سؤال لو كنتوا في مكاني ايش تعملو .؟

[rora.hadi]

بسم الله الرحمن الرحيم


مساء الخير جميعاً


حابة اخد رايكم يا اهل التحضيري ..

معدلي 3.95
نسبتي 81% العامة
نسبتي 80.75 % الخاصة



رغبتي الأولى صيدلة


وحاسه انو قبولي في الصيدلة ضعيف

واوجه مشكلة مصيرية وحابه اعرف رايكم ...


الوالد اقترح عليا اروح ابن سينا ورحتلهم وقالولي حيدخلوني سنه اولى ويعادلولي المواد
ومحا اقدر اروح تاني عشان معدلي مو 4 !

بس ايش مميزاتها وسلبياتها

المميزات :
*التخصص مضمون
*الدراسه أكيد بإذن الله ارحم من عزوز والرجه وسوء الادارة واللخبطه اللي فيها
*مافيها احتكار ومن احسن الكليات الاهليه

السلبيات :
*المنحه لازم اقدم فيها سنوياً وممكن تروح عليا سنة من السنوات لو نزل معدلي او كان في ناس افضل مني مؤهلين للمنحة
مع انو حتى لو ماجات المنحة الحمد لله ظروفي ميسرة ما حتعطل عن الدراسه وحتكون مشكلة كبيرة ليا بس اسمها اني حفلس بابا خخخ
*شهادتها اكيد مو زي عبد العزيز من ناحية قوتها
* سمعت انو في اختبار بعد التخرج خاص بالتوظيف
* حضيع سنه كاملة :(

فانا محتارة .. هل اروح ابن سينا ومانتظر تسكين عبد العزيز .. خصوصاً انو ممكن ينزل التسكين بعد ما تنتهي المقاعد وساعتها مالحق لا هنا ولا هنا


ولا انتظر تسكين عبد العزيز واتوكل على الله ولو ماجا صيدلة اضيع السنه دي كمان وادخل السنه الجيه او الترم التاني لابن سينا :(

و زيادة الطين بله خايفة من الصيدلة في عبد العزيز اني ما امشي في الدراسه فيها لاني شايفه التحضيري كان مره صعب بالنسبة ليا .. من الحركات اللي عملوها معانا في التحضيري اني اموت نفسي مزاكرة ونص الاختبار يجي اشياء جديدة وكل شويه بنظام جديد !!
جداً محتارة
استخرت كتير
بس احتاج مشورتكم

[THE HILL]

أهلين ي عسل :)

ممم اذا التحضيري كانت صعبه الصيدله ايش حتكون !!

طيب ع اي اساس قلتي صيدله ي قلبي ؟؟


انا اقترح لك فيه تخصصات مطلوبه وتناسب معدلك الا اذا كنتي مصره ع الصيدله فقدامك خيارين

يا اما تسحبي وتعيدي التحضيري وتجيبي معدل ولما تسحبي ما راح تكوني الا مع دفعه 14 ان شاء الله


ي اما تقدمي ع ابن سينا ولازم ولاازم تستفسري من وحده درست فيها صيدله عشان حتديك خبرتها وتنصحك بالافضل



راجعي نفسك وشوفي انت شاطرة في ايش ؟؟

يعني ممكن تنقبلي علوم ولو جبتي معدل عالي تحولي صيدله " واستفسري من العماده عشان تطمني اكثر "




الله يوفقك يارب ومين يدري يمكن تنزل النسب السنه هذي ..
..

[قاهر الاحزان]

على قولة اهل البيبي والواتس اب ( من أعقد ما قرأت )

والله يا اختي ما ادري ايش اقولك لكن وضعك صراحة صعب

لكن انا دايما اميل باللعب على المضمون في حياتي

يعني انا لو كنت مكانك

راح ابقى بالجامعه وادخل كلية العلوم قسم كيمياء حيوية !! لانه قريب من الصيدله

واحاول اجيب معدل عالي واحول صيدله

وان لا سمح الله ما قدرت احول , اسمي في تخصص قريب جدا من الصيدله

وربي يوفقك ان شاء الله

[rora.hadi]

الاخت مشرفة الصيدلة ..

بالنسبة لكم وحسب اطلاعي على نصايح دفعتكم

الاحياء ماسوت فيكم زي ما سوت فينا ..

وبالنسبه ليا كان الحال صعب مع كل شويه بكلام لهم
ولا الفييزياء اللي الكل كان يقول اسهل مادة وتجي الاسئلة نسخ لصق
من بركات ومدري ايش واحنا ماشوفنا شي من هادا ابدا
انا ناجحه في الثنوية بمعدل تراكمي 99.95 %
و قدرات 80 !
يعني مو ما في راصي دراسة
لكن اتحدا انو ما كان من اسس التحضيري التصفية
فعشان كدا انا ان شاء الله اهل للقسم هادا لكن للاسف التحضيري ماكان معايا ..

