قصة سيرين و طلب تحويلها

[S.Bn]

بسم الله الرحمن الرحيم

احيكم ايها السادة الفضلاء من هذا المنبر و اود ان اقول لكم

اليوم رحت للجامعة عشان التحويل

و من ذكائي و لاني ما افرق بين عمادة القبول و الشؤون ضربت مشوار من غربية 2 لين مبنى 13
و رحت لغرفة 2 لقيتها مقفلة
رحت لغرفة 3 لقيت كم موظفة جالسين في مكاتبهم دقيت الباب و دخلت
ما احد اعطاني وجه رحت عند وحدها اخلاقها الله لا يوريكم
قلتلها ابا احول قالت لي روحي كليتك
قلت لها انا دوبي مخلصة تحضيري
راحت سالت وحدة تانية قالت لي روحي عمادة القبول و التسجل

رحت العمادة اخلاقهم احلى من اللي قبلهم و على الاقل يبتسموا
و سالت قالت لي انتي نسبتك اقل من اقل نسبة قبلت في الكلية
قلت لها طيب انا حققت شروط الكلية و من حقي ادرس فيها >>> اهم شي من حقي
قالت لي استني ربع ساعة لين ما تجي الاستازة

و انا بستنا لقيت وحدة بتحول من هندسة ل صيدلة
قلت لها ليش سويتي كدا
قالت لي ما ادري و انا اكره الهندسة

و استنينا ربع ساعة و جات الاستازة اعطيتها اوراقي
قالت لي نفس كلام الاولى عندك اي ميول تاني
قلت لها لا و خنقتني العبرة و قلت لها طيب الترم الجي
قالت لا الهندسة نظامها زي الطب سنوي التحويل
قلت لها ابا اقدم طلب حتى لو نسبتي اقل
قالت لي طيب و قالت لي احتمال ما تنقبلي
قلت لها طيب انا نسبتي عالية
قالت طيب اللجنة لمن حتشوف حتختار اللي نسبهم 95 و لا 92 و خصوصا مع الهندسة لانو بس يبو 50 بنت

و قدمت الطلب
و قالت لي انا من الحين اقول لك 99% ما تنقبلي
رديت عليها باذن الله انقبل

و انا هناك سمعت انو التحويل تلاقو في الاودس و رح ينزل برمضان


ادعولي اني ادخل الهندسة لاني خلاص مهمومة و قالت لي انو احتمال السنة الجاية كما ما تنقبلي

[» مَــلِـُكَة «]

أختي حابة اسألك اش تقصدي بتخصص الهندسة ؟؟
هندسة حاسابت والا تخصص جديد افتتح مؤخرا ؟؟

[S.Bn]

المشاركة الأصلية كتبت بواسطة » مَــلِـُكَة « أختي حابة اسألك اش تقصدي بتخصص الهندسة ؟؟ هندسة حاسابت والا تخصص جديد افتتح مؤخرا ؟؟

حبيبتي التخصص هندسة حاسبات فقط و انا هناك قالت لي اذا تبي نظم ما في

قلت لها اصلا انا ابا حاسبات
و التخصص دا اول سنة يفتح للبنات

[samrona]

يـارب تدخليي هندسه وتحققي رغبتك باذن الله
: )

[S.Bn]

المشاركة الأصلية كتبت بواسطة samrona يـارب تدخليي هندسه وتحققي رغبتك باذن الله : )

اللهم اميين

فرحتيني و الله

الله يوفقك في تخصصك

[ن ـــــوفا]

اليوم رحت عمادة القبول وسألت عن تخصص الهندسة
قالت لي انها فقط هندسة حاسبات ويدرسوها سنتين بس
حبيت افيدك

[S.Bn]

المشاركة الأصلية كتبت بواسطة ن ـــــوفا اليوم رحت عمادة القبول وسألت عن تخصص الهندسة قالت لي انها فقط هندسة حاسبات ويدرسوها سنتين بس حبيت افيدك

اهلين انا قالت لي انو بس هندسة حاسبات بس ما كنت ادري عن الدراسة

شكرا لافادتك

[Angel99]

بعد اذنك سيرين
نوفا :السلام عليكم
ممكك تقولي ايش صار معاك
هل واجهتي صعوبة في اقناعهم ؟؟؟

[Respect me Respect U]

آآآآه وربي كان عندي نفس شعورك قبل التخصص من المرمطة هذي
الحمد لله ربي علم بحالي ونيتي
الله ييسرها عليك ويفتحها عليكي ياعسسسل
وربي انها خييرة يا سيرين ماراح تفهميها الا بعد سنين

[S.Bn]

المشاركة الأصلية كتبت بواسطة respect me respect u آآآآه وربي كان عندي نفس شعورك قبل التخصص من المرمطة هذي الحمد لله ربي علم بحالي ونيتي الله ييسرها عليك ويفتحها عليكي ياعسسسل وربي انها خييرة يا سيرين ماراح تفهميها الا بعد سنين

اهلين حبيبتي و الله ما كنت اتوقع انو الهندسة تقفل اعلى من 90

بس الحمد لله قضاء الله و لا اعتراض على قدره

اميين حبيبتي

الله يوفقك يا دكتورتنا

( اللف مبروك تخصصك عارفة انو متاخرة بس ما قدرت ارسل لك على الخاص )