إبتكاراتكم في مذاكرة طيب القلب bio

[sultanooh]

السلام عليكم ورحمة الله وبركاته

أنا الدوري الاول الحمدلله درجه حلوه وكنت أذاكر بحفظ السؤال والإجابه لكن عانيت من التعب لأنها طريقة مهلكه وفي اليوم احفظ 5 صفحات بصعوبه

فانا الآن نفسي أحفظ 10 صفحات او 15 صفحه في اليوم ولكني لا أعلم مالطريقة المناسبة لذلك

قولوا لنا طريقتكم المبتكرة في مذاكرة أقل شيء 10 صفحات في اليوم

بإنتظاركم


وسؤال اخير انتوا كم تحفظوا صفحه في اليوم انا 4 والخامسه بصعوبه فهل أنتم مثلي وأنا طبيعي ولا انا كسول ؟

[Dr.Passed]

محا أقول كم احفظ ومتى احفظ لكن..

..ممكن اقولك الطريقة الأفضل في نظري..اشر بالألوان على الإجابة الصحيحة فقط وانت بتحفظ لاتطالع في غيرها..يعني عينك تجي على الصحيحة بس..عشان لمن تشوفها في الإختبار ما تتخربط...اصلا انت ماتعرف الا هيا لأنو عينك ماشافت الا هيا...فشي طبيعي انك محاتتردد وحتختارها..

[ذهب زمان النوم]

والله آنا أختار أميز كلمة في السؤال والجواب مع حفظ معاني أكثر الكلمات تكرارآ في التست

لكن بصراحة لم أنفذ ما كتبت بكل الخطواط والدرجة تحتاج مراجعة

[ذكرى الاحلام]

الطريقه الي انا استخدمتها ولله الحمد الدرجه حلللللوه اولا اذاكر كل سؤال واضلل السؤال والاجابه
واترجم السؤال الكلمات الصعبه والجواب كمان اترجم الكلمات الصعبه او المهمه وبعدها اربط بين السؤال والاجابه كيييييف السؤال الي يتبادر للجميع بعطيكم مثال لان الشرح يصعب فيها لأنها طريقه من اختراعي مع كل سؤال وانتم وشطارتكم في الربط لانه مرررره مهم
مثاااال,,


? which of the followingis a type of connective tissue


الجواب ... adipose tissue

الربط هو ? which of the followingis a type of connective tissue
معناها نسيج والنسيج زي النسيج القماش واسمها واحد نسيج

الجواب..
adipose tissue


نطق هادي الكلمه زي ( الدبوس) والدبوس يستخدموه في النسيج في الخياطه ..


لا تعليق لو دريت الدكتورة عن طريقه الربط <<هههاي

بعدها اشوف اذا فيه اجابه تشبه للكلمات الي في الجواب لان في اختيارات متشابه فتخيل ذاكرت
الجواب وفي وقت الاختبار تلاقي اختيار تاني يشبه للجواب يعني لازم تفرق بشي يميزه
عن الباقي بس انتبه لاتركز ع الاختيارات الغلط وتقراها اكتر من مره عشان ما تعلق بمخك

وفي مثال ثاني ع السريع السؤال في كلمة together معناها معا او مع بعض.. الجواب كلمة community يعني مجتمع


واذا في تعداد في الجواب وكل اختيار اكثر من حاجه معددها ..
خدوا اول حرف من كل تعداد في الجواب الصح ورح يكون كلمه اكتبها جنب السؤال واحفظها واربطها معاه بكيفك يعني بس مااااراح تنسااااها نهائيا حتى في اختبار الفاينل وانتبه لايكون الخيارات الباقيه تشبهها في الربط

لو ما فهمتوا قصدي هنا عادي قولوا واشرحها بمثال بس لاني مشغوله الحين

ولازم لما تختموا شبتر تمر بسرعه ع الاسئله وتراجعها وتشوف للربط تبعك ماشي تمام واذا في اسئله متشابه لازم تفرق بينها ... حتى لو تكتب ملاحظه جنب كل سؤال .. ..
بس الافضل تراجعوا عشان ما تقولوا وهقتكم


والله منجد حسيت خلصت بسرعه في يومين مع المراجعه وانا مرتاااحه وترى الربط متعه ولو تراجع ربطك مع احد من اصحابك يمشي الشغل معاك تمام لانه يثبت ا كثر والله اعلم وكل واحد وحسب استيعابه ,,,


بس ايش رايكم صراحه صحباتي اعجبتهم وماشين ع الطريقه

بس لا تنسوا ترجمة السؤال..

