جروب (إدارة أعمال دولية بالإنجليزية) << د. نائل مومني

[جوري المملكة]

السلام عليكم ورحمة اللة وبركاته

طبعاً الموضوع مبين من عنوانه الجروب عشان نساعد بعض

خصوصاً البنات اللي يعانون من مشكلة الصوت وأنا منهم

وياليت الأولاد كمان يفيدونا لأننا مابنسمع الدكتور تمام

وهو نبهنا كثير انو اختبارو راح يكون من شرحه مو من السلايدات

فاللي بيكتب معاه الأمثله وشرحه ياريت يكتبها لنا في الموضوع

ولا تنسوا ان امتحاننا معاه الاسبوع الجاي

.

موقع الدكتور
http://www.kau.edu.sa/CVen.aspx?Site_ID=0055520&Lng=AR

.

وشكراً لكل اللي راح يشارك

ويارب تعدي المادة دي على خير ...

[roOna]

وانا معاكي :(

الله يستر بس
مررررررره صوته مو واضح ونسمع كلمه وعشره لا

غير انه اخذ عننا فكره مو حلوه وكلو من المشرفه الله يهديها
من جد اللي معاه محاضراته ويكتب معاه زين

وينزلها هنا

يعطيه الف عافيه

الله يوفقنا يارب ونعدي منها على خير

[ريانه أمير]

المشاكل الي بنواجهها في هادي الماده
1- التواصل : يعني لو نبغى نشارك أو نسأل نحتاج نطلب من المشرفه تفتحلنا المايك و على بال ما تفتحو يكون الدكتور مشي في الشرح و نبطل نطلب منو يعيد عشان لا نقاطعو .
2- الصوت : الماده تحتاج مجهود و انتباه ، و مجهونا كلو بيضيع في محاولة اننا نسمع ايش بيقول ، و حتى لما صوتو بيكون تمام و مسموع و البنات ساكتين ، المايكات عند الدكتور حساسه مره فاي حركه من اي طالب ( كحه أو تقليب صفحه ) تروح علينا كم كلمه ، و صعبه نجلس كل شويه نقطع الدكتور و نقلو ما سمعنا ايش الكلمه فننضيع . و جاتنا ايام كنا نحاول نتبع حركه شفايف الدكتور و حركات يدو عشان نعرف ايش بيقول ، بس طلب الدكتور نشيل الصوره عشان الطلاب يشوفو الشرايح ، فضعنا تاني ، المفروض الطلاب خلاص يجيبو الشرايح يتبعو فيها و هما قدامهم الدكتور و سهل التواصل معاه بيكون ، احنا من حقنا كمان نشوف الدكتور و نسمع ايش بيقول .
3- الاختبار : على حسب ما سمعت انو اختباراتو جدا سهله ، و لكن ما اعرف ليش بيخوفنا و يقولنا انو الاختار جدا صعب و انو محا نعرف نحل عشان محا يجيب شي بطريقة مباشره من الشرايح و انو حيطلب مننا نشرح ، و قال هادا لو فهمتو السؤال أصلاً ، و قال كمان انو ما ينفع الكل يجيب a ، فدي طريقه سلبيه ازا كان بيحاول بس يخوفنا عشان نزاكر ، كدا بالعكس احبطنا انو حتى لو زاكرنا حيكون صعب و محا ننجح فمجهودنا في الماده حيضعف .
4- سوء تفاهم : الدكتور آخد فكره غلط عن البنات ، اننا مهملين و بس نغيب و ما بنجيب محاضراتنا ، بس والله بالعكس الكل بيحاول يفهم و بيركز عشان الماده مهمه و صعبه و تحتاج مجهود و فهم ، و بنتبع معاه ، بس المشكله هو مو شايفنا و المشرفه ما حاولت تساعدنا و توصلو فكرة صح عننا .

