احتاج احد يشرحلي :(

[طقوس ..~]

السلام عليكم


ان شاء الله تكونو باحسن حال


انا عندي سؤال واتمنى القى جواب


هالحين يومنى اختار التخصصات


ومثلا انا ابغى صيدله والصيدله طالبه شروط وواحد من شروطها موب فيني

وحطيتها خيار اول >>لعل وعسى

وحطيت العلوم التطبيقيه خيار تاني وانا كمان مراااا ابغاه


وفى بنات يكفو لعدد الاكتفاء حطو العلوم التطبقيه خيار اول
اوك


مثلا جو يطالعو للصيدله كخيار اول ومثلا لا قدر الله ماقبلوني


وجو للخيار التاني !!

وهما قدهم قبلو عدد للاكتفاء


اش رح يسوو؟؟

هل رح يتغاضو عن الرغبه التانيه ويشوفو غيرها


/

يعني مدس كيف افهمكم بس ياليت تكونو فهمتو


لانى محتاره احط الشئ اللى اتمناه رغبه اولى
واللى ابغاه وشروطه ان شاء الله تستوفيني رغبه تانيه


والا احط الـ اضمن رغبه اولى واتغاضى عن اللى اتمناه



/

ترى سألت كثير ومااحد يعرف

والله مو حق تعب الشرح وضرب الامثله هع

[ROoOFaNA]

والله ياخوخا نفس الشئ صاير معايا
ونفسي اعرف

[تخصص 13]

نفس المعاناه
وياليت احد يعطينا جواب

[The~Dark~Side]

السؤال ذا المفروض تسأليه مدير الجامعة
ولا عميد القبول والتسجيل !!!!!!!!!!!!!!

[طقوس ..~]

شكرا

وننتظر

[Rosha]

وجو للخيار التاني !! وهما قدهم قبلو عدد للاكتفاء اش رح يسوو؟؟ هل رح يتغاضو عن الرغبه التانيه ويشوفو غيرها

اكيد قلبو حيشوفو اللي بعدها عشان كدا انتي رتبيها على حسب ماتبغي

والا احط الـ اضمن رغبه اولى واتغاضى عن اللى اتمناه

انا عن نفسي الشي اللي اتمناه حطيتو اول شي
حتى انتي المفروض كدا تسوي ولو مااستوفت فيكي الشروط
لانو هما حيمشو بالترتيب كدا ولا كدا

وترا رح ياخدو احسن المعدلات يعني ازا وحدة حطت رغبتها الاولى صيدلة والتانية حطت رغبتها مثلا التالته صيدلة وهي معدلها اعلى حيختاروها

يعني ماحيقرق في النهاية ازا اخترتي الاضمن ولا لا رح يمشو على حسب المعدلات
فرتبي رغباتك على حسب اللي تتمنيه

اتمنى تكوني فهمتي قصدي لانو انا برضو معرف افهم
<< عشان كدا فهمت عليكي

[Tomy]

النظام يختار أول خيار يتطابق فيه شروط الكلية
- - - - -
مثلاً
معدلي لاسمح الله ضعيف
كانت خياراتي
1- طب
2-هندسة
3- حاسب
4-----
صادف إن معدلي لايحقق إلا الرغبة الرابعه
فيستم التغاظي عن الخيارات الثلاثه
الأولـــــــــى
- - - -
بالنسبة لي أخترت الهندسة كرغبة أولى
ثم أخترت أفضل الكليات تنازلياً
- - -
نصيحتي لك أختاري الكلية إلى تطمحي لها
مهما كان معدلك ثم رتبي تنازلياً
الأفضل فالأفضل
- - -
بالتوفيق للجميع
Tomy

[طقوس ..~]

يعني اضمن انوه ماتقل فرصه قبولى فى الشئ اللى احطه رغبه تانيه

[Rosha]

لا عادي كل شي حيمشي على حسب المعدل واعداد البنات اللي يبغوها في كل قسم
يعني في النهاية اللي حينقبلو في التخصصات رح يكونو احسن المعدلات الموجودة في الجامعة

[slashik]

فهمتك...فهمتك

طبعا رغبتك الأولى صيدلة..إن شاء الله يقبلوكي..

وإذا حدث العكس لا سمح الله..وماقبلوكي
رح يروحوا للرغبة الثانية إللي هي علوم تطبيقية..

في هذه الحالة..الكامبيوتر رح يستعرض جميع إللي أختارو علوم تطبيقية..
ويجري بينهم مفاضلة..ومن خلال المفاضلة رح يتم قبولك..

مافرقت..سواء حطيتيها الرغبة الأولى أو الثانية..

لأنه في النهاية لو ماقبلوكي في الصيدلة..رح يحطو عليها دليت..وبالتالي تصير
العلوم التطبيقية هي الرغبة الأولى..وهكذا بقية الرغبات..

بس جميع هذه الأمور..تتم أتواتيكيا من خلال جهاز الحاسوب..

أتمنى إني أكون أفدتك ..ولوقليلا