بنات خطة ب سابقا عاجل -سليمانية

[وي ياحلاتي حدي كلاسي]

السلام عليكم ورحمة الله وبركاته

إستدعاء لبنات خطة ب الترم اللي فات

آحتاج رايكم في الدكاترة

آبغى آعرف مين هما آحسن الدكاترة

في الكيمياء والآحصاء

والآحياء
وياليت تقولو لي احسن الملخصات لكل مادة

وشكرا ليكم

[m!ss-oudy]

.
.
.ـآيوـآ والله ي ليتً ..

[بريد الاحساس]

كيمياء ... إكرام دانش أو إلهام باعيسى بس اكرام افضل
احصاء ... طبعا سماح سندي أو ريم الحربي أو نهله
أحياء ... حنان الشاذلي أو عواطف
موفقين

[احلى بنوتة في الجامعة]

انا اقلك احسن دكاترة الكيمياء هما اكرام وليلى الحربي

انا الصراحة كنت عند اكرام ماتخرجي من المحاضرة الي انتي فاهمة حتى وحدة من صحباتي كانت عند دكتورة فايدة ماكانت تحضر الا معايا لان دكتورتها سيئة على ماسمعت

احصاء انا كنت عند كتورة نهلة جيدة تفهم اسلوبها حلو بس مشكلتها المسالة ماتفصل في حلها انا اقلك خليك عند كتورة نهلة واحضري سكشن عند دكتورة سماح لانه هاذي الدكتورة بس تعطي سكاشن وتشرح في السكشن انصح لاحد يحضر سكشن مع نهلة لا نةمن جد ماله داعي

احياء كنت عند كتورة سيئة اسمها سحر حداد ماستفدت منها شي مدري عن دكاترة الاحياء كثير



الملخصات في الكيمياء ذاكرت من الكتاب ومن المحاضرات حقت اكرام والحمد الله اخذت a
الاحصاء ذاكرت من اشرف بركات جيد بس اكثر شي تركزي على اختبارات السنوات الي فاتت يجيبوا منها كثير
الاحياء تست بانك وبس

وبالتوفيق للجميع وياليت تفيدوني بدكاترة خطة[أ]

[بسمة تشرين]

المشاركة الأصلية كتبت بواسطة احلى بنوتة في الجامعة انا اقلك احسن دكاترة الكيمياء هما اكرام وليلى الحربي انا الصراحة كنت عند اكرام ماتخرجي من المحاضرة الي انتي فاهمة حتى وحدة من صحباتي كانت عند دكتورة فايدة ماكانت تحضر الا معايا لان دكتورتها سيئة على ماسمعت احصاء انا كنت عند كتورة نهلة جيدة تفهم اسلوبها حلو بس مشكلتها المسالة ماتفصل في حلها انا اقلك خليك عند كتورة نهلة واحضري سكشن عند دكتورة سماح لانه هاذي الدكتورة بس تعطي سكاشن وتشرح في السكشن انصح لاحد يحضر سكشن مع نهلة لا نةمن جد ماله داعي احياء كنت عند كتورة سيئة اسمها سحر حداد ماستفدت منها شي مدري عن دكاترة الاحياء كثير الملخصات في الكيمياء ذاكرت من الكتاب ومن المحاضرات حقت اكرام والحمد الله اخذت a الاحصاء ذاكرت من اشرف بركات جيد بس اكثر شي تركزي على اختبارات السنوات الي فاتت يجيبوا منها كثير الاحياء تست بانك وبس وبالتوفيق للجميع وياليت تفيدوني بدكاترة خطة[أ]

ههههههههههه انتي شكلك معاي كنتي
بنسبة للكيميا اكيد اكرام ودكتورة ليلى بس ليلى مح تدرس تحضيري ده الترم يعني اكرام
والكيميا ذاكرت الكتاب + تست بانك ليلى الحربي وتست بانك لموجود بموقع اكرام دانش من جد مفيدة والاختبارات القديمة اكيد
نهله في المحاضرة تجنن ممكن صح السكشن مو مره لكن تحب تخليك تعتمدي على نفسك
ماادري ماافضل احضر عند وحده ثانية ةنهله اسلوبها حلو حلي حتلاقي الحل وتتناقشي فيه لكن تبغيه جاهز صعبة حبتين وتقدري تروحي تساليها ياما عذبناها بالاسئلة
الاحصاء كتاب + ملخصات جمال السعدي والاختبارات القديمة
اما سحر حداد الحمد لله ارتحنا منها اوك صح الاحياء ماله داعي نسال عن الدكتورة لكن سحر اااااه عذبتنا هههههه الحمد لله سبنا المادة وانتهى الموضوع
لكن احسن شيء في الاحياء يقولوا احلام الاحمدي لو تبغى تفهمي

