طالبات السنة التحضيرية

[ملعقة عسل]

السلام عليكم


طالبات السنة التحضيرية

أنا الان في الصف الثالث الثانوي القسم العلمي

حبيت اعرف متى كانتالسنة اللي فاتت اختبار القدرات
ومتى طلعت النتايج
ومتى التقديم على موقع الجامعة
ومتى المقابلة في الجامعة


لاننا هنسافر ولازم اعرف التواريخ التقديرية يعني مثلا اخدتوا شهر بعد اختبارات الثانوية او اقل او اكثر

ارجوكم اهتموا بالموضوع

[sagaf007]

يا شيخة في الاجازة الجاية معليش أنسي شيء اسمه سفر

[نقطه]

أنا أفتكر إنو أول شهر في الإجازة كتمت ع العائلة الكريمة ولاقدروا يطلعوا ولا مكان ..
إختبار القبول أفتكر إنو كان بعد نهاية الإختبارات بأسبوع ..
أما التسجيل كان أظن موجود أيام الإختبارات .!!
لأنو لمن رحنا لإختبار القبول قالوا إننا مددنا التسجيل لأسبوع تاني ..

ويلا الله يوفقك يابنتي وجااااااايكم الخير إن شاء الله ..

[نيما]

لا تفكرييييي دحين ياعسل لسه بدرييي

[ملعقة عسل]

طيب لو سمحتوا حسب مافهمت من كلامكم

وقت الاختبارات التسجيل في موقع الجامعة

وبعدها باسبوع اختبار القدرات

طيب متى طلعت النتايج تقريبا ومتى كانت مقابلة الجامعة


وعلى موضوع السفر مش طالعين رحلة بالعكس طالعين عشان والدتي تعبانة وهتتعالج في دولة ثانية وانا الكبيرة وماتقدر تسيبنا لوحدنا

[نقطه]

النتايج والله ما أفتكر متى
ومافي مقابلة ولاشي ..
إلا بس يحددوا لك يوم تجي فيه وتكملي الإجراءات ويعطوكِ بطاقتك الجامعية وجدولك ..

والله يعينك ياقلبي ويقوم مامتك بالسلامه يااارب ..
بس لاتشيلي هم كلو حيمشي مزبوط بإذن الله ..
بالتوفيق :) ..

[ملعقة عسل]

الف الف شكر اختي نقطة


ربنا يوفقك ان شاء الله في دراستك ويسعدك وتوصلي لاعلى المراتب

معليش بس اخر سؤال اذا احد يعرف الاجابة

الموعد اللي حددوه عشان تكملة الاجراءات لازم اروحه بنفسي وتقريبا كان متى بعد الدراسة بفترة طويلة اولا

[نقطه]

الموعد على ما أفتكر
إنو كان بعد ما تطلع نتيجه قبولك في الجامعه بأسبوع تقريبا ..
بس أنا أفتكر إنو الشغلة ما أخذت إلا بالكثير شهر ونص تقريباً ..
ماطولت معايا ..
شوفي أنا أقولك أنا السنة الماضيه كان اليوم في 25-7 ميلادي ..
إلي هو اليوم إلي أكمل فيه الإجراءات ..
يعني على نهاية أول شهر في الإجازة تقريباً ..
بس ما أعرف إذا لازم تجي بنفسك ..
لأنو حيآخدوا منك بس الأوراق إلي لازم تطبعيها من النت وتعبيها وصور لك ..
بس هذا أفتكر إلي أخذوه مني ،، بس ما أعرف إذا حيدققوا في الصور ..
إنو إنتي الي جيتي ولا لأ .. والله ما أعرف ..
.
وترى لو تتأكدي من مصدر رسمي يكون أحسن ..
وبالتوفيق ياقلبي ..

[ملعقة عسل]

الف شكر ليكي يانقطة

جدا جدا افدتيني والله

ربنا يسعدك ياقمر

[يلدرم]

اختبار التحصيلي يحدد من مركز قياس والعام الماضي كان بعد الاختبارات

اما التسجيل كله عن طريق النت للجامعة الا عند تسليم الشهادة وقت القبول فحسب كلام الجامعة الحضور لازم