ايش اللي بيصيرا تعالو وشوفو؟؟!!

[قلب طفله]

سلاموووووو
كيفوووو ان شاءالله تكون بخير
احم
راح ابداء
احم
بصراحه ومن الاخر وع بلطه
انا عندي كلام كاتمتوووو من اووووول
وراح اطلع كل شي مارح ابقي ولا فتوته خلاص من اوول ساكته
اولا:ايش دا ايش اللي بيصر
وربي حرام عليكم ايش دي الكتب وربي هدي يدرسونها المستويات اللي اعلى منا ولا كمان جزء فقط واحنا اللي تونا سنه تحضيري نأخذ الكتااااااااااااااااب كامل وربي ظلم
ثانيا:الاختبارات ايش دا كلووو مخروط في اسبوع واحد ليييييييه
مين بيجري ورنااا
مافيها شي لو قسمنها بسبوعين
واخدنا محاضرات
ولا ننكرف بسبوع
ولاكمان الاختبار يوم الخميس!! خير ياهووووو وين احنا عايشين
وربي ماني عارفه ايش اقول ولا دا الخميس يوم اختبار الانجلش ..!!
ايش دا ماحطو وين ولا اي قاعه وربي ماخلين كلاس مادخلتوو حرااام عليكم
مخلين الدنيا ساايبببه
المفروض تنزلوا في الموقع القاعه !!مو نروح ندورفي كل مكان ونكتب
ولاكمان الوقت ايش دا ساعه ونص ايش الحق اكتب اسمي ولا لقبي!!!!
ترا ع فكره انا مو بنت نيوتن!!
لاوكمان ايش شوفو كم من المنهج داخل معنا مرره كتير ايش يمدين اذاكر ولا ايش
ثالثا:الاستاذات وربي عندنا استاذه ايش دا بتعاملنا مدري كيف ع كل شي هذا من عندي زياده ذلتينا ياشيخه( بروح اشتكي عليهاا لووول
رابعا:تخيلو وحده من الاستاذات تبغى تقدم محاضرتهاا اوك من 11 الى12:30 وهيا اصلا تبدا من 12:30 الى 2
اوك
طيب انا عندي بعد دي المحاضره ع الساعه 3
والوقت الباقي ايش اسوووي؟
كلمان الاستاذه حقت الساعه 3 انو نقدمها ع الساعه 1 قالت كلمو الشؤون انا مالي دخل

لانو قبل رحنا وقالو انتو وافقتو ع الوقت الرئيسي
ولو رحنا الشؤون مارا يوفقو ايش نسوي
ياناس وربي حرام عليكم اللي بتسوا فينا
وربي يوم القيامه ماراح اسامح اللي حط دي القرارت الباااااااااااااااايخه

[ahmed_al0lyan]

لا حول ولا قوة الا بالله

والحمد لله على كل حال

قلب طفله خلاص ما بقي على دي السنه شي كمليها بحلوها ومرها وبعد كدا تفتكي من السنه المجنونه دي

وبعدين انتي لين دحين ما عرفتي ليش هما كل مالهم يعقدوها ؟؟؟

عشان عددنا كتير ويبغونا نتحطم زي كدا ونسيب الجامعه فلازم نوقفلهم بحلقهم لين اخر دقيقه *_^

[نيما]

معليييييييييش يا عسل هو ترم ان شاء الله ويعدي على خير

[صعب المناآآل]

معليش نحن في جامعه الملك عبدالعزيز

[نيما]

من جد

[[اسيرة الصمت]]

لا حول ولا قوة الا بالله

الله يصبرنا عليهم وعلى قراراتهم

وكل شي بأجره ...

[أحلى أروما]

حبيبتي قلب طفلة

خلي دي السنة تعدي على خير


وربي ياما بكيت يجي شهر كامل وجاتني عقدة من شي إسمه جامعه ودراسة


وسرت حتى إنسانة بدون طموح
بس ربي رجع لي عقلي الحمدلله

وشوفينا مااستفدنا من شكاوينا الترم الأول دحين على نهاية السنة مارح يفيد الكلام

استهدي بالله ولا تلعبي بعقلك أكثر

ربنا يوفقك والجميع ياقلبي

[wasn ali]

يااقلبي استهدي بالله

انا زيك متحطمه اخر شيء

بس ارجع اقول انا في معتقل عزوز واتوقع اي حاجا فخليك بالليزيز

وزي ماقالو ننشب بحلقهم لاخر دقيقه ؛؛

[Karella]

من جد اصلا الوقت يمر بسرعه وحتلاقي نفسك خلصت من السنه التحضيريه بس يطلع شئ جديد هههههههههههههههههههه

[υикиσωи]

يا حيااااتي ..انااا معاكي في كل شي قلتي والله ...وبنعاني اللي تعانيه واكتر ....بسس احنااا ما في يدنا شي ..
خلاص انتي فضفضتي دحين ...!؟
أوكـ ...حلووو عشان نفسيتك ترتاح
خلاااص بعد ما خرجتي كل شي ... دحين انسي كل شي .... عشاننا ما حنستفيد من التسخط دا .. احنا المتضررين
غير كداااا احناا اللي علينا اناا نزاكر وننجح ونجيب معدل ..
يعني الكتب دي ورانا ورانا ...ما حيشيلوها ولا حيسمعولنا...

اتوكلي ع ربك ...وقووولي ربي خليك معايااا دائما ..وسهل عليا واشرح صدري ...
وان شالله الله معاكي وحيخفف عنك ... ويسهل عليكي كل يد الكتب ...


ربي يوفقك ..:)