[عاشقة الأهلي]

سلام ياحلوين ادخل ع طول في الموضوع
احياء : الاستاذة مالها داعي من جد عشان احنا نحضر عشان لالا نححسب غياب بس والمذاكرة من التست بانك وتجيبي a+ انشاءالله لو ذاكرتيه كويس محاضرات الاحياء مررررررررة مملة وحقت نوووووووووووم
احصاء : انا كنت عند نهلة وماشاءاللله عليها كشرح اما حل سكاشن لا ما تفصل والي ماتحل في البيت السكشن تطلع من السكشن على الفاضي بس تضيع وقت اما لو حليته مسبقا بتكوني استفدتي كثيييييييييييييير وانا رأيي انها احسن استاذة بس يبغالك متابعة وحل اول باول
الكيمياء: انا كنت مع الهام باعيسى شرحها تمااااام وتفهم صح بس الي بالكتاب اما اسألة مراجعة غير ذاللك ماعندها بس تحت الخدمة في المحاضرة غيره لالالا فعشان كذا حوست في الكيمياء وتجي اسألة في الاختبارات ماعمري شفتها بس الي ساعدني وكثير كمان تست بانك ليلى الحربي واكرام دانش والله من جد هما الي ساعدوني وحتى لمن سالت الدكتورة الهام كيف اذاكر قالت من تست بانك اكرام يعني مهم مهم مهم وفي اسألة كثيرة منه
وبالتوفيق للكل تحياتي عاشقة الاهلي

[THE HILL]

الاحصاااء سمااااااااااااااااااااااااح سندي وبس طبعا ع قد ما تقدري لازم تحضريلها سكااااشن لو ع قطع رقبتك >> بسم الله عليك بس صيغه مبالغه للاهميه


انا كانت تدرسني معيده " ود عفيف " كويسسه بس نصييييييحه مني اشرف بركات فاهم الاحصاء زي الناس وينبهك ع اشياء ممكن تغفلي عنها ولا تنسي البروبلمز اللي بعد كل سكشن

والكيمياء درستني د: ليلي بما انها ما راح تدرس الترم دا
انصحك باكراااام دانش منسقه الماده ولو مررة دكتورتك ما تفهم فيه موضوع لسحر البيان اطلعي عليه مرااا مهههم بعد ما تذاكري الكتاب ولو تقدري تذاكري سلايدات د : ليلى حتفييدك كثيير



اما الاحياااء لا تشيلي همه مرااا تسست بانك وافضل انك تترجمي بنفسك

[وي ياحلاتي حدي كلاسي]

يسلمو كثيييييييير ....الله يوفق الجميع
واللي تبي افيدها في خطة أ
صراحة انا كنت عند غادة مطر صح تشرح بس ماكنت افهم عليها مرررة مع انه في ناس يمدحوها والثانين ماعرف عنهم شي
الفيزياء انا كنت عند استاذة شرحها مو مررررة بس يقولو ان لبنى وسناء كويسين بس عن نفسي ماحضرت لهم محاضرات بس ذاكري من ملخص اشرف بركات مرررة كويس ويبالك تتطلعي على ملخص طلعت سالم
الاتصال والحاسب ماله داعي احضر المحاضرة اصلاً
وموفقييييين
وياليت تفيدوني في الملخصات اكثر....وشرا كثير ليكم.

[عاشقة الأهلي]

على فكرة لاتلخبطك الملخصات فاهمة
يعني الاحياء تست بانك وبس والحمدلله جبت درجة كويسة
احصاء عني انا بس كتاب واسألته واسألة السنة الي راحت بس تفهمي كويس مو اي كلام تذاكري الكتاب والاسألة والحمدلله جبت درجة كويسة
كيمياء كتاب بروبلمز واسألة اكرام الي بالموقع حقها وسلايدات تست بانك ليلى وكمان اكرام بتنزله على موقعها يعني اكرام الكل في الكل ؛؛(<<<< والله حبيتها الدكتورة اكرام مع اني عمري ماشفتها والحمدلله جبت درجة كويسه كمان
اتمنى انك استفدتي

[M!Šs ŖỏŖỏ]

الكيمياء أحسن شي إكرام دانش أنا كنت عند إلهام باعيسى بس شرحها سريع

الاحصاء نهلة عبدالجبار مره عسل وشرحها بسيط ومفهوم