فزعتكم من خبرتكم يا اهل النتدى

[الحان الحياه]

السلام عليكم ورحمه الله وبركاته
ابغى مساعدتكم الله يوفقكم والله اني محتاجتها مرا قبل مايقفل التسجيل
ابغى رايكم في قسم الحاسب والانظمه (قانون)
من حيث الدراسه والوظيفه والمستقبل يعني ساعدوني الله يكتبلكم الجنه ياااااااااااارب

[AM00NA]

وعليـكم السلآم والرحمـة ..
وآلله يآعزيـزتي كل القسمين حلوه وممتعه
لان فيه من قرآيبي قآنون وحآسب
بس القآنون حفظ حفظ حفظ لآمنتهي اذا تقدرين ع الحفظ الكثير ادخليه ^_^ ..
بس انا اشوف من وجهة نظري انو الحاسب افضل كوظيفه ^_^
علماً بإن الحاسب (مسآر علمي )
والانظمـة (إداري)..
الله يوفقـك يآرب ..

[تركي4444]

والله انتي على حسب ميولك

لكن لو انا كنت مكانك بختار حاسب

[moka0000]

اول شي استخيري الله وبعدين روحي واختاري انا انصحك بالقانون لان عندي اخويا محامي
ومشاءالله جدا مبسوط لا ومو بس كذا زوجتو نفس الشي بس انها لسة بتدرس فالجامعة
ثاني شي مافي حاجة اسمها صعبة ترى الشغلة جدا سهلة والحفظ مو شي صعب
والله يوفقك ويخترلك الي في الخير

[n3omh]

انا انصحك حاسب

لانو القانون حق رجال بالدات لاننا بالسعودية مااعتقد انو في احد بيروح عند مراة محاميه لانو كلنا عارفين

البنت تعتمد علي احساسها

هو قسم ناجح للرجال بس هدا رائي وقصد يصيب وقد يخيب

:)

[rival soul]

شوفي مافي قسم اسهل من قسم كلها تعتمد على موادها وتختلف صعوبتها حسب كمية الحفظ والفهم وكدا المهم انت اول شي تستخيري ربك وثانيا تختاري التخصص اللي تحبيه اكتر وثالثا تشدي حيلك في قسمك عشان تخرجي بمعدل حلوووو

وبالنسبة للقانون انا قريبي اتخرج منه بس كان معدله عالييي اعتقد ممتاز المهم راتبو ماشا الله 9000 بداية اولماتوظف اشتغل في مكتب وكدا المهم اصحابو قالولو انت شاطر وليش مادخلت طب ومن دا الكلام هوا مايبغى دخل ميولو وشوف مافي فرق درس اقل من الطب بي 3 سنوات واتوظف براتب اقل منهم بشي بسيييييط يعني لو حضر الماجستير في السنتين ويصير كانو تخرج معهم بيصير راتبو اعلى ومعاه الماستر كمان فهمتيني الشغلة انك تشدي حيلك وتدخلي اللي تحبيه وتبدعي وربنا مايضيع تعب احد وبالتوفيق وطبعا دا الكلام على الاولاد في قسم القانون عندنا انتو البنات غير عشان كدا اقولك استخيري اول شي ماتدري ربنا كاتبلك ايش

[الحان الحياه]

لكل من رد عليا وساعدني الله يستر عليه دنيا واخره ويسهل طريقو ويوفقو يارب انا درست الموضوع بيني وبين نفسي
واكتشفت انو القانون قسم البنات يعني مالو مستقبل كثير مو زي الحاسب واستخرت والحمد لله وربنا يوقفنا وياكم