خديجة ضباب ام امل دمنهوري في ادارة عمليات ورايكم بجدولي

[ملكه الدلع]

السلام عليكم



بنات بصراحة عندي استفسارين ؟؟

الأول
الكل مدحلي خديجة ضباب

ولما حضرت عندها اسلوبها في الشرح مستهتر شوي

وتخرج عن الشرح كتير وتعلق على البنات

واحنا جاييين نفهم لأنه مافي وقت

واكتر شي تشتتني مع تريقتها وتعليقها السخيف ده

تبآنآ نضحك مسلن ؟ !!

المشكلة شعبتي عندها فكرت احول عند أمل دمنهوري لأني حضرت عندها ومرره فهمت

بليز كل وحدة تقووولي كيف شرحهم واسلوبهم في التصحيح ؟

وهل الاسئلة موحدة بينهم ؟




التاني

ده جدولي

مالية شركات-سحر مهران
ثقافة اسلامية3-راوية جابر
مبادئ تسويق-نجاح سلامة
ادارة عمليات-خديجة ضباب << وبحول عند أمل دمنهوري

اش رايكم 4 مواد ؟ تمام ولا ازيد مادة ؟ واش تقترحو عليا ؟

اللللللللللللللله يعسد اللي ترد عليا لأني مررره محتارة

[ملكه الدلع]

للرفع

بليز ردو عليآآ

قبل مااروح الجامعة =((((

[عاشقة الندى]

:.. وعليكم السلآم ورحمة الله وبركاتهـ ..:


بالنسبة للآستاذة خديجه .. على قد تريقتها وانو نص المحاضرة تروح كدا ..

لكن أرتاح معاها واتوقع عشان كمان أسئلتها سهلة نقول ان شاء الله ..

عن نفسي لآ أبغ افهم ولا شي لآنو الماده اصلآ دش .. وخديجه محاضرتها خفيفة ماتطفشك ..

الحقيقة امل دمنهوري ماأعرفها فماقدر أحكم عليها ..


بالنسبة لجدولك أشوفو خفيف جدآ ..
اذا حابه كدا اوك ..

بس اذا تبغي تخلصي بسرعه أضيفي مادة كمان تكون سهلة ..

مالية .. يعني نص ونص لآصعب و لاسهل مرة ..
ثقافة .. اتوقع سهلة ويقولو أسهل من 1 و2 ..
تسويق .. ماخدتو بس بحسب اللي اعرفو انو ثقيل حبتين ..
ادارة عمليات .. الصراحه كتابو يجيب الآكتئاب .. لكن يعني كمادة برضو نص ونص ..




موفقه خيتو ..


::...::

[سارة 123 الدلوعة]

حبيبي خديجة ضباب احسن بكثير من امل دمنهوري

امل دمنهوري ياكثر ماترسب واسئلتها مرة صعبة على علمي

خديجة ضباب انا احضر عندها الحين صح تمزح بس ماطفش ومحاضرتها خفيفة

واسئلتها مرة سهلة لاني حضرت عندها في مادة ادارة اعمال مرة حلوة

والله يوفقك خيتو

[tweety_4ur]

طيب يابنات لو ابغى ادرس عند خديجه ضباب مالها ملخص او محاضرات ولو في الله يخليكم حطوها

[angham]

اذا تبغى تحولي من عند خديجه بليز اديني خبر بليز
انا ابغى الماده ذي والشعبه فل مو راضي احد يخرج اديني خبر عشان اروح معاكي وانتي تحذفي وانا اضيف

[علا الهندي]

نصيحتي لك لاتحذفي نفسك من عند خديجة ضباب لانة اسئلتها مرة سهلة والمسائل اللي تجيبها من نفس الكتاب واحيانا يكون نفس الارقام وبالتوفيق

[SaNdY RoSe]

امل دمنهوري صحبتي اخدت عندها اداره عامه ورسبتها
وبهدلللللللللللتها مرررررررررره لاتحولي عندها وبسراحه الكل يمدح خديجه ضباب
حتى انا كنت ضايفه تسويق عند جيهان بس عشان الشعبه الفاضيه عند خديجه ضباب تتعارض غير التسويق
بس عشان شعبة خديجه مررره لاتغيريها
وبنسبه لسحر انصحك تغيريها انا اخدت عندها ماليه السمستر الي راح وحملت
اغلب البنات الي اخدو عندها محملين ودحين رجعو اخدو الماده عند نسمه هدا رايي والي شفتو وانت براحتك
بنسبه لمبادئ تسويق نجاح مااعرفها بس انا اخدتها عند جيهان فكهاني ومررره تمام
ومن رايي تضيفي ماده 4 مره قليل عشان تخلصي على الخطه وبس..:)

[ملكه الدلع]

بنات الله يسعدكم مرره ريحتوني

واضفت مادة اختيارية ( مبادى علوم سياسية -خالدة ) ps101

سارت 5 مواد ووووووو 14 ساعة

بس ياريت تساعدوني في كتاب ادارة عمليات اللي خلصت منه لأني محتاجته !!

[*ثابتة على قيمي*]

بالنسبة لي ماجربت استاذه امل
بس جربت استاذه خديجه ذاكري تأشيرها وهي اخر محاضرة رح ترجع تعيد لكم المسائل
وافهمييييها كووويس تجيكم نفسها في الامتحان وتعطيك بونس على رسمه مره سهله
اخذت عندها a+ وبصراحه ماتعبت في المذاكره وخرجت من الاختبار مبسوطة لان اسئلتها وااضحه وحلوه


جدولك عني احسه قليل وموادك حلوه وكويس انك اضفتي مادة زيادة عشان تمشي على الخطة ولا يبقى لك قبل التخرج مواد كثير

وياليت عندي الكتاب بس للاسف اني كنت مستلفته من عند وحده
ان شاء الله تلاقي احد يساعدك

او حطي طلبك في موضوع تبادل الكتب ..

موفقييييييين