اللي يعرف شي عن سكن الكليه (( فرع البنات ))

[طالبه حائره]

السلام عليكم جميعا
انا طالبه مستجده في الجامعه في فرع البنات وقالو لي ماقدر اسكن في سكن الجامعه
لازم اسكن في سكن الكليه وكل اسمع عن سكن الجامعه ولا سمعت شي عن سكن الكليه
فاللي مثلي بفرع البنات وبتسكن في سكن الكليه تفيدني بمعلوماتها لأني ماعرف شي عن السكن
ويوم رحت الكليه بسجل في السكن قالو لي انتهى التسجيل قالو اجي في بداية الدراسه واكيد بحصل سكن لأن السكن كبير
المهم انا من الشرقيه ومو عارفه اخذ اغراضي كلها ولا اول اتأكد من السكن ؟؟؟
وشنو اخذ وشنو اخلي ؟؟ الغرفه فيها ديباج فيها ثلاجه فيها مطبخ ولا ؟؟؟ اكلهم حلو ولا؟؟؟
في نت ولا ؟؟ واذا مافي اشلون اقد اشبك النت ؟؟ وبالنسبه للخروج اقدر اطلع بروحي ولا لازم ولي امري ؟ واذا كان ماعندي احد يطلعني اشلون اوفر الاغراض اللي ناقصتني ؟؟ يعني في حارس اقدر اقوله ؟لا
خايفه اخذ عدتي كلها ولا يكون في مكان لي
ساااااعدوني جزاكم الله خير

[غرام ~]

هلا وغلا فيكـ

مبرووكـ قبوولكـ بـالجـآمعه

* أختي في فرق بين سكن طالبات الجامعه وسكن طالبات فرع البنـآتـ
*حبيبتي تقدرين تقدمين على السكن من أول يووم في الجـآمعه 14/10 وهم يعطونك اورآقـ الإجرآأتـ ويعلموونكـ كـل شئ يخص السكن
*أختي في السكن متواجد كل شئ من حيث الإلكترونيـآتـ ( غساله ،ثلاجه ، ...)
وفي مطعم وأعتقد ان النظـآم من حيث الخدمـآتـ تقريبـآ مثل الفنـآدق

* أعتقد أختي راح يشبكوون لنـآ ويرلس وإذا مافي الله يعين
راح تجيبين كنكت

*بالنسبه للخرووج أكــيد مع ولي المـر أو موكلكـ إلا يوكله ولي امركـ لخرووجكـ

ويـآربـ تتوفقين

دعواتكـ لي باعشر الأوآخـر

غرآم

[طالبه حائره]

الله يبارك في حياتك حبيبتي
مشكوووووره ع المعلومات
بس عندي سؤال يفشل اشوي يمكن لأن مصطلحاتكم غير عن مصطلحات الشرقيه خخخخخخخ تبرر نفسها
شنو هذا الكنكت ؟؟ وفين احصله؟؟

[Zahry]

المشاركة الأصلية كتبت بواسطة طالبه حائره الله يبارك في حياتك حبيبتي مشكوووووره ع المعلومات بس عندي سؤال يفشل اشوي يمكن لأن مصطلحاتكم غير عن مصطلحات الشرقيه خخخخخخخ تبرر نفسها شنو هذا الكنكت ؟؟ وفين احصله؟؟

هااايوو ..

هلاا ( طالبه حائرة ) انا من الشرقيه اكيد انتي من الشرقيه؟؟ عشان نقدر نتواصل ونصير مع بعض ... وبس

[طالبه حائره]

المشاركة الأصلية كتبت بواسطة zahry هااايوو .. هلاا ( طالبه حائرة ) انا من الشرقيه اكيد انتي من الشرقيه؟؟ عشان نقدر نتواصل ونصير مع بعض ... وبس

ايه انا من الشرقيه وحساويه بعد وانتي ؟؟؟
هلا فيك ان شاء الله نتلاقى في الجامعه لا تخافي في في بنات واجد من الشرقيه معنا ان قبل كنت افكر بس انا وبنت عمي اللي من الشرقيه طلعت نص بنات الجامعه شرقاويات خخخخخ

[Zahry]

المشاركة الأصلية كتبت بواسطة طالبه حائره ايه انا من الشرقيه وحساويه بعد وانتي ؟؟؟ هلا فيك ان شاء الله نتلاقى في الجامعه لا تخافي في في بنات واجد من الشرقيه معنا ان قبل كنت افكر بس انا وبنت عمي اللي من الشرقيه طلعت نص بنات الجامعه شرقاويات خخخخخ

انا من القطيف

إن شاء الله نتلاقى بس مدري كيف بعرفك؟؟

[*طالبة العلم*]

الكونكت usb تدخلين فيه الشريحه وتشبكينه في الابتوب

موفقه :)

[طالبه حائره]

مشكووره طالبة العلم على المرووور
طيب بتعبكم بطلباتي بس ابي اعرف شنو الممنوع وشنو المسموح في السكن سمعت ان في شروط والابتوب اللي فيه كاميرا ممنوع في السكن ؟؟؟ صح ذا الكلام ولا لا ؟؟؟ وشنو الاوراق اللي يطلبوها سكن الكليه عشان اخذ اغراضي كلها مره وحده تعرفو الشرقيه بعيييده ماقدر اروح وارجع عشان اشويت اغراض

[gooory]

صح كلامك ممنوع الابتوب الي فيه كاميرا والجولات ايضاً
وسمعت إيضاً من بعض البنات انو لبس الجينز والكت المكشوف على الأخر ممنوعه
يعني اذا بتشتري لكِ حق السكن ثياب اشتري لكِ كل بيجامات
والأوارق مدري وشي
هدا الي عندي ان شاء الله البنات يساعدوكِ
بالتوفيق

[*طالبة العلم*]

هلا اختي

الابتوب بالكاميرا عادي

والملابس البنطلون ممنوع والقصير ممنوع والبجايم عادي :)

مووفقه