الي يقولوا قسم الفيزيا ظالمين (وماحدث في نموذج a )

[ma7mad92]

موظالمين ولا حاجة العيب فيينا ماروح نطالب بحقنا عند رئيس القسم لانو طلاب نموذج a راحو وطالبوا بحقهم ونشبوا في حلوقهم وفعلا طلع غلط في الاسئله وحنا النماذج الثانيه سكتين معقوله 1600 طالب درجاتهم طايحة مافي الا 25 طالب الي اعترضوا وكتبوا اساميهم مدير القسم جزاه الله خير قال اذا تعرفوا اصحابكم جيبوهم يعترضوا حتى لو في صعوبه في الاسئله ويباله وقت قال عشان اوجهم بدلايل قوية يعني مجموعة كبيره من الشكاوي بكره في الاجتماع وقال إن شاء الله تتغير الدرجات وقال اعتذر في البداية جوني عشرات الطلاب وللاسف لم اكتب اساميهم وقال لوتعرفهم كلموهم يجوا يكتبوا اساميهم
(يالله شباب اخر فرصه بكره الصباح لانوا الاجتماع بكره مع المنسق فلنكن يد وحده)

[Hno0odh]

طيب حلوو .. يله ان شاااء الله يتعددددل الوضع ويقدر يسوي لكم شيء .. ورووحوا بكراااا كولكم .. لانه زي ماقال لما يكونون الطلاب كثارررر حيكون عنده حجه ويتقدر يتكلم .

بالتووووفيق لكم يآرب

[SAWIV]

يا شباب الي بيروح كمان ياليت لو تقترحون نقطة وهيا انو الاختبارات الجاية يكون في 3 اسئلة بونس زي البنات والله انا اشوف ان فايدتها كبيرة جداا .

[Hno0odh]

^
من جد صح

احنا في الدوري الاول 3 بونس
وفي الثاني 3 بونس
والنهائي 4 بوونس
مرررررررره مفيده لازم تطلبووووووووون

[إبداع آخر]

أنا نموذج b

و قلتله إن الأسئلة صعبة مقارنة بالترم إللي الفات

و إن في أخطاء في الأسئلة ما عدلوها إلا نهاية الوقت

و التصحيح أكيد في مشكلة

و الوقت ما يساعد إذا الإختبار كان زي كذا

[Eng. Abdullah Saeed]

المشاركة الأصلية كتبت بواسطة إبداع آخر أنا نموذج b و قلتله إن الأسئلة صعبة مقارنة بالترم إللي الفات و إن في أخطاء في الأسئلة ما عدلوها إلا نهاية الوقت و التصحيح أكيد في مشكلة و الوقت ما يساعد إذا الإختبار كان زي كذا

انا نموذج b مافي اي مشكله !!!!

[مضيعة في الجامعة]

الله يعينكم

[محمد عماد]

يا اخي انا اعترض على نموذج c .. سؤال رقم 17 ترتيب الخيارات a b c c e
يعني مافي d ... والإجابة الصحيحة هي D ولما كلمنا الدكتور قال احنا قلنالكم وقت الإختبار عدلوه .. وقت الإختبار مافي احد جا يقول لنا انو فيه خطأ في ورقة الأسئلة ... والله ظلم

باذن الله انا جاي بكرة وبأعترض عليهم ... اذا ما نفع معاهم بأرسل للدكتور عبد الرحمن اليوبي وكيل الجامعة للشؤون التعليمية هو يتصرف معاهم

[GnrlKhalid]

المشاركة الأصلية كتبت بواسطة ريال سعودي يا اخي انا اعترض على نموذج c .. سؤال رقم 17 ترتيب الخيارات a b c c e يعني مافي d ... والإجابة الصحيحة هي d ولما كلمنا الدكتور قال احنا قلنالكم وقت الإختبار عدلوه .. وقت الإختبار مافي احد جا يقول لنا انو فيه خطأ في ورقة الأسئلة ... والله ظلم باذن الله انا جاي بكرة وبأعترض عليهم ... اذا ما نفع معاهم بأرسل للدكتور عبد الرحمن اليوبي وكيل الجامعة للشؤون التعليمية هو يتصرف معاهم

أنا كمان نموذج c و أقسم بالله إنه ما جا ولا أحد قلنا عدلوا أي شيء في نموذج c . والله هذا ما ينسكت عليه مو بس غلط في ترقيم الخيارات توجد أخطاء في ترتيب الخيارات مع ورقة الإجابة .

[محمد عماد]

المشاركة الأصلية كتبت بواسطة GnrlKhalid أنا كمان نموذج c و أقسم بالله إنه ما جا ولا أحد قلنا عدلوا أي شيء في نموذج c . والله هذا ما ينسكت عليه مو بس غلط في ترقيم الخيارات توجد أخطاء في ترتيب الخيارات مع ورقة الإجابة .

انا عندي نموذج c ... باذن الله بكرة بروح عند رئيس القسم واثبتله الخطأ الي موجود في الإختبار
اما الدكتور حقنا تبع الأرانب ، انا اعرف اتصرف معاه