ياطالبات هل هذا جزاء المعروف؟!

[قيثارة الأمل]

السلام عليكم ورحمة الله وبركاته ..

عندي تعليق بسيط يخص الطالبات بالنسبة لتبادل الكتب .. الفكرة كانت ممتازة جداً

بس البعض وللأسف أقول الكلمة هذي مايستاهلوا أعطيت بنات كتب الترم إلي راح بس بنظام الإستعارة ويرجعوها ليا

الترم الجاي لأن أختي تدرس نفس موادي بس انا سابقتها بترم حبيت البنات يستفيدوا بعدين يرجعوها ليا .. إلي حصل

بعد مااعطيت البنات الكتب اخترب جوالي وراحت ارقام البنات كلها .. وماكان في وسيلة ارجع لها غير المنتدى اني

اكلمهم على المنتدى لأنهم هما ماعبروني عشان يرجعوا ليا الكتب واختي كانت تحتاج نفس الكتب وصلت لوحدة

فيهم عن طريق طالبة هنا قالت لي الأخت بطريقة سخيفة جداً.. أنتي مااعطيتيني أي كتاب ولا أعرفك اصلا؟؟؟؟؟؟؟؟؟؟؟

معقولة في ناس لدي الدرجة ماتستاهل؟؟؟؟ تكذب عشان كتاب لو اني كتابي مو مؤشر ولا مرتب ماكان رجعت طلبتو

سهل اشتري كتاب تاني .. بس بجد الموقف خلاني افهم قد ايش في ناس ماتستاهل تساعدهم .. بعد كم يوم عرفت

ان الأخت اعطت كتابي لوحدة تانية عشان كذا كذبت عليا .. j

أما الطالبة الثانية كمان وصلت لها عن طريق طالبة هنا .. عرفت ان الأخت جداً مصلحجية في المنتدى بس

تتواجد بداية كل ترم عشان تطلب كتب وتغيب وترجع بداية الترم الي بعدو؟؟!

أما الثالثة اعطيتها كتابي تصوره لأني الحمدلله أكتب كل شي مهم وأحضر الدورة وكانت المادة عندي في نفس الترم يعني اعطيتها

مساعدة بس لها تصوره وترجعه اذاكر منه وأخذت الكتاب ولا رجعت واعطتني رقم غلط

ولمن شفتها يوم الإختبار قلت لها ترى موقفك مرة سخيف لكن ربنا موجود.. قالت لي هيييييه انتي اشبك انا

من فين اعرفك؟؟ جاية تتبلي عليا انتي؟؟؟؟ طنشتها ومااهتميت بس قلت

حسبي الله ونعم الوكيل .. وسبحان الله عرفت انها حملت المادة ..

أتمنى فعلاً نكون على قد الثقة ونحترم بعض .. ويكون تواجدنا هنا له هدف

وكل واحد فينا يساعد الثاني .. مو بس همه نفسه .. أو يتعامل بهذا الأسلوب .. أتمنى مايتكرر

الموقف مع غيري من الطالبات .. أتمنى يوصل كلامي لهم

ألف شكر للجميع

وأتمنى للجميع التوفيق في جميع أمورهم :)

[عاشقة المستحيل]

و الله حاسه فيكي يا عسل

من جد الموضوع يزعل و يقهر

يعني مو معروفه كلمة ( استعارة ) يعني استفيدي و رجعي الكتاب

الكتاب ما صار ملك لك و تتصفين فيه ع كيفك و تعيرنه لوحده ثانية << عجيب

من جد قلة حياة و ناااس معد صاارت تستحي

و ربي ما يهنالي بال الين ارجِع الكتاب و اتشكر البنت جزاها الله خير

و يكون جميلها فوق راسي و هم لازم أرده لأنها ما قصرت معاي

يا عسل ما عليك غير انك تقولي

حسبي الله و نعم الوكيل يكفيني الله فيك بما شاء

و ان شاء الله يشوفوا موضوعك <<و غيرهم متضررين كثييير

و تصحى ضمايرهم

آخـــــــــــــر زمن

تسوي خير و تقطي بحر

[بائعة الـورد]

أخــتي قيثاره الامل عــن جد كلامك حــز في نفسي كثيررر للأسف الشديد

هــولاء طالبات مو قــد الثقه ابدا ومايستاهلوا طيبتك ومساعدتك لهم

ثقي تماما أنا مافعلتيه عند الله ولكي الاجر قبل كل شي وإن شاءالله ربي

يعوضك ويعطيك على قــد نيتك .... ,وإذا دل على شي دل على مستوى

هالطالبات ومدى امانتهم .. لاتزعلي اختي وكل شي عند ربك

وفعلا انا لاحظت كم ووحده ماهما الى مصلحتها الشخصيه للاسـف الشديد وفي

بنات الله يجزاهم الف خــير ينحطوا على الجرح يبرى.