انا عن نفسي طالبة تخرج و مني مستعده اشيل الماده كمان ترم ، انا خلاص من جد ابغى اتخرج ، هادي سادس سنه ليا في الجامعه ، انا طالبه محوله من كليه تانيه و زادت عليا اترام و خللت في الجامعه ، فيارب يعدي الماده دي على خير

[واااو]

كل عام وانتم بخير
مشكلتنا مع هذي الماده ما اعرف كيف نحلها
فعلا مانسمع الامثله اللي يقولها واذا سمعت شي مااعرف تابع لاي نقطة والا اش ارتباط المثال بالكلام الموجود في السلايد
<<الفصل الاول ماكتبت مع الدكتور حاجه بس الفصل الثاني كتبت شويه <<لي عوده إن شاء الله وبكتب اللي عندي ..

سمعت من البنات ان الامتحان بيكون اول اسبوع بعد الحج يوم الثلاثاء <<ما اعرف اذا اكيد او لا؟؟
بليز اللي تعرف تقولي وياليت كمان اذا تعرفو الاختبار في الفصلين الاولى بس او كمان معانا الفصل الخامس

وشكراااا .....

[جوري المملكة]

ريانه

من جد كل كلامك في محله

....

واااو


الاختبار راح يتحدد مع الدكتور بعد الحج << هذا المفروض

حسب الاعلان اللي كان في الكلية

يعني مو معقولة يكون أول اسبوع لأن ماعندنا خبر

والبنات أكيد ماراح يسكتوا لو اتحدد الاختبار من دون مايوصلهم خبر

والله أعلم

....



وياريت أشوف تفاعل من ناحية الطلاب في الموضوع

لأننا بجد محتاجين تعاونهم معانا عشان نعدي المادة على خير

[جوري المملكة]

تم تحديد الاختبار مع الدكتور مبدئياً

يوم الثلاثاء 28/12

ثاني اسبوع بعد الاجازة

ولازم يتسلم المشوع خلال الاسبوعين هذي لأن بعدها راح يعملنا ختبار تحسين

عبارة عن ترجمة << يعني في الكلمات تبع المشروع

[lil_things_popping]

السلام عليكم ورحمه الله وبركاته
اللي عند الكلمات مع الترجمه حقت الاختبار بليزززززززز ارسلولي هيا علي الايميل حقي ابااذاكر وابا اتخرج ;(
دا ايميلي
يمنع وضع الايميلات في المشاركات

[lil_things_popping]

مافي احد رسل :❊

[جوري المملكة]

السلام عليكم ورحمة الله

أولاً ماراح أعلق على الدوري الأول لأنه صار له فترة

تعليقي راح يكون عن الدوري الثاني

كلمات وترجمتها << نأخذ لغة إنجليزية مو إدارة أعمال دولية

عالعموم مو موضوعنا أكلنا مقلب من الدكتور ومشي الحال

أعطانا مثال وقالنا الإختبار نفس المثال

وطلع شيء ثاني بالمرره

اللي أبغى أقوله إن الدكتور في الاختبار استخدم 99% من نموذج وحده من البنات

وكان تقريباً نفس ترجمتها

وأنا اخذت ترجمة البنت بعد ما أستاذنتها

لكن ماراح أنزلها هنا إلا لو شفت تعاون عشان نساعد بعض

خصوصاً إن الأخ lil_things_popping

بلغني إن الدكتور قال الامتحان الفاينل راح يكون بنفس الأسلوب

يعني لو تبغون الترجمة كل واحد يعمل شيء .. يكتب مثال .. يشرح محاضرة ..

أي شيء حتى لو كان سخيف بوجهة نظره ممكن يكون مهم لنا

لأني مو أنا لوحدي اللي أبغى أنجح وأظن كثير منكم خريجين

وبالنسبة للطلاب

إسألوا أي أحد من البنات وراح يقولكم إن الكلمات كلها تقريباً من ترجمة إحدى الطالبات

.
.
.

وبالتوفيق للجميع

[aziz-af]

يعطيكم العافيه طالبات الاخبار راح يكون معاني كلامات زي الدوري الثاني وشكرا