كيمياء chapter 5 ..

[livelove]

السلام عليكم ورحمة الله وبركاتة


كيفكم ؟! الاختبارات قربت وانا ابغى اعدل درجتي نصايحكم ليا لان مني عارفة كيف اجيب درجات عالية من 25+



اممم بليز لوتكرمتو ممكن شرح كيمياءchapter 5 ..

وشكرا

[THE HILL]

وعليكمـ السلآمـ ,,,

في خطة ب مرجعك الاول والاخير الكتاب . سواء احصاء او كيمياء

وركزي بعد مذاكرتك على نماذج الاسئلة " مذاكرتك من غير نماذج اسئلة ما تسوى ولا بصله "

من فين النماذج ؟؟ من المنتدى او المكتبات بس ضرووري تتطلعي عليها وتحليها
خصوصا الاحصاء والكيمياء


+

حاولي قد ما تقدري تحافظي على معدلك اذا كان عالي او ترفعيه لان المعدل حيمشييي معاك الى التخرج وبما انك في سنه سهلة وتقدري تجيبي فيها رصيد ودرجات تريحك مستقبلا


...


ممم بالنسبة لشابتر 5 " الغازات اذا ما خاب ظني "

كله مسائل وحلك للمسائل ومعرفة قوانينه شي مهم جدا " واعرفي كيف تقدري تحلي اي مسألة في الغازات "

ممكن تجيك اسئلة موضوعيه بس نادرة

الاسئلة الموضوعيه تكثر في شابترين 8 و 9 او 7 اذا درستوه> شباتر عن موجات الراديو والترددات وكذا" فيه صورة موجوده في الكتاب تجي منها اسئله "
مين اعلى طاقة او طول موجي "wave lenght "


:::

http://www.skaau.com/vb/showthread.php?t=267400&page=4


هذا رابط فيه كل ما يخص شابتر 5

نصيحة اخيرة : المسأله ممكن يكون حلها طويل في الكتاب " انتي لازم تتفكري في حل اقصر لها لان الوقت في الاختباار يخونك احيانا ..


حاسة اني كثرت كلام ولو تكلمت زياده حتفرع واخذ راحتي



بالتوفيق ي عسل وما بقي شي على التسكين والعبرة في اللي ينجح في النهايه :)..

::

[livelove]

بس حرام عليك جملتك الاخيرة نفضتني بس حابة اعرف شي من زمان كم ممكن المعدل يرتفع اقصى حد ؟
وان شاء الله اكون معاكم السنة الجاية صيدلة ادا كتب ربي :d
المصيبة اني اكون فاهمة كل شي بس ادخل الاختبار مدري شو يصير حتي بعدالاختبار لوتبغيني اشرح اشرح عادي بس وين المشكلة الله وعلم يلا الكاتبو ربي هوا الي راح يصير
شكرا الله يعطيك العافية ماقصرتي

[THE HILL]

المشاركة الأصلية كتبت بواسطة livelove بس حرام عليك جملتك الاخيرة نفضتني بس حابة اعرف شي من زمان كم ممكن المعدل يرتفع اقصى حد ؟ وان شاء الله اكون معاكم السنة الجاية صيدلة ادا كتب ربي :d المصيبة اني اكون فاهمة كل شي بس ادخل الاختبار مدري شو يصير حتي بعدالاختبار لوتبغيني اشرح اشرح عادي بس وين المشكلة الله وعلم يلا الكاتبو ربي هوا الي راح يصير شكرا الله يعطيك العافية ماقصرتي

لا لا انا ما اخوف ولا انفض انا اقصد بجملتي انه في ناس يجتهدو في بداية السنه وبعدين يتكاسلو عن النهايه والعكس في ناس يتكاسلو في البداية ويجتهدو في النهايه ..

المعدل حسب الساعات وساعاتكم قليله فالزياده قليله
مثلا معدل 3.60 يصير 3.65 او 3.69 وهكذاا





المشكلة انك ما حليتي نماذج اسئله " وانتي بتذاكري حطي نفسك في جو الامتحان حلي نمااذج "

نفرض اختبار الكيمياء يوم السبت وداخل معاك 4 شباتر

تبدأي تذاكري يوم " الثلاثاء " > عشان الدفرنه ^^

في هذا اليوم حاولي تطلعي على الشباتر بسرعه عشان تحدثي اللي اخذتيه
تقسمي الشباتر بحيث يكون شابترين كل يوم
الثلاثاء شابترين والاربعاء شابترين
الخميس مرااجعه شاامله للشباتر كامله
الجمعه حل نماذج

يمكن تكون الطريقه طويله على ماده زي الكيمياء
+
لازم تعاقبي نفسك لو ما خلصتي الشباتر في الموعد نفسه


حصل ظرف طارئ وما قدرتي تذاكري " تضغطي على نفسك لما تخلصي " بس اهم شي يكون لك يوم مرااجعه ما تذاكري فيه بس تراجعي وتحلي نماذج




> ما كنت اعملها في التحضيري بس مجربة من قبل آخرين

*انا ندمت اني ما جبت الخمسه في التحضيري مع انها سهله وكان بإمكان اي احد يجيبها بعون الله ثم الاجتهاد ,, فسنة زي هذي ما تعتبروها مضيعه وعشان تخصص ونسبه هذي فرصة انك تبدائي مسيرتك الجامعيه بمعدل مرتفع وبجهد اقل


وحيااك في كليتنا :) والله يوفقكـ ^_^