تسجيل ( القدرات للجامعيين ) للراغبين في تكملة الماستر ...

[yesyes]

بسم الله الرحمن الرحيم ..

أعلم أولا أن هذا ليس المكان المناسب للموضوع ( لكن لأن أغلب من يحتاج التنوية هم من رواد هذا القسم ) فحبيت أنوه للجميع بأن الإختبارات التالية متاحة للتسجيل الأن :

1- اختبار القدرات للجامعيين
2- اختبار الستب الانجليزي

ملاحظة مده التقديم محدودة من ( 27 من شهر 6 الماضي ) إلى ( 11 / من شهر 7 الحالي ) يعني باقي تقريباً أسبوع ويغلق التسجيل في الاختبارين علماً بأن موعد الإختبارين ( 27 / 28 /29 من الشهر الحالي رجب 7 )

.....................
إحاطة بسيطة ...
هـ الإختبارين من متطلبات الدراسات العليا ...( ماجستير .../ دكتوراه ) ...ولا يوجد درجة محددة مطلوبة ...لكن كل ما تحصل على درجة أعلى كل ماكانت درجة قبولك في الدراسة أعلى ...

الإختبارين ( يمكن إعادتهم بلا عدد محدد من المرات ) علماً بأنهما لا ينعقدان إلا ثلاث مرات في السنة ...يعني نصيحتي اللي ناوي على الماستر ياشباب يدخل هــ الاختبارين حتى ( بدون اي استعداد ) المهم يدخل ويجرب ....وان حالفة التوفيق فكان بها ؛ والا فهو كسب تجربه تفيده في الاختبارات القادمة
وهذا ما فعلته انا في الاختبار الماضي ...

ملاحظة أخرى /
بالنسبة لإختبار الستب ...اللي هو الانجليزي ( ليس بذات الأهمية ) يعني اللي يجيب 50% يعتبر ممتاز لسبب واحد وهو أنه نسبة هــ الاختبار من ( نسبة درجات القبول ضعيفة جداً لا تتجاوز10% فقط )

علماً بأن توزيع درجات القبول للماستر كالتالي :

30% درجتك الجامعية
40% درجتك في القدرات
10% للإنجليزي اللي هو الستب
20% خبرات ...وهذي امرها سهل جداً


وبالتوفيق للجميع

واكرر سامحونا على وضع المشاركة في هذا القسم

[عذبه المبسم]

شكـــرا اخوي على الطرح
جزاك الله خيرر
بس عندي سوال كيف تكون طريقه التقديم .. وينفع التقديم للي مابعد تخرج

[yesyes]

المشاركة الأصلية كتبت بواسطة عذبه المبسم شكـــرا اخوي على الطرح جزاك الله خيرر بس عندي سوال كيف تكون طريقه التقديم .. وينفع التقديم للي مابعد تخرج

حياك اختي عذبه ....
ياعسل بالنسبة للتقديم بسيط جدا ما يأخذ ( 5 ) دقائق ...وهو كالتلي :
1- تدخلي موقع قياس ..وتفتحي ملف ..... عن طريق مشترك جديد في الرابط ادناه
http://87.101.230.11/Default.aspx

2- بعد الانتهاء من فتح الملف سوف تحصلين على رقم المشترك ...وهــ الرقم هو كل شيء بالنسبة لك يعني لا يضيع ..والرسالة اللي يرسلونها لها وفيها رقم المشترك لا تضيع ..لأنك ما تستخدمينها مره وحده وبس ...لا لا ....كل ما إحتجتي أي شيء في اختبار القدرات راح يسئلونكِ عن رقم المشترك .....يعني بشكل بسيط مثلها مثل الرسم السري لبطاقة الصراف تعرفينه ولا تنسينه .

3- بعد ما تسجلين وتحصلين على رقم المشترك ترجعين للصفحة التالية :
http://87.101.230.11/Default.aspx

لكن هالمره ح ندخل من خلال المربعين اللي في اليسار ( رقم السجل المدني / ورقم المشترك ) بعد ماتعبيء أرقامك تسجلي دخول .


