رأيكم بمواد المستوى الخامس

[Frish flower]

السلام عليكم ورحمة الله وبركاته ..

إذا ممكن حابة أعرف طبيعة مواد المستوى الخامس

التسويق - النظم - التمويل -إعداد التقارير

1-من ناحية المواد هل تعتمد على الفهم زي المحاسبة ولا حفظ زي الإدارة.
2-الاعتماد على المذاكرة هل من الكتاب او السلايدات والتست بانك لانو في الدوريات كانوا يقولو انه الادارة ذاكروها من الكتاب وكانوا يجيبوا اسئلة التست بانك بالضبط ماعدا النهائي جا من برا التست .
3- صعوبة المواد زي اي مادة تقريبا درسناها في مستويات سابقة .
4- هل اقدر أضيف مواد من الترم السادس .
5-بالنسبة لاعداد التقارير رح يكون في تعبير كثير ومن افضل استاذة الي تراعي في تصحيحها للتعبير .
5-نصائحكم واي معلومة تكون مفيدة .

وشكراا . وجزاكم الله كل خير يآآآآآآرب .

[khaled.91.11]

التسويق
حفظ واختبارها غالبا من التست بانك بس لازم تذاكري السلايدات عشان تجيبي الفل مارك

النظم
حفظ المادة غلسة وثقيلة ومرة ما حبيتها اختباراتها على حسب إذا جات من قسم البنات لازم تكوني مذاكرة السلايدات وتست بانك والأشياء اللي مني فاهمتها ارجعي للكتاب يعني كرف أما اذا جات من قسم الأولاد فالتست بانك ((الطويل)) يكفي

التقارير
زي الانجليزي اللي قبله يعني لا تخافي من الاسم
بالنسبة للتعبير أول ترم درسوا المادة فيه ما جابولهم غير في النهائي تعبير
ثاني ترم في الدوري كانوا يجيبوا تعبيرين والاثنين عليهم 5 درجات وفي النهائي جابوا واحد التعابير تيجي مشابهة للكتاب اذا ما كان زيها

التمويل
مادة فهم
يعني لو فاهمه المادة ما يحتاج تذاكري غير شي بسيط اللي هو الجزء النظري وبالفهم كمان تجيبيه
من وجهة نظري المادة جداً سهلة بس زي ما قلتلك لازم تكوني فاهمة

في العموم المواد زي مواد المستويين الثالث والرابع وتقدري تضيفي مادة من المستوى السادس بس من الشؤون
أما الدكاترة فالبنات ان شاء الله يفيدوكي

[Frish flower]

شكراا على الإفادة .
جزاك الله خيراا .

[khaled.91.11]

العفو
موفقة

[بنت ناس وقلبي ألماس]

وعليكم السلام ورحمة الله وبركاته..
التمويل عبارة عن فهم وحفظ للقوانين والأسئلة تجي شبيهة من السلايدات وما كان عندنا تست بانك والمادة تعتبر متوسطة الصعوبة ولازم تذاكري المسائل من الكتاب.
التسويق المذاكره من الكتاب والمادة تعتمد ع الجفظ وتعتبر متوسطة مائلة للصعوبة والأسئلة من بين السطور وفي أسئلة من التست بانك ..
النظم يعتمد ع الحفظ والفهم والاختبارات برضوا من بين السطور وبعض الأسئلة من التست بانك والمادة تعتبر صعبة لو ماذاكرتيها أول بأول..
التقارير لسى ما أخذته..
وطبعا تقدري تأخذي مواد من المستوى السادس..

[Frish flower]

مشكورة
الله يعطيكي العافية ياآاآارب

[بنت ناس وقلبي ألماس]

العفو ياحلوه..
آمين وإياك يارب..
وأي شي أنا في الخدمة.

[وردة الروح]

السلام عليكم ورحمة الله وبركاته
عندي نفس سؤال الاخت ، حابة اخذ مادة من المستوى السادس بالاضافة الى النظم والتمويل والتسويق واعداد تقارير . ممكن تنصحوني
وشكرا

[Kapitano]

كلها مواد بسيطة وسهلة بإستثناء النظم

[oGHo chan]

بداية ترم تبشر بالخيير ان شاء الله :)

رد الأخ::Kapitano : اسعدني وشجعني كثيير الحمدلله



يعطيكم العافيه وجزاكم الله خيير على معلوماتكم القيمة
وجزاكي الله خيرا يا صاحبة الموضوع ^ــ^

أختكم : غـــدير