كيف اذاكر الرايتينق لفل 4

[لميس نجد]

بنات مني عارفة كيف اذاكر الرايتينق لاختبار لفل 4
مو فاهمه شي التيشتر حقتي ما فهمت منها وما صحتت اخطائي حتى لمن كتبت معها الفيرست والسكند دراف
الي عارفة كيف المواضيع تجي في الاختبار بليييز يقولي

[Bshbosh]

في نماذج في الرايتنق باك وبعدها كمان عنواين قالت راح يجي مو نفسها بس تجي شبيه لها

[Basma algHamdi]

عع حسب اللي سمعتو يكون عن وظيفتك المستقبلية أو هوايتك المفضلة أو إجازهه
المهم أنتي تحاولي تحفظي vocabulary كثير ععشان يفيدك بـ writing
و كمان لآ تنسي تكتبي 150 كلمة و 4 أو 5 paragraphs
2 أو 3 introductions و تكون جملك cohesive
و بالتوفيق يارب لنا أجمعين ()"

[AoDi]

بالنسبة للكتابة

الشغلة سهلة

اول شئ استخدمي كلمات بسيطة و تعرفي معناها و الكتابة تبعتها.. مو شرط كلمات من المنهج المهم تكون لها علاقة بالموضوع..

ثاني شئ الجمل لا تستخدمي قرامر معقد ..اذا طلبو قصة استخدمي الماضي..اذا كان عن تخصصك او وظيفتك المستقبلية استخدمي المستقبل...اذا كان عن الاجهزة الذكية او رأيك عن شئ استخدمي المضارع

شكلي لو تعرفي بس لا تدخلي في متاهات..

تنظيم البراقراف سهل

1..المقدمة تكون قصير حوالي اربع او خمس جمل.. عرفي باللي راح تقولي ..غالبا تستخدمي مضارع لأول جملة..

2.. النص .. وتقدري تكتبيه على جزئين او جزء ماراح تفرق..استخدمي الزمن المناسب هنا زي ماشرحت فوق

3..الخاتمة..تقريبا نفس المقدمة بس استخدمي كلمات تانية و لو تكون أخر جملة تصف شعورك او رأيك يكون احسن..

و حاولي توصلي لـ150 كلمة على الاقل..قللي الأخطاء الاملائية.. و اكتبي العنوان.

و بالتوفيق

[iK6]

بأعطيك معلومات بسيطه راح تخليك تتفادي أنه تروح عليك درجات من أجل أسباب بسيطة،
المصححين يختلفون، فيهم اللي يستخدم الطريقة البريطانية وفيهم اللي يستخدم الأمريكية، ولذا الأفضل تكتبي بالبريطانية لأن الأثنين يقبلوها، لكن لو كتبتي بالإمريكية والمصحح يتعامل بالطريقة البريطانية فهنا راح يعطيك خطأ وتروح عليك درجات على أشياء تافهه!

* أول سطر من البراقرف يكون فيه فراغ واضح بمسافة كلمتين على الأقل.
* إستخدام الفاصلة في التعداد " Ahmed, Khalid, Yezeed, Fahad and Waleed " - لاحظي فواصل بينها، وفي آخر شيء أضع بدل الفاصلة واو .
*السطور يا تكون 3-3-3-3-2 أو 3-4-4-3 أو 3-5-5-2 أو 2-5-4-3-2

وعشان تسهلي على نفسك لا تخلي الجمل طويلة جداً وتلخبطي نفسك، وحاولي تفصليها بفواصل، وتعرفي متى تسخدمي النقطة والفاصلة وغيرها.
أستصعب الأمر عليك جربي تكتبي عربي ثم تحوليها للإنجليزي أنا طبقت هذه الطريقة وأستفدت، ليش؟ لأن مفرداتي بالعربي كثيرة فأقدر أعبر بشكل جيد، ولما أجي أحولها للإنجليزي راح تكون مهمة سهلة.
المواضيع بالعادة تكون من نفس البرقرافات اللي في الكتاب وما راح تخرج عنها

[SoJustMe]

اممممم أفضل حل لك انك تعيشي وتدخلي جو التعبير بداك الوقت انسي اللي حولك وانسي انه اختبار .. فكري ايش تبغي تقولي كانك تكلمي نفسك حاولي تكتبي اللي انت تفكري فيه وحاسة فيه بالانقلش كانك تتفرجي فيلم كانك تسمعي صوت يتكلم وهو يكتب .. ادا صعبت كلمي نفسك بالعربي وحطي جملة بالانقلش بنفس المعنى مو حرفيا يعني جملة تدل ان هدا المعنى اللي تبيه كمان اكتبي افكارك اولا والكلمات اللي خطرت على بالك لا تأجليها عشان لا تنسيها وبعدين حاولي تصحيحيها وترتبيها واي فعل جا في بالك اكتبيه وحاولي تحطيه بجملة متناسقة حتى لو تخترعي وتكذبي ههههه