اقتراح للمسؤولين

[نسمة امل]

السلام اعضاء ورواد هذا المنتدى الرائع
نتمنى نكون قروب ونطالب جامعتنا بان تجعل دورة لغة انجليزية مثل طلبة كلية الاداب تشمل جميع التخصصات والكليات او سنة تحضيرية مثل باقي الجامعات لان الكثير من الخريجين والخريجات لديهم الطموح لاكمال مسيرتهم التعليمية ولكن تقف اللغة والتوفل عائق لهم ,,,
شاركونا واطرحوا اقتراحاتكم لعلنا نجد من ينصفنا ,,,

[دلوعه غير]

انا كنت بسال انو انا في كلية العلوم اقدر اقدم ماستر واكتب تعهد اني اجتاز التوفل
زي كلية الاداب؟
والا لازم اول التوفل بعدين نقدم على الماستر

[أطمح للماجستير]

ما أدري لييش بالضبط الدورة خاصه بالآداب .. المفروض انها للكل والجميييع وجميع التخصصات ويمكن نقول بإستثناء الطب والهندسه لأن دراستهم اصلا تعتمد اللغه الانجليزيه ..

اما فيزيا كيمياء رياضيات احياء اقتصاد وغيرها من خارج الآداب وش يدرسون الانجليزي فيه .. الا بس في الأرقام والمسميات الأجنبيه فقط .. يعني فعلا بحاجه لكورس انجليزي مقابل التوفل في أقل من ترم ..


احسنتي نسمة أمل اقتراح كلنا معك فيه وياليت يتحقق ولو مبدئاً وان شاء الله نكون عند حسن ظنهم ..

ومن هنا نطالب إدارة الجامعه وكل المسؤوليين وكل من له علاقه بالموافقه ع المقترح أن ينظر لأبناء البلد فيما ينفعهم ويحقق طموحاتهم ..

[دلوعه غير]

من جد صح كلامكم
احنا ندرس انجلش بس كلها مصطلحات احصائية <<< تخصصها احصاء

يعني التوفل مش حيفيدنا في شي

[نسمة امل]

شكرا اخواتي على مبادرتكم الطيبة وخلونا نشد الهمة حتى نصل للقمة وبقوة نطالب المسؤولين ان يأخذوا باقتراحنا حراااام تضيع سنوات اعمارنا كذا محرومين من الدراسة بسبب التوفل واللغة ...
ونحن لدينا طموح واهداف نسعى لتحقيقها ولدينا العزيمة واعتقد كل من لدية رغبة لمواصلة الدراسة من الطلبة المتفوقين ,,,اليس كلامي صحيح
شاركونا جميعا وطالبوا معنا بذلك

[Lele]

أخواتي العزيزات

صحيح انه دورة اللغه الانجليزيه لكلية الاداب لكنها ماتشمل كل التخصصات الكليه زي علم النفس واللغه الانجليزيه...ألخ

يعني والله حراااام يضيع على الطلاب والطالبات من جميع الكليات فرصة الماجستر عشان إختبار لغه إنجليزيه في وجهة نظري غير عادل ومجدي ياليت لو يدرسونا

في دوراتهم أو السنه التحضيريه التوفل والحاسب نبغي نرتقي بجامعتنا وطلابها نبغي نوصل لمصاف الجامعات الكبري

وأفضل كمان من الجامعات الكبري

نتمني صوتنا يصل لكل مسوؤل في الدرسات العليا

موفقين إن شاء الله

[never hide]

صح و الله ياريت ....
التوفل عائق بدون مبرر ومن وجهة نظري انه لا ينصف الطالب ...
مثلا أنا انجليزتي جيده و استطيع اقرأ و أفهم و اتحدث لكن في اختبار التوفل وقت الاختبار هو الذي يتحكم في الحل ....

[سيف بن فيصل]

نريد ان نطور لغتنا لا ان نختبر توفل يحدد لغتنا ولايقويها ويزيدها

[نسمة امل]

شاركونا ياجماعة وطالبوا بإن تكون هناك دورة لنا مثل كلية الاداب تشمل كل الكليات بدل التوفل ,,,,,,
موفقين جميعاً

[moonlightshadow]

سلام عليكم

بصراحه برضوا مع معاناة الطلبه و الطلبات من التوفل انا ما احبذ الغاءه . لان جامعتنا العزيزة مستواها التعلييمي مش و لابد , كمان نجي و نلغي التوفل من الماستر. بهذه الطريقه الجامعات الي بره ما رح تعترف بنا.

عسى ان تكرهوا شيئا و هو خيرا لكم

و على فكره انا دخلت امتحان التوفل الانترنت , و مع اني خريجه ادب انجليزي ماجبت إلا 502
انا انصدمت من الدرجه , توقعت افضل من كذا, لكن الريبورت الى وصلي منهم كان واقعي و صحيح!

الله يوفقنا الى ما يحبه و يرضاه

سلام عليكم