[DRE@MS]

جد شيء يزعل بدل مايدخلو الجامعه ويتعلمو ويرقو أخلاقهم ومعاملتهم للناس .. للأسف البعض صاروا نفسي نفسي

انتي سويتي اللي عليكي وساعدتيهم.. وربي مايحضيعلك أجر بإذن الله ياقمر

أنا افتكر لما كنت انتساب كدا بعض الطالبات بياخدو مثلا عشان يصورو وتقعدي وراهم وراهم عشان يرجعلك ورقك
وبعدين حتى لو رجعك وشفتيهم مثلا حتى ابتسامة مافي.. خلاص اخدت اللي تبغاه وانتهت ..

الله المستعان.. وربنا يهديهم

[امووونه]

ياقمر مره موضوعك مؤثر من جد قهر

انا صار معاي نفس الموقف تقريبا بس مو كتاب دفتر لماده وكان جدا مرتب والوان شي يفتح النفس وحده من الشعبه
اخذت الدفتر تصوره قبل ايام الاختبارات
وبالاخر فص ملح وذاب البنت ولما سالتها الفصل اللي بعده قالت تصدقي ضاع مدري كيف >>> فسروها عاد
لا تزعلي في عالم تبيع نفسهــا عشان شي اتفه من التافــه ماتبغي تبيع ضميرها شوي

مو مشكله حبيبتي نبقى احنا نتعامل باصلنا واهم شي سويتي خير صدقيني بتلاقي خير بس احتسبي الاجر

[تولين^_^]

معليش اختي غيتاره باذن الله اجرك مضاعف انتي سويت هالشي لله وصدقني حقك ماراح يضيع

والواحد يعيش ويتعلم مو كل الناس طيبين ولا كل الناس يتعاملو بضمير عموما

والله موقف يحرق القلب بس حسبي الله ونعم الوكيل

والله يسهلك لااختك يارب هذا الترم وتيب الامتياز فكل هاذي المواد

ولا تزعلى نفسك معليش الله يعوضك خير:)

[طيوبة]

من جد شي يقهر يخلي الواحد يندم وماعاد يبي يسوي خير
حسبي اللة عليهم لا وبكل قوة عين تقول؟ مين انتي
دنيا ياما بنشوف ناس كذا
اللة يعوض عليك

[.,.نيــــــــــــــــــــران.,.]

قلبي لاتزعلين من بنات مالهم ذمة ولا ضمير

ماألومك على قهرك تصير كثيرررر وان شالله يكون ذا الشي عبرة لمن اعتبر

انتي احتسبي الاجر عند الله تعالى واذا سحبتي الثقة لك حق

أنا عن نفسي في محاضراتي وكتبي لايمكن أثق في البنات ياما سمعت قصص وسمعت بس الله الحامي

تحياتي بحجم قلبك الكبير :)

[جذور...الغلا]

يااااللله


ياقيثارة الأمــل


والله العظيم زعلتيني كثيـــــــر كثيــــــــر


سبحان الله .... يعني خير تفعل شر تلقى ..!!!!


انا صار معايه نفس الشي

اعرت واستعرت من بنات هنا في المنتدى وضاعت الأرقـام من جوالي

بس الحمد لله انا كاتبه اسمائهم في ورقه عندي ... الموهم

قمت ارسلت لهم رسايل خاصه فيها رقم جوالي

والحمد لله ... رجعوا ارسلو لي وتواصلنا من جديد

ورجع الحق لاصحابه


من جد تعاملت مع مجموعة بنات... والله يرفعون الرأس ... ثقة وأدب وأخلاق وذوق

الله يوفقهم


فحابه اشكرهم من كل قلبي على حسن اخلاقهم

(( عهـــود - طالبة مو فاهمه -تورللي- جنـون- طموحـي عالي ))





-------------------


هذي تجربتي ... ومثل مافيه بنات كويسات فيه بنات ...!!.....


انتي اصبري ... واحتسبي


والله يكتب اجرك... ويعوضك انتي واختك خير



والله مواقف البنات معاااااااكي ... تبكـــي...


يعني انكروا كل شي وكانك ماساعدتيهم وبإخلاص...!!!



الله يرزقك على قد نيتك

[جآمعية21]

وي

معقوله فيه بنـآت زي كــذا..يآلطيف؟

عشآن كتب؟؟؟


معليش الحركة هذي مررررره تقهر..ماتصور وحده تسويها فيني وبنفس الوقت ماأرضى اسويها في بنت رضيت تعطيني كتبها جزاها الله خير

حسبي الله ونعم الوكيل بس