ارجوا المساعدة في الحذف و الاضافة لجدولي

[الرقم الصعب]

السلام عليكم و رحمة الله و بركاته

جدولي هذا الترم :

ادارة العمليات

النوع اجتماعي وت. موارد بشرية

مالية شركات

تسويق دولي

مباديء الاقتصاد الجزئي



ايش الاسهل ادارة العمليات او مالية شركات ؟!

مباديء الاقتصاد الجزئي , هل تنصحوني اني اخذها مع مالية شركات او ادارة العمليات في الجدول ؟


ياليت تدلوني كمان ع مادة حرة او اختيارية تكون سهلة :) ؟

[الرقم الصعب]

يا شباب ياليت تدوني رأيكم جزاكم الله خير

[يحيى الوايلي]

السلام عليكم

إدارة العمليات أصعب لانه نادر ماتحصل مدرس ملم بالمنهج كامل (عملي ونظري)ودكتور الماده اذا باقي الكاسر معقد

ماليه الشركات كثر اللي يدرسونها وهي ماده يبغا لها شغل ومراجعه لاجل ماتزنق في الوقت وعادة الاختبار يغطي كل المدروس في الماده يعني الدكتور يجيب جميع المسائل بالاختبار لكن بنظري ماده حلوه جداً والوقت كفاني مرتين

الاقتصاد الجزئي ماده متوسطة الصعوبه وتلخبط فيها لذلك ما انصح فيها مع ادارة العمليات لكن اذا كنت من النوع اللي يحب العملي أكثر من الحفظ فعادي نزلها مع الماليه

المواد الحره انا نزلت الراي العام اول مابديت بالمذاكره تحطمت وعقدني الكتاب وكثرة التعاريف لكن في الاخير جبت علامه ممتازه

الاقناع تفائلت مع القرائة لبساطة المنهج ولكن الدكتور كان معقد ويادوب عديت فيها

انا اقرى الشباب يمدحون السيره النبويه والخلفاء الراشدين لكن ما اخذتها

اما الاختياري فعندك مواد اختياريه في خطتك الدراسيه لازم ما تخرج منها وانا مساري موارد بشريه ويمكن تكون تختلف

[d7om_1]

إدارة العمليات أسهل من مالية شركات
إدارة العمليات 70% نظري
وبالنسبه لمبادي الاقتصاد الجزئي ما يضرك لو تأخذها مع مالية شركات ولا إدارة العمليات خذها مع إي وحده
والماده الأختيارية حسب مسارك
أنت إي مسار ؟ وش تخصصك؟
وبعدها نقدر نرشح لك ماده

[الأسمراني]

اخوي كل ماده صراحه على حسب فهمك لها يعني انا اشوف ان اداره العمليات بالنسبه لي اسهل من ماليه شركات
لان اداره العمليات اغلبها نظري مافيه الا ست او سبع مسائل بخلاف ماليه شركات اغلبها مسائل انت وفهمك عاد


تحياتي

[hemo335]

السلام عليكم اخوي الاسمراني
لي طلب اذا فيه وقت عندك
انا مستوى سادس وابغى استفيد منك في بعض المواد بما انك سابقني بمستوى
موادي
اداره اعمال انقلش
استثمار
نضم معلومات اداريه
تسويق دولي
اداره اعمال دوليه
ياليت تفيدني من اخذ الملخصات لاني بالرياض مادري اخذها من مكتبه هاني عرب او من اي مكان وشكرا