بالمختصر المفيد ... <<< واخيرا

لا تحفظوا السؤال كامل نصا ولا الجواب كامل يعني بعد ما تفهم بترجمة بعض الكلمات عشان تفهم السؤال احفظ الكلمات المميزه وتربط بينها وتميز الاجابه عن باقي الخيارات تعتبر حفظت السؤال ولكن ليس نصاااا بكل سهوله وتحفظ الكلمات المهمه في الشبتر واكيد رح تكون واضحه يعني نسيج بكتريا حمض وخلايا ووووو... لانها تتكرر في كل سؤال رح تحفظها تلقائي مع الشرح لنفسك..


ابغى ارائكم وع فكرة كنت احيانا استخدمها دي الطريق في الثانوي

[khookh]

اهم شي دبوس وقماش ههههههههههههههههههههه
بس احس انو ما حيثبت الجواب في راسي يعني حنساة لو ما راجعت قبل الاختبار

[ذكرى الاحلام]

لا بالعكس اسأل مجرب وانا مجربه بس راجع هو كل لان كل واحد وطريقة حفظهعن نفسي انا اراجع بس والله منجد طريقه حلوه في ناس قولتلهم و استهانوا في الطريقه بس والله جربوها واعجبتهم

[2ttto]

حبيبي ذكرى الاحلام علمينا كمـــــــان عن جمل الربط يلي تستخدميها
عجبتني القماش والدبوس حقتك <<احب اللالعاب

اعتــــــــذر لصاحب /ه الموضوع مره معليش بس حاااابه استفيد من خبرت القمر يلي هنا..

اعتذر مره ثانيه وذكرى الاحلام قلبي افيدنا الله يساعدك حبيبي..

بالتوفيق للجميع..

[محمد عماد]

طريقة الربط بين السؤال والإجابة ( بشيء من واقع الحياة زي ماقالت الأخت الدبوس والنسيج ) طريقة جيدة .. لكنها معرضة للنسيان

انا طريقتي : كنت افهم ثم احفظ ... او على الأقل اترجم السؤال والإجابة

وبس

كمان انتو حذفو منكم بارت 3 ... يعني ايش اسهل من كدا


بالــتــوفـــيـــق

[No_0ne]

الله على ايام التيست بانك ...
كنت احفض اول شي و بعدين اراجع بالورق و الاختبار الحقيق الي يبين اني حافضا و لا لا افتح على الاب و احل بدون ما اشوف الجواب الصح + تأشير على الي اغلط فيهم عشان اركز فيها...
تبا نصيحت مجربااااااا ذاكر الصبح الي تخلصه ب 5 ساعات تخلصه بساعه في الصباح باذن الله ...
و بالتوفيق :)

[a040404]

المشاركة الأصلية كتبت بواسطة dr.passed ..ممكن اقولك الطريقة الأفضل في نظري..اشر بالألوان على الإجابة الصحيحة فقط وانت بتحفظ لاتطالع في غيرها..يعني عينك تجي على الصحيحة بس..عشان لمن تشوفها في الإختبار ما تتخربط...اصلا انت ماتعرف الا هيا لأنو عينك ماشافت الا هيا...فشي طبيعي انك محاتتردد وحتختارها..

نفس الطريقة وبسرعة تحفظ ولا تنساها باذن الله لان الجواب هو اللي مر عليك والباقي اول مره تشوفه

+

يكون عندك نسخة من التست لانك لو تبي تراجع ماتقدر لان الاجابات مظلله