الله يخليييكم سااااعدوووني رايتنق 1 حيجنننني ..

[NooOoon]

السلام عليكم ورحمة الله

ياليت أحد يشرح لي بكل بساطه وبدون تعقيد
عن أنواع المقاله هي 3 أو 4
وياليت تكتبون لي أسماءها بالإنجليزي
ماأعرف الا المقارنه
لأني أخذت الماده في السنترا وصوت الإستاذه ماكان واااااااضح أبدآ
ولا فهمت منها شيء بالعكس حسيت إني تلخبطت مره مره مره
الله يخليكم سااااااعدوني
أحس إني تحطمت إختباري يوم السبت
ولا فاهمه شيء
وهل هي في الإختبار راح تطلب مننا في مقاله المقارنه نتكلم بس عن التشابه أو الإختلاف
أو أنا أتكلم عن أي شيء أبغاه ؟؟
ياليت سؤالي واضح
وألقى أحد يساعدني...

[NooOoon]

الله 19 مشاااهده ولا رد
ليييييييييش
إيش المنتدى الميت هذا ؟!!!
وين التفاعل معقوله ماأحد فاهم؟؟

[ذكريات410]

والله انا مثلك..

بس مدري اش فيهم ...غريبة مو عادة البنات ولا حتى الشباب ..شكلهم مشغولين بالمذاكرة

انا ماحضرت الا محاضرة واحدة بس..

وامس السنترا قفلوه مو راضي يفتح....مرة حايسة...انقهرت

مدري اش اسوي؟؟؟اتمنى احد يساعدني.؟؟؟؟

اي شي عن المادة مدري كيف اذاكر؟؟؟

[toofey]

شوفو حبيباتي
المادة هادي عقدتي بس حبيت اساعدكم باللي اعرفه لعل الله يوفقني فيها
اولا المطلوب مننا في رايتنق 1 ثلاثة انواع للايساي اللي هي المقالة وهيopinion essay1-
coparision&contrast essay2-cause&effect essay3
النوع الاول تكتبي عن رايك في موضوع معين
النوع الثاني تكتبي مقارنة بين شيئين اما تتطلب منك اوجه الشبه فقط يعنيcoparison
او تطلب اوجه الاختلاف يعني contrast
النوع الثالث تكتبي اما النتائج او الاسباب لمشكة او ظاهرة معينة
وقالت الاستادة ان ما تتطلب الاثنين سوا عادة يعني اما تطلب الاسباب فقط او النتائج وكدلك في المقارنة اما تطلب التشابه فقط او الاختلاف بس ياليت تتاكدوا من بنات شعبتكم
بعدين اهم شي يكون مقالك ماشي على الطريقة الصحيحة للايساي يعني مقدمة و3 برقرافات وبعدين اخر شي الخاتمة يعني المفال يكون من 5 برقراف
المقدمة تكون الجملتين الاولى عامة بعدين تبدئي تتحدي في الكلام اكثر وتستخدمي اسلوب مشوق في حدوح 2-3 جمل وبعدين اخر جملة في المقدمة تكون مرة مهمة واسمها thesis وهي توضح عن ايش راح يتكلم موضوعك يعني الافكار اللي راح تتكلمي عنها في كل توبيك
بعدين تبدئي البرقراف الاول اوال جملة تكون فيها فكرة البرقراف يعني تكون توبيك وتبدئي بعدها تشرحيه في ثلاث نقاط بانك تدكري امثلة وشرح ومعلومات كل نقطة في 2-3 جمل تقريبا واخر جملة في البرقراف تكون خاتمة له يعني توضح فكرته باختصار ومثله بقيه البرقرافات الين الخاتمة
الخاتمة يكون فيها اعادة thesisولكن بكلمات وعبارات مختلفة وتكون اما نصيحة او راي او حل لمشكة ..............وكدا
ولا تنسوني من الدعاء والله محتاجة دعواتكم ولدي مريض وبكرة عندي عربي ومرة مضغوطة وحبيت اساعدكم وعندي طلب
ياليت تقولولنا ايش المواضيع اللي بتجيكم في الاختبار لانكم حتختبروا قبلنا وبالتوفيق

[NooOoon]

الله يفتح عليك
ويشفي ولدك يااارب
مشكووووره وماقصرتي الله يوفقك وين مارحتي ..

[my-nana]

حبيبتي عندك الهاندآوت في لكل نوع ايساي مثال عليه طبقي على نفس النمط لأن لكل نوع عدد براقرافات معينه وطريقة كتابه مختلفه وبعدين دوري لمقالات على نفس الشاكله بمواضيع عامه سبق وطرحت بالإختبارات السابقه

[روح رورو]

انا اختبرته امس
عدد البراقرافات هيا بتحدده لك
اما بالنسبه للـ coparision&contrast essay

المس حقتنا قالت لازم نكتب الاختلاف والتشابه
اما فالإفكت والكوزز ممكن نكتب عن الاثنين ولا انتي اختاري تبين الافكت ولا تبين الكوزز هيا ماتحدده

بس الأمثله اللي بالهاند أوت ترا تساعد بفهمك للموضوعات وحلوة شوفيها

احنا جانا عن generation gap between older and younger generation
والثاني نسيته بس كان اوبينيون والثالث عن تلفزيون الواقع ..
ربنآآ يوفقك

[NooOoon]

my nana
الهاند أوت مو عندي والسنترا مو راضي يفتح لو فتحت ماأحتجت أسأل

روح رور الله يوفقك يارب
تلفزيون الواقع تحت أي نوع من المقاله؟
إنتي أنتظام؟؟
مين أستاذتك؟

