ابغى احد يساعدني في ترتيب الجدول اذا ممكن

[WaHaM]

السلام عليكم ورحمة الله وبركاته

كل عام وانتم بخير

اولاً بمناسبة عيد الفطر وثانيا بمناسبة بداية العام الدراسي الجديد

في بداية كل سمستر يبدا الاستعداد في ترتيب الجدول واختيار المواد وهالسمستر انا مرررره حايسة

وماني عارفة ايش الموارد اللي اختارها لانه والحمدلله حامل وحتكون ولادتي ان شاءالله قبل الاختبارات بكم اسبوع وكمان ان شاءالله حتكون لي اخر سنه لي واتخرج وتخصصي ادارة اعمال دولية وباقي لي تقريبا 9 مواد وابغى ارفع معدلي فاتمنى احصل احد يساعدني في اختيار المواد من ناحية الاسهل والأفضل في استاذات المواد وراح اكتب لكم المواد المتبقية ليه وياليت احصل استجابة منكم

نظم معلومات - إدارة استرتيجية - نوع اجتماعي - بحث وتدريب - اتفاقيات منظمة التجارة العالمية - إدارة استراتيجية البيئة العالمية - مادتين حرة - مادة اختيارية

اتمنى احصل استجابه وماراح انساااه من دعائي

[دمعة وجع]

الله يسهل عليك وتولدي وتقومي بالسلامه
ماعندي خبره في تخصصك بس حبيت ادعيلك والرفع موضوعك

[اجمل انسانه 23]

الله يسهل لك وتولدي بالسلااااامه
كان ودي اساااااااعدك بس مو نفس تخصصي
ان شاء الله يسعدوكي البنات

[WaHaM]

يسلموو حبايبي كفاية دعوتكم الحلوه

وان شاءالله احصل احد يساعدني

[شموخ كبريآئي]

وعليكم آلسلآم ورحمة آلله وبركآته ~..

وإنتي بخير يــآررب :)

آلله يسهلهـآ عليكـِ يـآرب وتولدي بآلسلآمة ..

في موآد متشآبهمة مع موآدي وهيـآ إلي حقدر آفيدكـ فيهـآ ..

نظم معلومآت ~> آخدتهـآ مع دكتور نـآصر وللآسف مآعآد يدرسهـآ وآلمآدهـ تعتبر دسمة نوعـآ مـآ ..

إدآرهـ إسترآتجية ~> آخدتهآ مع دكتورهـ سآمية مقبول آغلب آلطآلبآت مآيآخدو معـآهـآ لآن آلمآدهـ جدآ دسمة وتجيب آسئلة مقآلية ، إن في دكتورهـ غيرهـآ يعطي آلمآدهـ يكون آفضل ..

نوع إجتمآعي ~> من آسهل آلموآد إلي حتمر عليكـِ آخدتهـآ مع دكتورهـ ريم مشآط وآلمزآكرهـ من سلآيدآت ومررهـ قليلة ..

آلبـآقي مآعندي علم فيه ، وحنقل موضوعكـ للقسم آلآنسب عشآن يفيدوكـِ آلطآلبآت ببـآقي آلموآد ..

موفقة ..

[WaHaM]

يسلمووو شموخ

الله يعطيك العافيه

[@^@]

اول شي الله يقومك بالسلامه يارب


نظم معلومات اداريه تعطيها اقبال الصالح اذا انتي دارسه حاسب او عندك خلفيه حتلاقي الماده سهله شوفي انا حاطه اسئلة الدكتوره في الموضوع المثبت الماده حلوووه بس طويله يكفي تاخذي الكتاب وتتابعي فقط اللي تعطيكي هوا في السنترا يعني تخططي معاها غير كذا لا تقري ابد واسئلتها وااااااضحه جدا ولا عندها لف او دوران



اما ادارة استراتيجيه الله يعينك مافيه غيرها ساميه مقبول حتعطيها وكذا كذا انتي لازم تاخذيها لانها متطلب لاداره استراتيجيه بيئه عالميه فخذيها وارتاااحي ونصيحه من اخت اقراي الماده من اي ملخص واضح ولا تدخلي محاضراتها ابد لا سنترا ولا غيره نصييييحه لانها راح تشتتك وتضيعك واسئلتها هي هي ما تغيرها ونفس الاخطاء تبع السنوات الماضيه تخليها مثل ماهي جميع الاسئله اختيار من متعدد وصح وخطاء مافيه مقااالي ابد عشان كذا ذاكري من اي ملزمه حتى اللي يقولك لازم كتاب لا تسمعي اهم شي تفهمي الماده لانه اسئلتها تحتاج انك تعرفيها بالمنطق مش بالحفظ وتكرر الاسئله ممكن تحط سؤال تعيده 3 مرات في نفس الورقه عااادي هي انسانه مضيعه فخذيها وارتااااحي



نوع اجتماااعي تاااااافه جدا ملزمه اقرائها على حسب استاذتك ومررررررره سهله الماده وخفيفه

نفسي تاخذي اتفاقيات منظمه بس دسمه المااااااااده كثيييييييير فحاولي تسيبيها وخففي من الحر والاختياري

هذي خليها في التجمع اللي فاتحته نتناقش عن افضل المواد عشان نسجل والله يسهل علينا يارب

[WaHaM]

الله يسعدك خففتي عني وريحتيني
من ناحية الحاسب الحمدلله عندي فيه خبرررره

وان شاء اكون معكم في التجمع

[WaLeEd Al RiYaDh]

وعليكم السلام ورحمة الله وبركاته

وانتي بالف خير وصحة وسلامة وعافية
والله يقومك بالسلامة ان شاء الله
ما اعرف شئ عن الدكاترة شطر الطالبات لكن ممكن افيدك بالمواد بس قد يكون فيه اختلاف بيننا
نظم معلومات نظري ومثل ماذكرو تتعلق بالحاسب الكثر
إدارة استرتيجية نظري ومادة دسمة
نوع اجتماعي نظري وتتكلم عنكم اكثر شئ عن المراة اقصد
بحث وتدريب ما ادري هل عندك المقدرة في عمل البحث بوضعك الحالي
اتفاقيات منظمة التجارة العالمية نظري عبارة عن اتقافيات تحتاج لوقت في المذاكرة
إدارة استراتيجية البيئة العالمية نفس ما سبق
مادتين حرة - مادة اختيارية

الافضل توزيع الجدول
إدارة استراتيجية
نوع اجتماعي
اتفاقيات
مادة حرة
والباقي في ترم التخرج

بالتوفيق

[m!ss dana]

خذي نظم معلومات
واستراتيجيه
ونوع اجتماعي
وماده حره واختياري
موسسات معلومات وصحه نفسيه يمدحووها


كذا افضل بالنسبه لوضعك والله يسهلك ان شاءالله