توضيح لطالبات علم نفس تجريبي

[شمعة لاتنطفيء]

السلام عليكم ورحمة الله وبركاتو
انا قرات في المنتدى موضوع وحبيت اوضحلك شي فية
بخصوص علم النفس التجريبي
يابنات لاتعتمدو على الاوراق لانها مختصرة
انتو ذاكرو الكتاب مزبزط وبعدين اذا حابين ترتبو افكاركم راجعو الاوراق
حتى الجداول الي كتبوها البنات مجرد تلخيص وتريب افكار زي ماقلتلكم
وكمان ابغى اتكلم على البنات الي يقولو محدوف
ترى مافي شي محدوف بس الاستاذة اشرتلنا على الي نحفظو
لاكن الباقي فهم ضروري
وعندي معلومة مهمة
والله يابنات انا ماقدرت احفظ الا لمن قرات الي مو مأشر علية لاني انا دحين بذاكر المادة
ولا تنسوى انو الاختبار مو الاستاذة الي حتحطها لوحدها حتكون معاها دكتورة المادة طبعا والدكتور اصلا ولا حتشوف الاوراق فالاتضيعو وقتكم في الاوراق يعني الي بتذاكر من الاوراق هيا حرة لاتخرج من الاختبار وتقول ماحليت والله يابنات ابغاكم كلكم تجيبو ممتاز مرتفع يارب
وانا كمان كلمت الاستاذة قالتلي نفس الكلام
والكلام مؤثوق لاني رحت للاستاذة وسالتها وقالتلي نفس الكلام واي سوال يابنات انا تحت امركم اسالو وانا بروح للاستاذة بنفسي واسالها
الله يوفقكم وينجحكم كلكم باعلى الدرجات يااااارب

[عطر مكة]

السلام عليكم و رحمة الله وبركاته
كيف الحال ..................
اولا شكرا على توضيح الفكرة لان بعض البنات فهم الموضوع غلط وان اسئلة الامتحان فقط من المراجعة والمراجعة والعرض اثناء المحاضرةغطت 80%من المنهج و20% الاخرى يعتمد علينا في قراءة وفهم المادة
وربي يوفق البنات ................واتمنى لكم النجاح
مني لكم اجمل تحية

[مقترحينو]

السلام عليكم

مررة شكرا يا حلوين بس أبغى اسأل كيف طريقة الأسئلة وانتو مع أ.إيمان الطباع؟

[بنت قحطان]

انا كمان معك الاستاذه قالتلي دا الكلام ..
وانا اقولهم ذاكروووووو التاشير حق الكتاب اللي عرضته أنا وأختي أم أنس لأنه كله من العررررض
وياعزيزتي احنا اذا قلنا مومعانا ومحذوف احنا عارفين انه الأستاذه ماقالت شي من هذا القبيل
بس معناته انه ماكان بالعرض فهمتي .. يعني لااحد يحذف من راسه يابنااااات احنا برينا ذمتنا وقلنا لكم لاتحذفوا شي من راسكم
بس الاستاذه وضحت انه المراجعه كانت تغطي 80% بس المحاضرات هيه اللي تغطي المنهج كامل ..

[a7laa somah]

تكفين ياختي بنت قحطان ساعديني لاني ما حضرت الدورة حتى الاستاده مو عارفة اسمها والله حايسة حوسة في دي المادة الله لايوريك تكفين ساعديني بالي تقدري عليه
حبيبتي استادتك سورية ولا لا لاني انا رحت بس مرة وحدة وشفت حقتي سورية إن شاء الله تكون استادتك نفس استادتي
عشان تساعديني والله راح ادعيلك كل يوم بصلاتي
ولك جزيل الشكر

[شمعة لاتنطفيء]

هيا طريقة الاسئلة زي كل اسئلة وعددي يعني مافي اشرحي وانا كمان
بروحلها اتاكد منها مزبزط بس ماقالت انها حتجيب اشرحي

[أم أنس]

بالنسبة لسؤال A7laa somah
استاذة سورية, و هي نفسها اللي تعطي كل الشعب الثلاثة
و إذا عندك أي سؤال, ممكن تسأليها في الساعات المكتبية, كل سبت و ثلاثاء, من 2-3, و كل أحد من 1-3
طول الفترة اللي جاية
لكن أيام الإختبارات , مثل ما متعودين, بس تيجي يوم الإختبار,,,,, ما في ساعات مكتبية,,,, يعني لازم كل أسئلتكم و طبعا المذاكرة قبل ما تبدأ فترة الإختبارات اللي هي بـ 20/6
و اللي ما تقدر تروح الجامعة ممكن تراسلها على الإيميل حقها, أعطتنا هو علشان اللي بعيدة أو ظروفها ما تسمح لها تيجي الجامعة,,,, لكن طبعا إذا عندك أسئلة عن أشياء محتاجة مين يفهمك هي, الساعات المكتبية أفضل, بس برضوا ممكن تلاقوا حل, أهم شئ يا حلوين تفهموا المادة

تحياتي

[عطر مكة]

السلام عليكم و رحمة الله وبركاته
كيف الحال ............اشكر البنات على التوضيح
بس عندي استفسار هي الاستاذة سوف تضع الاسئلة؟
موفقات

[رناد100]

شكرا لكل ... من كتبت الله يجزاكم ألف خييير... ويعطيكم الدرجات العلا دنيا واخره..........

[بنت قحطان]

اكيييييييييد انها هيه راح تحط الاسئله مومعقوله يحطها احد غيرها هيه استاذتنا الا اذا كان فيه شعبه غير والله ماعرف بس اذا تبون ارسلوا للاستاذه ع الايميل واسالوها..