياء مهمه...على الأقل خذي الأشياء المحددة من بنات شعبتها...) بس عموما كلهم كويسين في العملي بس النظري صعب حبتين..
مهارات الاتصال...ما قد سمعت أحد يشكي منهم..استاذتي كانت غيداء الجويسر تعطيك الدرجات بسهوووله وما تحاسب و لا تدقق في التكاليف مرررا متساهله.....

و بس...هذوله اللي اعرفهم

[Rawan.F]

جزاكي الله خير اخت hano mg ..
المشكلة سناء اباظه عندها بس كلاسين احد وتلوت في مواعيد مو كويسة :\
ولبنى سندي اساسا ما سارت تدي تحضيري !!
الحمد لله في الفيزيا حولت عند سامية ابو شوشة >> ما شاء الله خطيييييرة
والماث طلعت عند هناء الأشولي الحمد لله طلعت ممتازة

اما الاتصال والحاسب ما كانو يهموني بس مرررررة شكر يا قمر