حسبــــــي الله ونعم الوكيـــــــــــل .....

[M!sS chocolate]

ماأدري كيف أبدأ كلامي أقول حسبي الله ونعم الوكيل وأجلس أدعي عاللي كان السبب
واللا أقول قدر الله وماشاء فعل ...

أقولكم القصه طبعا شوفت الكل يتكلم في المنتدى عن الدرجات واللي كانت راسبه وطلعت
ناجحه واللي واللي واللي والكثييييييييير اتكلم قولت بروح وكنت متردده خايفه انها تطلع أزفت
أول ماجيت للجامعه رحت لمبنى 40 ويدي على قلبي من الخوف وشيء ماكان على بالي انا ماخذه سي بلس اتفاجأت في الورقه مكتوب إف ودرجاتي مرره غير انا جبت في الدوري الأول
16ونص ومكتوب في الورقه 12 ونص والدوري الثاني انا جبت 17 ونص ولقيت مكتوب
في الورقه 10 والدوري الثالث 3 مكتوب في الورقه اش يعني بالله بالعقل حاله بس 6 أسأله صح
من خمسييييين سؤال طنشت الموضوع والبنات جلسوا يقولولي راجعي ورقتك اكيد في غلط
انا مستوايا في الإنجلش حلو والحمد لله مو مرره متوسط بس اني آخذ إف هذا شيء ماأصدقه
لقيت مكتوب في الورقه انو وقت المراجعه من 12 ل1 في غ 230 وانو اليوم آخر يوم
قولت بروح وأتوجه للغرفه بعد حوسه عالدرج ألاقيها مقفله لاومتعبين نفسهم حاطين ورقه
واكتبوا اساميكم وجوالاتكم ورقمكم الجامعي ومشكلتكم صرااااحه مررررره تعبوا نفسهم
اتحدا ان مارموها في الزباله تدروا ليش أكملكم وتعرفوا ليش كتبت في الورقه وأنا خارجه اشوف
متجمعين فيها البنات يسألوا عن درجاتهم والمدرسه مسكينه تقول ماأعرف بس انو اللي في الأوديس
هو الصح اللي تحت ماأعرف وجات تقولنا طب ليش ماتروحوا تسألوا قلنالها الغرفه مقفلينها
قالت لنا من 10 مافتحوها وراحت تدور لهم شويه ورجعت لنا وقالت انو هم في اجتماع وشويه
وراجعين استنينا دقايق وجووا ولمن شافونا اننا نطالع فيهم عرفوا اننا بنسأل عن الدرجات اتخيلوا
اش سووا عكسوا طريقهم ورجعوا للغرفه الأولى اللي كنا فيها ودخلوا وقالت وحده منهم قفلوا الباب وقفلوا الباب في وجهنا ....

اش رأيكم بس بهذا التصرف مو من حقنا اننا نسأل عن درجاتنا طيب مدامهم مابيراجعوا أوراقنا
ومالهم نفس طيب ليش حاطين اوراق اننا نجي نراجع واللا بس انو يعني يعني احنا مهتمين فيكم
آآآآآآآآآآآآآه والله ساعتها ماقدرت أول مرره في حياتي احس اني انذليت ذل خرجت على طول
شويه قولت خليني ارجع بشوف يمكن فتحوه وألقى بنات خارجين يقولوا لي إنهم مقفلين الباب وجالسين يضحكوا جوااااااا ...

رجعت البيت وبين أذان العصر والأقامه الدعوه مستجابه دعيت ربي من كثر القهر اللي فيني
انو زي ماقفلوا الباب في وجهنا ربي يقفل علي كل وحده كانت موجوده في الغرفه باب يكون خير ورزق لهم لانهم يوم من الأيام كانوا زينا يجروا ورا الدرجات ودحين لمن اتوظفوا خلاص
ماحد قدهم ...

عموما أنا أبغى ايميل الدكتور عبدالفتاح مشاط اللي عنده يعطيني هو
لأنــــــــــــــي مستحيـــــــــــــل أسكت عن الشيء دا ..

طيب أبغى أعرف هل حيغيروا الدرجات اللي في الأوديس لأنو في وحده من البنات تقولي انو
صحبتها لقيت انها ناقصه نص درجه في كل اختبار وقالت لها إنو مارح يتعدل شيء
درجتها مارح تتغير ...

[د-فوفه]

اهلين اختي كان الله في عونك
مانقول غير حسبنا الله ونعم الوكيل
تفضلي دا ايميل المشاط وإن شاء الله يقدر يفيدك
asmashat@kau.edu.sa

[بيو كيميائية ^_^]

تتغير الدرجة

لاتخافي

بس ياخذ وقت

معهد اللغة هذا أسوء مكان وأسوء ناس الله يعينكمـ

[د/ روميو]

لاحول ولاقوة إلا بالله


لا تخافي راح تتعدل ...اصلا المعتمد الموجود في الاودس ...(:

[M!sS chocolate]

المشاركة الأصلية كتبت بواسطة بيو كيميائية ^_^ تتغير الدرجة لاتخافي بس ياخذ وقت معهد اللغة هذا أسوء مكان وأسوء ناس الله يعينكمـ

أنا ماأبغاها تتغير درجتي اللي في الأوديس مو معقوله من سي بلس آخذ إف

[بيو كيميائية ^_^]

المشاركة الأصلية كتبت بواسطة m!ss chocolate أنا ماأبغاها تتغير درجتي اللي في الأوديس مو معقوله من سي بلس آخذ إف

ايش

لالالا

إن شاء الله ماتتغير

سوري قريت الموضوع غلط

[د-فوفه]

أنا ماأبغاها تتغير درجتي اللي في الأوديس مو معقوله من سي بلس آخذ إف

ياقلبي ريحي دماغك ولاتفكري اليوم قالو لنا كل وحده واللي طلع لها بالاوديس باستثناء اللي عندهم اف
يعني روقي وإن شاء الله مابتتغير ...

[M!sS chocolate]

^
^
^
آآآآه الله يسمع منــــك والله كل ماأتذكر الإنجلش أحس بإكتئاب خلاااص كرهوني
في الماده دي بعد ماكنت أحبها ...

[د-فوفه]

ياحياتي انتي ارتاحي وحاولي تهدأأأأي ومابيصير غير الخيرر إن شاء الله

خلي املكـ بربكـ كبير ..

واي شي تحتاجيه انا تحت امركـ.....

تحياتي..

[Man Of The Love]

حسبي الله ونعم الوكيل