تحويل من جامعة الملك عبد العزيز لكلية بترجي ؟؟!!

[arzoOo]

السلام عليكم ورحمة الله وبركاته ...
انا موزونتي الحمد لله 91% >>وابغ اتخصص طب .. للاسف ما انقبلت فيها
دحين ابغ احول لكلية بترجي ...منحة داخلية
ابغ اعرف كيف اقدم للمنحة ؟..
ومتى اعرف اني انقبلت ؟ ..
وهل اقدر اقدم قبل ما اسجل في الجامعة ...<<عشان اضمن انوا يكون منحة ؟.....انا نسبتي في الثنوي فوق الالتسعين ,والقدرات والتحصيلي فوق ال70 (كيف اضمن اني حنقبل ؟)
وهل اقدر اعادل الموواد ؟...

وايش اللي احتااج عشاان اقدم فيه ؟؟

اقدر اسحب ملفي هذا الاسبوع واسجل في الكلية ؟؟
انا فتحت الموقع بس ما فهمت شيئ كثيير ؟؟..
فكل اللي يبى يحول او حوول يساااعدنا عشاان نووصل لهدفنا !

[Sabreen.Bakhsh]

نصيحه روحي الكلية نفسها واسألي
قبل ماتخلص المقاعد وينتهي التسجيل

[livelove]

ممكن سؤال دخلوك اي تخصص

[arzoOo]

اتخصصت حاااسب ... !_!

[Dr.binafif]

كلية البترجي.. يقولوا أنو هـذي السنة يمكن ما يقبلوا أحد عشان المباني ما تكفي لا وسار سعرهم السنة
ب80 ألف و ابن سينا طب بشري إنتظار..

[طموح بنوتة]

طيب نسبتك تدخلك تمريض ليش م تدخلي وتطلبي نقل من أول يوم وتروحي على العلوم الطبية
والسنة الجية تنقلي طب ترا في ألف حل
ولو حابة أهلية أفضلها للان أبن سينا الله يعينك ويوفقك ويكتب لك الخير
*ـ^

[rania.mq]

بس طريقه انو ادخول تقنيه طبيه و بعدين يحولوني مو مضمونه! ما قد سمعت احد سواها و نفعت معاه؟
ايوه انا رحت البترجي قالوا مافي هذي السنه و اخذه رقمي قالت لو فتح التسجيل حدق عليكي
و كمان ايش فيها لو 80؟ الي عندهم بعث خارجيه جامعاتهم اغلى بكثير غير انو الحكومه تدفعلهم في الشهر فوق 10 الاف و هنا الي منحه ما يخذ مكافاه
الله يستر...

[arzoOo]

شكراا على نصاائحكم ...
-بس ابغ اعررف في امكانية انوا يعااادلولي المووواد .؟.
عشان ما ابغ اعيد السنة التحضيرية...

[arzoOo]

rania ...ايش قالولك بالضبط .. كيف ما في تسجيل ذا السنة !!!
انا ناوية اروح بكرة . حسافر ع جدة اليوم ان شاء الله .. بس لو كدا اوفر سفرتي ..
انتي كم موزوونك .. قولتيلهم انك بتعادي المواد او شيئ ؟؟؟؟

[rania.mq]

ما قالت شي! انا زيك قبلوني تمريض
بس سالتها على التسجيل قالت هذي السنه مافي.. ، اصلا انا قد سمعت من صحبتي تدرس هناك قالت لي انو تتوقع وزاره التعليم العالي وقفت منح للبترجي عقاب لانها السنه الي فاتت قبله طلاب كثير.. بس قالت لي روحي اتاكدي..
المهم انت لما تجي جده روحلهم تاني يمكن يدوكي اخبار جديده يا رب بس يفتحوا التسجيل ذي السنه..
و على فكره مافي معادله درجات.. حتعيدي السنه التحضيري ثاني عندهم، بس يقولوا سهل و لو ما تبغي تدفعي 7000 و تختبري اختبار شامل لكل الي درستي في التحضيري و لو نجحتي تدخولي طب على طول بس انا سمعت انو مو كثير ينجحوا.. اتمنى اكون افدتك.. المهم بس ندعي انوا يفتح التسجيل، و لو رحتي قولي لي ايش سار معاكي..
انا دوبي سويت تغريده في التويتر للوزاره ههههههههه يمكن يسمعو كلامي و يفتحوا التسجيل.. لو عندك سوي زي هههههه
good luck