افيدوني .. محتاره في اختيار التخصص

[فاطمه احمد]

السلام عليكم ورحمته الله وبركاته

انا طالبة توي تخرجت من الثانوية
محتاره في اختيار تخصصي
فكرت كثير وسالت اقربائي .. المشكلة اغلب اهلي داخلين تدريس
وانا ما ارغب في التدريس , وحطيت ببالي تخصصات ( قانون - طب - وادارة اعمال )
لكن المشكلة ليس لدي رغبة واضحة في اي تخصص ..

واحيطكم علماً انقبلت بجامعه الملك عبدالعزيز ,

وايضا عندي سؤال : هل تحديد التخصص لازم يكون قبل السنة التحضيرية او بعدها ؟؟

حابه تنصحوني و اخذ ارائكم ايش الافضل وشكرا جزيلا .

[BaSHaYeR FeLeMbaN]

اهليين بييكي
والف مبروك عالقبول
بالنسبه لاستفساراتك
انتي لمن حتدخلي الجامعه
حتدرسي السنه التحضيريه سواء علمي ولا ادبي ع حسب تخصصك ف السنويه
دا اول شي
تاني شي
المعدل الي تجبيه ع اساسو تختاري تخصصك
بمعنى ع حسبب معدلك الموزون تنزلك تخصصات
وبالتووفييق يارب

[فاطمه احمد]

يعطيك العافيه

لكن مافهمتك ( حتدرسي السنه التحضيريه سواء علمي ولا ادبي ع حسب تخصصك ف السنويه )

كيف يعني على حسب تخصصك في السنوية ؟؟

[أمل وطموح]

قصدها يا عيني :(( على حسب ما كنت في الثانوي تحددي مسار علمي أو أدبي )) مع العلم أنه إذا كنت في الثانوي علمي تقدري تحولي مسار أدبي في الجامعة .


أما اختيار التخصص فيكون بعد الانتهاء من السنة التحضيرية

[د.راقي جدا]

لو تبي قانون لازم تدرسي مسار اداري ... في ناس تقول ادرسي مسار علمي وتدخلي اي تخصص وهذا غلط

ادارة اعمال و طب مسار علمي

ولعلمك ادارة اعمال لها عدة مسارات بس ما اعرف ايش هي بالضبط
وفيه تخصص مالية ومحاسبة
برضو حلوين بس استخيري اول وقرري مسار علمي ولا اداري

[AlSAbEi]

السلام عليكم ورحمته الله وبركاته
وعليكم السلام ورحمة الله وبركاته


انا طالبة توي تخرجت من الثانوية
محتاره في اختيار تخصصي
فكرت كثير وسالت اقربائي .. المشكلة اغلب اهلي داخلين تدريس
وانا ما ارغب في التدريس , وحطيت ببالي تخصصات ( قانون - طب - وادارة اعمال )
لكن المشكلة ليس لدي رغبة واضحة في اي تخصص ..

الأفضل تحددي هدفك من الحين..
لأن أغلب الطلاب اللي يكونون بلا هدف تكون درجاتهم بالحضيض..
لكن لما يكون عندك هدف.. حتسعين له وتجتهدين اكثر عشان تحققيه.. ويكون لك حافز قوي..

عموماً.. هذا موقع تخصصي المنآسب.. تابع لجآمعتنا الموقرة =)
http://www.kauumajors.com/

عبارة عن اختبار.. بعد م تخلصيه تطلع لك أقرب تخصصات مناسبة لشخصيتك..
بس أهم شيء جاوبي ع الأسئلة بـ صدق.. مو بـ مثالية ..


واحيطكم علماً انقبلت بجامعه الملك عبدالعزيز ,

ألف مبروك القبول..
أعجبتني أحيطكم علماً


وايضا عندي سؤال : هل تحديد التخصص لازم يكون قبل السنة التحضيرية او بعدها ؟؟

لا طبعا.. تحديد الرغبات يكون أثناء السنة التحضيرية.. بنص الترم الثاني تقريباً =)
ترتبين لك حول الـ 20 رغبة.. ويتم تسكينك (وضعك في التخصص) بعد انتهاء السنة التحضيرية بناءً على نسبتك الموزونة فيها..

حابه تنصحوني و اخذ ارائكم ايش الافضل وشكرا جزيلا .
الأفضل.. أجري الاختبار وبتعرفيه =)


الله يوفقك.. وأي استفسارات أخرى احنا حآضرين =)