[Wejdan Hamad]

المشاركة الأصلية كتبت بواسطة rora.hadi الاخت مشرفة الصيدلة .. بالنسبة لكم وحسب اطلاعي على نصايح دفعتكم الاحياء ماسوت فيكم زي ما سوت فينا .. وبالنسبه ليا كان الحال صعب مع كل شويه بكلام لهم ولا الفييزياء اللي الكل كان يقول اسهل مادة وتجي الاسئلة نسخ لصق من بركات ومدري ايش واحنا ماشوفنا شي من هادا ابدا انا ناجحه في الثنوية بمعدل تراكمي 99.95 % و قدرات 80 ! يعني مو ما في راصي دراسة لكن اتحدا انو ما كان من اسس التحضيري التصفية فعشان كدا انا ان شاء الله اهل للقسم هادا لكن للاسف التحضيري ماكان معايا ..

اسمحيلي على ذا الرد بس كتير بنات اتعرفت عليهم في الجامعه نسبهم 99 ومعا ذالك فشلوا
لانوا في الثانوي كانوا يعتمدوا على الملخصات وكانت تجيهم الأسئله مباشره

بعدين هذي جامعة مستحيل تجي الأسئله نسخ لصق تجي نفس الافكار او قريبه منها

(وبالنسبه للقدرات مشاء الله عليكي بس انا ما اعتبر القدرات قياس) مجرد وجهة نظر

وانا عن نفسي مالقيت انوا اسئلت اختبارات الجامعة غريبه لانوا الثنويه ابلاتها طلعوا عيني
لانوا هذا كلوا يعتمد على التأسيس وفهمك للماده صح
وبصراحه وماجبت درجات عاليه في بعض مواد لاني الماده اللي احبها اذاكرها وغيرها اقرئها بفهم واقفل والحمد الله


صح والكيمياء الحيويه مره حلوه ولها مستقبل وافضل قسم في كلية العلوم للبنات بجامعتنا
وإن شاء الله ينكتبلك اللي فيه الخير

[rora.hadi]

المشاركة الأصلية كتبت بواسطة Wejdan Hamad اسمحيلي على ذا الرد بس كتير بنات اتعرفت عليهم في الجامعه نسبهم 99 ومعا ذالك فشلوا لانوا في الثانوي كانوا يعتمدوا على الملخصات وكانت تجيهم الأسئله مباشره [COLOR="rgb(46, 139, 87)"] لا الحمد لله كانت بجدارة .. ومره ماكان عندنا شي اسمو ملخصات واذا ع الاسئلة ف للمعلومية انو لكل اسئلة اختبار نظام معين تنحط بوزن وفي مشرفات وموجهات وبشكل دوري بيمرو على الاسئلة .. يعني مو بالساهل الثلاث سنوات كلها تكون اسئلة مباشرة .. بعدين هذي جامعة مستحيل تجي الأسئله نسخ لصق تجي نفس الافكار او قريبه منها[/color] [COLOR="rgb(46, 139, 87)"]اوكي كلامك تمام ميه ميه .. لكن اللي عشتو في التحضيري اني ادرس 2+2 = 4 و في الاختبار 2+ 3 -1 * 2 \ 2 = 4 يعني قممممة الاستهبال طيب يبغوو يجيبو اسئلة ملفوفة ولا قريبة منها على قولك ليش ما يدربونا !! معقوله انا ادرس كتاب وملخصات بشكل مباشر وورق الاختبار يجيني وحي من السما ! عطاء الجامعة ابداً ما كان قد اختباراتها[/COLOR] (وبالنسبه للقدرات مشاء الله عليكي بس انا ما اعتبر القدرات قياس) مجرد وجهة نظر وانا عن نفسي مالقيت انوا اسئلت اختبارات الجامعة غريبه لانوا الثنويه ابلاتها طلعوا عيني لانوا هذا كلوا يعتمد على التأسيس وفهمك للماده صح وبصراحه وماجبت درجات عاليه في بعض مواد لاني الماده اللي احبها اذاكرها وغيرها اقرئها بفهم واقفل والحمد الله [COLOR="rgb(46, 139, 87)"] اذا القدرات مو قياس ولا الثنوية قياس اجل ظلم الجامعه واسئلتها اللي يمين واجاباتها شمال قياس !! معليش مع احترامي بس مهي وجهة نظر عادلة وسطحية [/COLOR] صح والكيمياء الحيويه مره حلوه ولها مستقبل وافضل قسم في كلية العلوم للبنات بجامعتنا وإن شاء الله ينكتبلك اللي فيه الخير جزاكي الله خير وشكرا ً على ردك ..