[NooOoon]

up
up

[a88]

http://www.skaau.com/vb/showpost.php...71&postcount=4

أولا :سواء كان رايتنج 1 او 2 يعني برجراف ولا مقال في البداية ركزوا ع الموضوع اللي بتختاروه يعني اختاروا موضوع كذا عام تحسوه يوضح فكرة الموضوع بشكل عام ومختصر اوكي طيب لما تجيوا تكتبوا الموضوع لازم الحروف الاولى من كل كلمة تكون كابيتل عادا حروف الجر انتبهووووا لا تنسوا مثلا the study of language لاحظو الكلمات اول حرف من كل كلمة كابيتل ماعادا حرف of كان سموووول خلاص كذا خلصنا من الموضوع ثانيا: نجي لما نكتب البرجراف الاول اللي هو المقدمه يعني شرح للموضوع بشكل عام مو بالتفصيل بس توضيح فكرة الموضوع عشان لما يجي الشخص يبغى يقرأ الموضوع كامل يكون فاهم عن ايش احنا نبغى نتكلم طيب قبل ياحلوين مانبدأ نكتب المقدمه سواء كانت برجراف او ايزي في البدايه ولا تنسوووووووووووووووا نترك مسافة خمسة حروف في البدايه بعدين نكتب اول حرف كاااااااابيتل طيب خلصنا وكتبنا المقدمه كمان العرض والخاتمه نفس الشئئئئئئ لازم مسافة خمسه حروف في البداية لا تنسووووووووا تذكروا ياجماعة الخير لازم بين كل جملة وجملة نقطه ومع انتهاء كل نقطة الجمله اللي بعدها تبدأ بحرف كابيتل الفواصل لو كانت الجمله مابتنتهي بس تتكون من اكثر من عنصر يصير بين جمله وجمله فاصله ايضا لما يكون في تكرار لشئ ما لا تنسوا مثلا نبغى نجي نقول مثال عن الخضروات نقول ومن الخضروات :<<لا تنسوا النقطتين الرأسيتين وبعدها نبدأ نعدد الخضروات : الموز ، البرتقال ، التفاح ، العنب و الكرز <<لاحظوا ياحلوين شوفوا عدددنا الخضروات وبين كل وحده وحده حطينا فاصله ماعدا اخر شئ حطينا حرف العطف اللي هو الواو وبالانجلش طبعا تعرفوا اقصد and ان شاء الله تكونوا فهمتوا الوقت مايسعفني اشرح كل نقطه ولاني سويت فرمته لجهازي وراح كل اللي كنت اذاكر منه وكل المواقع بس انا في شئ واحد استفدت منه كثيييييييييييييييير في المرفقات حملوووه رجاااااااااااااااء واقرأوه وفصفصوه مزبوط وركزا فيه كثير الله يخليكم طبعا ياجماعه احب اقولكم احنا الانتساب اجتهاد فردي يعني لو مادرست نفسك بنفسك قول للتخرج ياليل مطولك فلازم نشتغل ع انفسنا كثير طبعا اللي معاهم رايتنج 1 يحاولوا يبحثوا ويتثقفوا كيف يكتبوا ويركزوووا مزبووووط واللي معاهم رايتنج 2 برضوا نفس الشئ يحااولوا يبحثوا كيف يكتبوا الايزي ويركزوا مزبوط وركزوا ع القرامر واحفظوا كلمات كثيره انتفقنا كذا ؟؟؟ آخر شئ والمهم بالنسبة لي مهم ياجماعه كلامي الحين حطوه في عقلكم وركزوا عليه الخط ثم الخط ثم الخط لما تيجوا تكتبوا لازم تحسنوا خطكم حاولوا تكتبوا بحروف واضحه بغض النظر عن كيف تكتب بطريقه منفصله الحروف ولا مشبك حسنوا خطكككككككككم بليز بليز مهم مره حاولوا وتدربوا ياجماعه هي مهاره من عند الله بس حاولوا تحسنوا اللي خطوطهم يعني مو مره ثانيا ترتيب الورقه تجي الوحده غلطت غلطة تشخمط بالقلم كانه كشكول طيب ياحلوين اول شئ اكتبوا بالمرسام وبعدين حبروا عشان لو غلطتي او غلطت تقدر تمسح بدون تخريب لمنظر الورقه ثالثا ترتيب الافكار والجمل يعني حسسوا اللي بيصحح الورقه انه انت جالس تحاول توصله الفكره لازم ياجماعه تحاولوا تركزوا في الترتيب ترتيب الجمل ونظافة الورقه ومفهومية الجمل والخط ثم الخط ثم الخط القلم كمان يأثرع الخط انتبهوا عاد الاستاذه تقول في بنات قرامر مره ممتاز بس تجي ع الخط والترتيب و..الخ تخرب درجاتها بدل ماتاخذ في التسعين تنزل للثمانين والعكس صحيح بنات مالهم في القرامر بس في مهاره في الكتابه ينطوا من الستين للسبعين وان شاء الله الكل ينجح بدون صعوووووبه وتنجحوا بكل سهاله اتمنى تكون نصايحي فادتكم واستفدتم ودعواتكم لي ولو بكلمة أي مساعدة او اي شئ مافهمتوه انا حاضره ... الله يوفقكم ويسهلها عليكم وانا معاكم وكل من يقول لا اله الا الله

للأمانه منقول



ان شاءلله يفيدك ويكون اللي تبغيه

دعواتكم