4- راح يفتح لك ملفكِ في قياس مكتوب في أعلاه ...أهلاً وسهلاً (( عذبة المبسم )) عاد ماراح يكتبون عذبه ههههههههه ( إسمك )

5- من ثاني خانه على يدك اليمين مكتوب تسجيل اختبار جديد ..تضغطي عليها تفتح لك خانتين الاولى للقدرات الجامعيين ..والثانية للستب ... تضغطي على زر التسجيل ...تفتح لك صفحة في أخرها تختاري موافق ...

6- تفتح لك صفحة فيها مربع مكتوب فيه ( رمز الموعد ) والمقصود منه اين ترغبي الاختبار يكون ...طبعاً فوق مربع رمز الموعد نلاقي بالأزرق الثقيل مكتوب استعراض المواعيد ...تضغطي عليها ... تفتح لك ثلاث خانات هي كــ التالي :

أ- المدينة ............................ حددي وين ترغبي الاختبار يكون ( جده مثلاً )

ب- مقر المركز ................. يعني انتِ اختري جدة ...بالتحديد وين من جده

ج - نوع الاختصاص ( اختاري عاااااااااااام )

7- اضغطي على رز بحث

راح يطلع لك هل مازال فيه مقاعد او ...لا .....لو كان فيه راح يقولك متاح ...

وبعدي كذا يتبقى أنك تسددي الرسوم علماً بأنها كالتالي :

200 ريال للقدرات الجامعيين
100 للستب الانجليزي

وفيه ملاحظة ......اذا تم التسجيل ( وتم اختيار الاختبار ) يجب التسديد خلال المدة اللي يحددونها لكِ والا سوف يلغى التسجيل ...

يعني بشكل أوضح /

بعد ما تسجيل ...وتختاري موقع الاختبار ...وتكملي كل بيانات ...راح يخبرونك انك اخر موعد لسداد المبلغ هو في اليوم الفلاني في الساعه الفلانية .....( لذلك يجب التقيد بمواعيدهم ) علما بأنهم غالباً يعطونك فرصة ( يوم / او يومين ) للتسديد ...وفي حال ان المدة انتهت وماسددتي ...تحتاجي انك تعيدي التسجيل من جديد ....



...............

واي استفسار يا بعدي أنا حاضر ....خالص التقدير والإحترام

[اضاءات]

40 % للقدرات !!
30% للدرجة الجامعية !!
يعني جهد 4 سنوات أقل من نتيجة اختبار يتم في يوم واحد !
عجيب فعلا !

[yesyes]

المشاركة الأصلية كتبت بواسطة اضاءات 40 % للقدرات !! 30% للدرجة الجامعية !! يعني جهد 4 سنوات أقل من نتيجة اختبار يتم في يوم واحد ! عجيب فعلا !

حياك اختِ اضاءات ......

ايش نسوي يا اختِ حكم القوي على الضعيف ..

لكن الله يكون بعوننا اجمعين ان شاء الله

[طلال الاسلمي]

المشاركة الأصلية كتبت بواسطة اضاءات 40 % للقدرات !! 30% للدرجة الجامعية !! يعني جهد 4 سنوات أقل من نتيجة اختبار يتم في يوم واحد ! عجيب فعلا !

اعدي اعداد جيد لاختبار القدرات

[ابو منيره]

الله يجزاك خير ويكتب اجرك
واشكرك جدا على هذا التنويه الجميل وفي وقته جاء
كيف التسجيل و ين الرابط
لاني في المستوى الثامن وباقي اسبوع ونخلص ان شاء الله
بيمدينا نسجل ولا لا
لك مني جزيل الشكر والعرفان

[yesyes]

المشاركة الأصلية كتبت بواسطة ابو منيره الله يجزاك خير ويكتب اجرك واشكرك جدا على هذا التنويه الجميل وفي وقته جاء كيف التسجيل و ين الرابط لاني في المستوى الثامن وباقي اسبوع ونخلص ان شاء الله بيمدينا نسجل ولا لا لك مني جزيل الشكر والعرفان

حياك الله اخوي ابو منيره .....ياعسل استفسارك محل إهتمامي وقد جاوبت عليه في الرد أعلاه
والتوفيق ان شاء الله لنا ولك

[ابو منيره]

تم اتسجيل ولك الف شكر يا حلووووووووو

[yesyes]

المشاركة الأصلية كتبت بواسطة ابو منيره تم اتسجيل ولك الف شكر يا حلووووووووو

الله يوفقك يا ابو منيره .....تحياتي لك