up
up
up

[طموح بنوتة]

المشاركة الأصلية كتبت بواسطة wejdan hamad اسمحيلي على ذا الرد بس كتير بنات اتعرفت عليهم في الجامعه نسبهم 99 ومعا ذالك فشلوا لانوا في الثانوي كانوا يعتمدوا على الملخصات وكانت تجيهم الأسئله مباشره بعدين هذي جامعة مستحيل تجي الأسئله نسخ لصق تجي نفس الافكار او قريبه منها (وبالنسبه للقدرات مشاء الله عليكي بس انا ما اعتبر القدرات قياس) مجرد وجهة نظر وانا عن نفسي مالقيت انوا اسئلت اختبارات الجامعة غريبه لانوا الثنويه ابلاتها طلعوا عيني لانوا هذا كلوا يعتمد على التأسيس وفهمك للماده صح وبصراحه وماجبت درجات عاليه في بعض مواد لاني الماده اللي احبها اذاكرها وغيرها اقرئها بفهم واقفل والحمد الله صح والكيمياء الحيويه مره حلوه ولها مستقبل وافضل قسم في كلية العلوم للبنات بجامعتنا وإن شاء الله ينكتبلك اللي فيه الخير

انا صراحة مؤيدة لرأيك تماما ياوجداان نسبة الثنوي ابدااا مش مقيااس والله اعرف بنات كثيير ضاعو بسبب انهم كانوا واثقين بزيادة من نسبة الثنوي = (
ي حبيتي محد قال ما في في راسك دراسة كل شي مقدر ومكتوب شوفي بما انو ماشااء القدرات والثنوي تمام الافضل قدمي لمنحة الملك عبد الله وان شااء الله خير انا من وجهه نظري انو النسب كل سنة ترتفع اكثثر ومعدلك بعيد شويتنين عن الصيدله والنقل من العلوم للكليات الصحية ابدن مو مضمون فروحي احسسن ابن سينا وادخلي رغبتك والله يسهلك
^_*

[rora.hadi]

اخ قاهر ..

كلامك على راسي

بس للاسف مو ميولي ابداَ الكيمياء الحيوية واطلعت عليها ولا اشوف مستقبل لها قوي زي الصيدله :(


شكراً للجميع

[نـونــي]

والله هوا الخيار مرا صعب

بس انا اشوف زي ما قال الاخ قاهر الاحزان انك تدخلي كيميا حيوي وتحاولي تجيبي معدل وتحولي

وازا ما جبتي معدل حولي على ابن سينا انا اعرف وحده كانت كيميا حيوي وحولت على ابن سينا وعادلولها المواد الي درستها في الكيميا حيوي بس هي طب اسنان اسألي عن دا الموضوع

واهم من دا كلو انتي استخيري والي ربي يشوفو ليك خير حيسير ان شاء الله

والله يوفقك يارب

[إحسآإس]

انا نفس الحال ..

انا محتاره والله انا ابغى طب ومره متحمسه عليه وكل دراستي عشان ادخل طب ومعدلي 3.44

ومو اني ما اجتهدت اجتهدت والله خاصة الترم الثاني كان في بالي اني اجيب الاربعه با اذن الله بس كل شئ مكتوب عند ربنا

قلت بسحب من جامعة الملك عبدالعزيز واسجل في ابن سينا وسالت وحده من زميلاتي راحت سجلت هناك قالت عادلولي مادتين بس اللي هي الحاسب والاتصال بس والباقي حتدرسها من جديد مع المواد الزياده عندهم يعني حتصير خمسه الترم الاول وخمسه الترم الثاني انا صراحة انفجعت وقلت ليه ما عادلولك كل المواد واخذتي المواد الزياده بس قالت قالو ان درجاتي فيها نازله ..

انا كنت متحمسه وبروح اسجل بس لما قالت لي مره اتحطمت وقلتلها بنعيد سنه يعني قالت ايوه ولازم ..

وش اسوي ساعدوني

استنى التخصصات ولا اروح اسجل ولا ايش ؟؟ وربي خلاص شوي وابكي من القهر
لان انا من اول كنت بروح ابن سينا وبابا قال ابن سينا وجهزت كل شئ وبعدين غيرت رايي وقلت ابي عبدالعزيز قال على راحتك ..

تكفون ساعدوني اعطوني حلول ..