ابغى (علوم طبيه تطبيقيه )وماما تبغى (طب اسنان)وانتوا ايش رايكم؟؟؟

[رزان22]

مرحبا 0000000
كيفكم ان شاء الله طيبين <<<<<<اخلصي العالم مو فاضيه لك
المهم
انا ابغى اخذ رايكم كلكم انا نفسي ادخل علوم طبيه واحطها رغبه اولى
وماما تبغاني طب اسنان من صغري وتقولي شدددددددي حيلك عشان تدخلي طب اسنان
موضوع اني اشد حيلي انا منتهيه منه ان شاء الله
بس محتـــــــــــــــــاره احس كل زملائي بالتحضيري قرروا الا انا ومو عرفه ايش ا سوي
لاخاب من استشار
ولا ندم من استخار
استناكــــــــــــــــــــــــــــــــــــــــــــ ــــــــــــــم كلكم

[Nadood]

الله يكتبلك اللي فيه خير لكي ونصيحة ادخلي اللي انتي ودك فيه واقنعي امك فيه وان شاء الله يوفقك
تقبلي مروري

[The golden girl]

أدخلي اللي انتي تريديه عشان تقدري تبدعي فيه واذا مترررددة .... استخيري وشوفي اش اللي ارتحتي له..... الله يوفقك ويوفقنا...

[د. أسامة]

زي ما قالت لك أدخلي اللي أنتي تبغيه مو اللي ماما تبغاهـ

لإنك إذا دخلت الأسنان وأنت ما تبيغينه بالطبـع ما بتنجحي

لازم توضح لامك إنك إنتي اللي تتخذي قرار مستقبل ولا تخلي أي أحد يحدد لك مستقبلــك مهما كان أبوك أو أمك

و تري هذا الأمر ما فيه عقـوق ولا تخافين

أنت ما تعرفي قد إإيش معنى المستقبل كبيييييييييييييييييييييير ؟؟؟؟؟؟!!!!!

يعني بتكون مهنتك و مصدر رزقـك و بتبقـى ع هالـحال عشششششششـرات السنين

و كمان يا أختي لا تتسرعي في موضوووعـي اختيار التخصص < لا تسوي زيي

و لا تشيلي هم

قدامك سنـة كاملة فكري فيها و أسـآلي و شـوفي

و الله يوفقك

[صحوة إحساس]

حقا يا الله ما خاب من استخارك ..
غاليتي ..
استخيري الله فسييسر لكي ما فيه خيرا لكي في دينك ودنياك وعاقبة امرك
وهذا ما يتمنا الجميع
.
.
تحيتي

[رزان22]

شكرا لكم كلكم بصراحه مروراتكم تشرح الخاطر
حسسستوني اننا اسره وحده بالمنتدى
د0اسامه 0000صح المفروض مااستعجل باختيار التخصص بس كمان انا من زمااان نفسي بالعلوم الطبيه وطب الاسنان كمان حلو بس سبحان الله تحس انك مايل لشي اكثر من شي
الله يكتبلنا جميعا الي فيه الخير
بس باسئلك لو سمحت 000انت قلت لا تستعجلين زيي ليش ايش دخلت انت ؟؟؟؟

[د. أسامة]

المشاركة الأصلية كتبت بواسطة رزان22 شكرا لكم كلكم بصراحه مروراتكم تشرح الخاطر حسسستوني اننا اسره وحده بالمنتدى د0اسامه 0000صح المفروض مااستعجل باختيار التخصص بس كمان انا من زمااان نفسي بالعلوم الطبيه وطب الاسنان كمان حلو بس سبحان الله تحس انك مايل لشي اكثر من شي الله يكتبلنا جميعا الي فيه الخير بس باسئلك لو سمحت 000انت قلت لا تستعجلين زيي ليش ايش دخلت انت ؟؟؟؟

تري أنا طالب سنة تحضيري زي زيـك

بس اللهـم من يوم و أنا صغير كنت أبغـى تخصص معيــن

لكن هالـشهرين أختــل توووازني بشكــل فضيــع

لقيت ناس ثقــات منهم من يؤيد دخولي لهالتخصص و منهم من يرفض

فلذا أنا كلما أتذكر إن فيه سنة تحضيري أحمد الله عز و جل

لإن فيه فرصـة للتفكير و مراجعة الذات لمعرفـة ميولك

و أبي أٌقــول لك ع حاجة

لا تحــددي هذا التخصص و تقـولين ما بدخل غيرهـ مهما كان

ممكن مع الأيــام يطلـع لك شئء أفضــل و نفسك تبتعـد عنه علشان قرار خاطئ فرضوهـ على أنفسهـم

يعني عطـي نفسك شويـة أريحيـــة في اختيار التخصص

و شوفي المساكين في الجامعات الثانية

على طول يدخلون التخصص ؟ وكيف دخلوا تخصصهم ؟

( من كلام الناس ) مو من تجاربهـم في الجو الجامعي

فلذا عليكِ - يا راعاك الله - أن تستمري بالإستخارة و الإستشـارة إلى أن يفرج الله كربتك

و السـلآم ختام

[Wizzy]

الإستخاارهـ اول شيء تعمليهـ ان شااء الله .. وبعدها تسألي نفسك انتي مستعدهـ تدرسي ايش وتاخدي فكرهـ عن الكليات .. والعمل بعدين كيف يكون .. بصفهـ عامهـ طبعا لا تتعمقي عشان لا تتشتتي .. وربك كريم

[weddah]

عارفة يا رزان اصلا حيسوولكم برامج تعريف بالكليات مرررره كثير

وهذا اهم شي

انك تعرفي كل شي عن طب الاسنان وتخصصاته
وكل شي عن العلوم الطبية وتخصصاته

وادخلي اقسام المنتدى حق الكليات واتعرفي اكثر عليها

وكمان شوفي الخطه الدراسية حق كل قسم

وبعدها تستخيري

وان شاء الله ربي يوفقك للي فيه الخير

واي سؤال عن اي شي في الكليتين خووودي راحتك

[ميعاد]

المشاركة الأصلية كتبت بواسطة weddah عارفة يا رزان اصلا حيسوولكم برامج تعريف بالكليات مرررره كثير وهذا اهم شي انك تعرفي كل شي عن طب الاسنان وتخصصاته وكل شي عن العلوم الطبية وتخصصاته وادخلي اقسام المنتدى حق الكليات واتعرفي اكثر عليها وكمان شوفي الخطه الدراسية حق كل قسم وبعدها تستخيري وان شاء الله ربي يوفقك للي فيه الخير واي سؤال عن اي شي في الكليتين خووودي راحتك

ايوا صح ان شاءالله لما حنحضرها حنعرف اكثر ..

وكمان لاتنسي تستخييري وربي بيكتبلنا الخير ان شاءالله.. انا زيك مااارا محتااارا كل يوم اطلع بتخصص بس ربي ييسر.