بنات اللي ما نزلهم التسكين

[hope11]

السلام عليكم

انتم عارفين انو الان كملنا اسبوع وما نزل لنا التسكين
ممكن كل وحده منكم تكتب ايش سوت الى الان بهذا الموضوع واذا في وحده منكم نزلها

[Dr.Passed]

أنا رسلت ايميلات و صحباتي للجامعه

انا عشان حاليا برا البلد

[momom3030]

ليه مانزل التسكين عندكم صيفي

[hope11]

دكتور باسيد انا سويت نفس الشيء ارسلت للعميد ورحت للجامعه

مومو لا خلصنا التحضيري الحمدلله بس ما نزل لنا التسكين

[ones]

انا كمان ارسلت للعميد بس ما رد
انا قلت حستنا لما اسبوع الجاي وبعدها اروح العماده اطلب تسكين
انتو ايش رايكم؟
ولا بابازيقول حخلي احد يشوفلك بس قلت لا شويا انا اروح
فايش رايكم اخلي بابا يكلم احد لانو يعرف ناس يشتغلوا في الجامعه ولا مومستاهله و اروح بنفسي؟

[Beeshoob]

الله يعينكم صرااحه من جد فاهمه وضعكم

وعن نفسي لو كنت مكانكم اجيب مخدتي وعند باب الوكيله

ومااتحرك الا وانا عارفه فين حطوني

بس من جد انصحكم تروحوا تتفاهمو معاهم فيس تو فيس افضل بكتير

[نبض الابتسامة]

يعني انتوا ارسلتوا للمششاط ومارد عليكم؟!

غريبة عاادة يرد من اول يوم!!

بس شكله في زحمة رسااايل مع المستجدين

اسمعوا

ارسلوا من جديد والله يعينكم

ولاتنسسسوا اكتبوا العنوان وااااضح ترااه ما يحب العنوان الغامضة عن تجربه هع

يعني اكتبوا التسكين ما نزل لي

والله يعينكم

[hope11]

رحنا للعمادة وعبينا ورقه بس ما احس استفدت شيء

[fatoom sweety]

الله يعينكم سمعت لسا مانزلكم انا سمعت انه مانزلكم بس مو لهذه الدرجة تاخييييييييييير. الله يسهل

[hope11]

الحمدلله رد علي العميد وقال انه ان شاء الله حينزل التسكين بس قاعدين يجمعون كل اللي ما نزلهم
يعني ان شاء الله الاسبوع الجاي