كليه الامير سلطان للطيران

[rony3]

السلام عليكم


بعد تعب ومحاولات فاشله

قررت انزل الموضوع هنا

هذا ياجماعه الخير اخويا ربي يوفقو بدو يقدم على كليه الطيران

ومو عارفين معلومات عن كليه الامير سلطان او اذا في غيرها كليات في جده للطيران المدني

الي عندو امعلومه لايبخل علينا

اتمنى التفاعل وشكرا لكم

[ريتشارد]

http://www.skaau.com/vb/showthread.p...72#post5746972

[الحب يحتاج لضمير]

والله انا اعرف معهد الطيران المدني تدرس سنتين اعتقد وتشتغل مراقب جوي ولا امن وسلامة وطبعن لو مراقب جوي راح يكون احسن رواتب عالية ما شاء الله بس متعبة الوظيفة وياريت تتأكد لانو انا اللي عندي معلومات اعرفها من واحد يدرس هناك

[mmbs]

اختي مافي بالمملكة كلية تخرج طيارين غير وحدة في رابغ
اكاديمية اجنحة رابغ للطيران وسعر التدريب حول 300 الف وتعطيك شهادة gaca
شهادة معتمدة من السعودية فقط..
اذا اخوك جاد يروح امريكا يدرس ويعيش بارخص من هذا السعر بالاضافة يحصل على شهادة الامريكية faa وهي اللي تطلبها الخطوط السعودية وبعض الشركات . وتوجد رخصة الاوروبية jaa وهي الاغلى وتطلبها شركات مثل الاماراتية والقطرية والكويتية.
عموما الشرح يطول في هذا الموضوع لي رجعة ان شاء الله
تحياتي

[na07]

up up

[بترولي مآكل هوآ]

المشاركة الأصلية كتبت بواسطة بترولي مآكل هوآ فيه اكثر من طريقة عشان يدرس شيء متعلق بالطيران : اول شيء : الخطوط السعودية توفر كل سنة فرصة الابتعاث لدراسة الطيران في "امريكا" .. ( الحصول على رخصة + دراسة بكالوريوس ادارة طيران ) .. وفيه جامعة الملك فهد للبترول والمعادن : هندسة فلك وطيران .. متعلقة بدراسة الطيران وما يتعلق فيها من ميكانيكا وغيره .. .. وممكن أنه يسجل في كلية الملك فيصل الجوية .. ويتخرج ضابط مضلي ،، وللمعلومية : كلية الملك فيصل الجوية تسوي شيء اسمه "ابتعاث داخلي" يعني تسجلين في الكلية ويحولونك على جامعة البترول تدرسي تخصص "هندسة فلك وطيران" وترجعين لهم برتبة ( ملازم اول ) ! وممكن يكون مُهندس + طيار بنفس الوقت اذا سمحت له الظروف في الكلية .. ،،،،، يعني الحلم هذاا متوفر عندنا بالسعودية، الحمدلله .. بس قليل يتوجهون لهالمجال

^ أتمنى يفيدك!

[mmbs]

^
اخوي الخطوط السعودية موقفة الابتعاث من اكثر من 8 سنين وما توظف الطيارين الجاهزين من امريكاا وغيرها
اعادة السنة الماضية فتح الابتعاث الداخلي(اجنحة رابغ) والابتعاث لامريكا وبشروط تعجيزية >>> لو تتابع اخبار الطيارين بتعرف هالاشياء

وبعدين الاخ يبي يصير كابتن طيار مو مهندس جوي ولا ملازم ولا فني
كل شي وله مكانه , دراسة رخصة طيار تجاري (CPL) في امريكا تاخذ حول 12 شهر اقصى مدة بينما في السعودية اجنحة رابغ تاخذ اكثر من سنة ونصف.

---
الخلاصة اختي: اذا عندكم الاستطاعة المادية حول 600 الف فان شاء الله اخوك وظيفته مضمونة لكن اذا ما عندكم فانصحكم ما تجازفوا لانه اغلب شركات الطيران يبغون طيارين متدربين مو مبتداىين.

حيث يمر كل طيار بدراسة رخصتين اساسية : PPL و CPL ومعها مجموعة من الرخص المساعدة
وهذه تكلف حول 50 الف دولار وهي تاهله يشغل طيارات صغيرة
يحتاج لرخصة اخرى اسمها ATPL وعشان يحصلها لازم يكون اقل شي مسجل 1500 ساعة طيران
وهذه يبالها ميزانية كبيرة P:

واول ما يتوظف تصير رتبتة First Officer ثم بعدين يترقى Captin

عموما تقدري تدخلين طيران الاماراتية او الاتحاد احيانا ينزلون فرص تدريبية للخليجين منتهية بالتوظيف.
وقبل فترة طيران هونغ كونغ فاتح برنامج تدريبن طيارين بعد.

طيران ناس فاتح التقديم لطيارين التجاري حتى بدون ATPL وبمميزات وطيفية جدا راىعة بس ما اذكر اذا للان موجود او قفلوه.

[rony3]

اشكركم من الاعماااق جميعا بلا استثناء

[بترولي مآكل هوآ]

^ اخوي الخطوط السعودية موقفة الابتعاث من اكثر من 8 سنين وما توظف الطيارين الجاهزين من امريكاا وغيرها اعادة السنة الماضية فتح الابتعاث الداخلي(اجنحة رابغ) والابتعاث لامريكا وبشروط تعجيزية >>> لو تتابع اخبار الطيارين بتعرف هالاشياء

العام الماضي 2 من أخوياي ابتعثوا لامريكا عن طريق الخطوط ، والشروط ماكانت تعجيزية ابداً ..
شروط تتعلق بالطول والوزن .. والشرط الاهم "اللغة الانجليزية"! مو اكثر من كذا

[بترولي مآكل هوآ]

يا rony3 .. انصحي اخوك يشوف له مجال ثاني،
خاصة ان مجال الطيران المدني بالسعودية ماله مستقبل واضح!
والفرص الوظيفية قليييييييلة ومعقدة، ومو اي طيار يقدر يتوظف بالخطوط!
..