تدريب ميداني 1 ......!!!!؟

[ابو لارى]

انا تواصلت مع الدكتور رشاد بخصوص عنوان البحث وارسلت رساله له ورد علي الدكتور باتصال وقالي لازم تحضر الدوره التأهيليه او تتابع مع الشباب اللي راح يحضر الدوره التأهيليه .. قالي راح يكون فيه اختبار للماده او مناقشه .. هل احد تواصل مع الدكتور وقاله كذا ... وش سالفه الاختبار وهل فيه كتاب للماده .. هل قد صارت من قبل ... اتمنى اللي عنده اجابه او حل شافي يفيدنا .. والا نتظر لين تبدا الدوره ...؟

[بدر العسيري]

اخوي انا اتصلت على الدكتور رشاد من يومين وقالي بالحرف الواحد فيه مناقشة واختبار واستبيانات ، وقالي قولوا لزملائكم هذا الكلام ؛ لإن الترم هذا غير الاترام اللي فاتت ، بس ما أدري ايش كان قصد بمناقشة بصراحه اللي اعرفه انه بحث يتقدم له وخلاص وبعدين الاختبار الظاهر بعد صلاه التراويح ورمضان ومناقشه هههههه بصراحه الدكتور هذا شكله يخوف الله يستر :)

[مطيري جامعي]

وش السالفه شي غررريب كل يووم طالعين علينا بشي جديد !!

الله يخااااااارجنا بس !

اشكرررررك

[عبدالرحمن المطيري]

الله يسرها

[مطيري جامعي]

كم رقم الدكتووور يشبااااااااااب

[ابو لارى]

[quote=مطيري جامعي;5872761]كم رقم الدكتووور يشبااااااااااب[/quote


تفضل عزيزي رقم الدكتور رشاد / 0556353336

[ابو فيصل الزهراني]

اذا كان عدد الطلاب اكثر من 200 او 300 هذا شي مستحيل ومهو معقول يناقشهم في ترم صيفي المهم حضور الدوره التاهيلية لمعرفه طلبات الدكتور ... وابشركم الدكتور رشاد دمنهوري من افضل الدكاتره ومتساعد ومتعاون مع طلبه الانتساب ...... والله يوفق الجميع

[i ĐǿŋŤ ČąЯę]

الصراحة يحق له يسوي كذا

لأن بعض الشباب الله يهديهم اذا تخرج دخل المنتدى وكتب أنه صلح البحوث من مكتبات وان الجامعه مهزله ..... الخ

وبالاخير المتضررين حنا اللي بعدهم لان بعض الدكاتره يدخلون المنتدى ويشوفون كل شيء نكتبه

ماقول الا الله يكتب لنا الخير ويهدي الجميع

[مطيري جامعي]

ابو لارى اشكرررررك

لكن دقيت عليه ويعطيني مشغوول

وارسلت رساله ومارد !

طيب وشلوون الوضع هل نسوي بحث والاكيف !! ننتظر رد من لديه خلره

وش يناقش والله لو انها رسالة ماجستير ! ههههههههه

[تركـــــــــــــــــــــي]

اخواني وزملائي السلام عليكم
انا جهزت اسم البحث وارسلته رساله ورد بالموافقه وقال احضر الدوره لان فيه كلام مهم راح اقوله
واذا ماتقدر تحضر اوصي زميل اخر يوصل لك ايش التعليمات وقال انتبه يمكن يكون هناك مناقشه للبحث اللي انت مسويه يعني يسأل فيه وليس اختبار اتمنى اني اوصلت المعلومات واضحه وشكرا